Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.


ຊີວະປະຫວັດຫຍໍ້ ຂອງທ່ານໜູຮັກ ພູມສະຫວັນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 07/04/2020 13:09:20 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2455 ຄັ້ງ

(​ເນື່ອງ​ໃນ​ໂອກາດ​ວັນ​ເກີດ​ທ່ານ ໜູ​ຮັກ ພູມ​ສະຫວັນ ຄົບຮອບ 106 ປີ ; ວັນ​ທີ 9 ​ເມສາ 1914-9 ​ເມສາ 2020)

 

ທ່ານ ໜູຮັກ ພູມສະຫວັນ ເກີດເມື່ອວັນທີ 9 ​ເມສາ 1914 ທີ່ບ້ານພາລຸກາ, ​ເມືອງມຸກດາຫານ, ​ແຂວງ​ມຸກດາ​ຫານ; ເປັນບຸດຂອງທ້າວ ທອງພັກ ແລະ ນາງ ບັນທູນ. ໄດ້ສ້າງຄອບຄົວກັບນາງ ຈັນທົມ ໃນປີ 1933 ມີລູກຮ່ວມກັນ 4 ຄົນ. ຕໍ່ມາ ໃນປີ 1944 ​ໄດ້ສ້າງຄອບຄົວກັບ ນາງ ບຸນມາ ພູມ​ສະຫວັນ ມີ​ລູກລ້ຽງ 5 ຄົນ ​ໂດຍ​ໃສ່​ນາມ ສະກຸນ​ ພູມ​ສະຫວັນ ທັງ​ໝົດ.

ການເຄື່ອນໄຫວປະຕິວັດຂອງທ່ານ ໜູຮັກ ພູມສະຫວັນ ໃນແຕ່ລະໄລຍະ ມີດັ່ງນີ້:

  • ປີ 1945 ທ່ານເປັນໜຶ່ງໃນບັນດາຜູ້ກໍ່ຕັ້ງຂະບວນການປະຕິວັດຂອງປະເທດເຮົາ.
  • ປີ 1949 ໄດ້ຮັບແຕ່ງຕັ້ງເປັນປະທານຄະນະກຳມະການລາວຕໍ່ຕ້ານປະຈຳພາກຕາເວັນອອກ, ທັງຮັບຜິດ ຊອບກະກຽມກອງປະຊຸມໃຫຍ່ຜູ້ແທນທົ່ວປະເທດເພື່ອຈັດຕັ້ງລັດຖະບານລາວຕໍ່ຕ້ານ.
  • ປີ 1950 ໄດ້ຮັບການແຕ່ງຕັ້ງຈາກຝ່າຍແນວລາວຮັກຊາດເຂົ້າເຈລະຈາ ທີ່ວຽງຈັນ.
  • ປີ 1955 ກອງປະຊຸມໃຫ່ຍ ຄັ້ງທີ 1 ເຊິ່ງເປັນກອງປະຊຸມໃຫຍ່ສ້າງຕັ້ງພັກປະຊາຊົນລາວ (ໃນປັດຈຸບັນແມ່ນພັກປະຊາຊົນປະຕິວັດລາວ) ທ່ານໄດ້ເລືອກຕັ້ງເປັນກໍາມະການສູນກາງພັກ.
  • ປີ 1958 ເປັນສະມາຊິກສະພາຜູ້ແທນລາດສະດອນ ໃນສະໄໝລວມລາວ ຄັ້ງທີ 1; ທັງເປັນເລຂາພັກ ພາກ ສ່ວນສູນກາງຢູ່ວຽງຈັນ.
  • ປີ 1960-1962 ເປັນກຳມະການເຈລະຈາ ເພື່ອຈັດຕັ້ງລັດຖະບານປະສົມ ຄັ້ງທີ 2; ທັງເປັນເລຂາພັກ ພາກສ່ວນສູນກາງ ຢູ່ຄັງໄຂ ແຂວງຊຽງຂວາງ; ເປັນຜູ້ຊີ້ນໍາພາກສ່ວນເຂົ້າຮ່ວມໃນລັດຖະບານປະສົມ.
  • ປີ 1966 ເປັນຜູ້ປະຈຳການຂອງຄະນະປະຈຳສູນກາງພັກ ຮັບຜິດຊອບວຽກງານຈັດຕັ້ງ ແລະ ວຽກງານເສດຖະກິດການເງິນ.
  • ເດືອນກຸມພາ ປີ 1972 ໄດ້ຮັບການແຕ່ງຕັ້ງເປັນຜູ້ຮັບຜິດຊອບຊີ້ນຳວຽກງານເສດຖະກິດ.
  • ວັນທີ 2 ທັນວາ 1975 ກອງປະຊຸມໃຫຍ່ຜູ້ແທນທົ່ວປະເທດ ​ໄດ້ຖືກ​ເລືອກເປັນຮອງນາຍົກລັດຖະມົນຕີ; ທັງເປັນລັດຖະມົນຕີວ່າການກະຊວງການເງິນຂອງລັດຖະບານ ແຫ່ງ ສປປ ລາວ.
  • ເດືອນ​ເມສາ ປີ 1982 ແລະ ເດືອນພະຈິກ ປີ 1986 ທ່ານໄດ້ຮັບການແຕ່ງຕັ້ງເປັນຮອງປະທານສະພາລັດ ຖະມົນຕີ ຜູ້ທີ 1; ທັງເປັນຜູ້ປະຈໍາການສະພາລັດຖະມົນຕີ ຊີ້ນໍາກຸ່ມເສດຖະກິດ.
  • ປີ 1989 ໄດ້ຮັບການເລືອກຕັ້ງເປັນຜູ້ແທນສະພາປະຊາຊົນສູງສຸດ ແລະ ໄດ້ຮັບການເລືອກຕັ້ງປະທານສະ ພາປະຊາຊົນສູງສຸດ ຊຸດທີ 2; ທັງເປັນປະທານຄະນະກໍາມະການຮ່າງລັດຖະທໍາມະນູນ.
  • ວັນທີ 25 ພະຈິກ 1992 ​ທ່ານໄດ້ຮັບການເລືອກຕັ້ງໂດຍກອງປະຊຸມສະໄໝວິສາມັນຂອງສະພາປະຊາຊົນສູງສຸດ ຊຸດທີ 2 ໃຫ້ເປັນປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຈົນເຖິງວັນທີ 24 ກຸມພາ 1998.

