ສານຊົມເຊີຍ


  ພະນະທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງ ການຕ່າງປະເທດເຮົາ ໄດ້ສົ່ງສານສະແດງຄວາມຊົມເຊີຍເຖິງ ພະນະທ່ານ ມາມາດີ ຕູເຣ ລັດຖະມົນຕີກະຊວງການຕ່າງ ປະເທດ ແລະ ຄົນເຊື້ອຊາດກິນີ ທີ່ດຳລົງຊີວິດຢູ່ຕ່າງປະເທດ ແຫ່ງ ສາທາລະນະລັດກິນີ ຊຶ່ງມີເນື້ອໃນວ່າ: ໃນໂອກາດສະເຫຼີມສະຫຼອງວັນຊາດ ແຫ່ງ ສາທາລະນະ ລັດກິນີ ຄົບຮອບ 59 ປີ, ໃນນາມລັດຖະບານ ແຫ່ງ ສາທາລະ ນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີ ສົ່ງຄຳຊົມເຊີຍອັນຈິງໃຈ ແລະ ພອນໄຊອັນປະເສີດມາຍັງພະນະທ່ານ ແລະ ລັດຖະບານແຫ່ງ ສາທາລະນະລັດກິນີ ແລະ ຂໍຖືໂອກາດອັນສະຫງ່າລາສີນີ້ ອວຍ ພອນໃຫ້ພະນະທ່ານ ມີສຸຂະພາບແຂງແຮງ, ມີຄວາມສຸກ ແລະ ປະສົບຜົນສຳເລັດ ໃນໜ້າທີ່ວຽກງານອັນມີກຽດຂອງພະນະທ່ານ.