   ທ່ານ ໜູຮັກ ພູມສະຫວັນ ໄດ້ຮັບການເລືອກຕັ້ງ ເປັນກຳມະການສູນກາງພັກ ໃນກອງປະຊຸມໃຫຍ່ ຄັ້ງທີ 1, 2, 3, 4 ແລະ 5 ຂອງພັກ ໃນປີ 1955, ປີ 1972, ປີ 1982, ປີ 1986 ແລະ ປີ 1991 ​ເພິ່ນໄດ້ຮັບການເລືອກຕັ້ງ ເປັນກຳມະການກົມການເມືອງສູນກາງພັກ ນັບແຕ່ກອງປະຊຸມໃຫຍ່ ຄັ້ງທີ 6 ແລະ ຄັ້ງທີ 7 ຂອງພັກ ໃນປີ 1996 ແລະ ປີ 2001.

   ຕະຫຼອດໄລຍະທີ່ ທ່ານ ໜູຮັກ ພູມສະຫວັນ ລົ້ມປ່ວຍນັ້ນ ການຈັດຕັ້ງພັກລັດໄດ້ເອົາໃຈໃສ່ເປັນພິເສດຕໍ່ການປິ່ນປົ່ວເພິ່ນ ໂດຍໄດ້ເຕົ້າໂຮມຄະນະແພດໝໍຜູ້ຊ່ຽວຊານທັງພາຍໃນ ແລະ ຕ່າງປະເທດ ແຕ່ກໍ່ບໍ່ສາມາດກອບກູ້ເອົາຊີວິດເພິ່ນໄວ້ໄດ້. ​ເມື່ອ​ເວລາ 23 ​ໂມງ ຂອງ​ວັນ​ທີ 9 ກັນຍາ 2008 ​ເພິ່ນໄດ້​ຈາກ​ພວກ​ເຮົາ​ໄປ​ໂດຍ​ບໍ່​ມີວັນກັບ​ຄືນ​ມາ​ອີກ​ແລ້ວ​ພວກ​ເຮົາ​ສຸດ​ແສນ​ເສຍດາຍ ​ແລະ ອາ​ໄລ​ອາວ​ອນ ທີ່​ໄດ້​ສູນ​ເສຍ​ຜູ້​ນໍາ​ທີ່​ດີ​ເດັ່ນ​ຮຸ່ນ​ກໍ່​ຕັ້ງ​ຂະ​ບວນການ​ກູ້​ຊາດ ​ແລະ ​ພັກ​ປະຕິວັດ​ຂອງ​ພວກ​ເຮົາ.

ເຖິ່ງວ່າທ່ານຈະຈາກພວກເຮົາໄປແລ້ວກໍ່ຕາມແຕ່ຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງທ່ານຍັງໄດ້ຝັງໄວ້ໃນດວງໃຈຂອງພວກເຮົາຕະຫຼອດມາ.                   

 

ຂຽນ​ໂດຍ: ທ່ານ ​ແກ້ວມະນີ ພຸດ​ທະວົງ

ຫົວໜ້າ​ພະ​ແນ​ກ ອະນຸສອນ​ສະຖານ ທ່ານ ໜູ​ຮັກ ພູມ​ສະຫວັນ

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110