ສານຊົມເຊີຍ


13.05.2019 9:13     

   ທ່ານ ບຸນຍັງ ວໍລະຈິດ ປະທານປະເທດເຮົາ ໄດ້ສົ່ງສານຊົມເຊີຍເຖິງທ່ານ ໂດນອລ໌ ຕັສ໌ ປະທານສະພາສະ ຫະພາບເອີຣົບທີ່ ບຣຸກແຊນ ເມື່ອບໍ່ດົນມານີ້ ຊຶ່ງມີເນື້ອໃນວ່າ: ເນື່ອງໃນໂອກາດວັນສ້າງຕັ້ງສະຫະພາບເອີຣົບ, ຕາງໜ້າໃຫ້ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງທ່ານ ແລະ ຜ່ານພະນະທ່ານ ໄປຍັງປະຊາຊົນສະຫະພາບເອີຣົບ ທຸກຖ້ວນໜ້າ. ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະ ຊາຊົນລາວ ແລະ ສະຫະພາບເອີຣົບ ຈະສືບຕໍ່ໄດ້ຮັບການຮັດແໜ້ນ ແລະ ເສີມຂະຫຍາຍໃຫ້ແຕກດອກອອກຜົນຢ່າງບໍ່ຢຸດຢັ້ງ ເພື່ອຜົນປະໂຫຍດຂອງປະຊາຊົນຂອງພວກເຮົາ. ດ້ວຍຄວາມນັບຖືຢ່າງສູງ. ໃນໂອກາດດຽວກັນ, ທ່ານ ທອງລຸນ ສີສຸລິດ ນາຍົກລັດ ຖະມົນຕີເຮົາ ໄດ້ສົ່ງສານຊົມເຊີຍເຖິງ ທ່ານ ຊັງ ໂກຣດເດິ ຈຸງ ເກີ ປະທານຄະນະກຳມາທິການເອີຣົບ ທີ່ບຣຸກແຊນ ແລະ ທ່ານ ສະເຫຼີມໄຊ ກົມມະສິດ ລັດຖະມົນຕີວ່າການກະຊວງການຕ່າງປະເທດເຮົາ ກໍໄດ້ສົ່ງສານຊົມເຊີຍເຖິງ ທ່ານ ນາງ ເຟເດຣິກາ ໂມເກຣີນີ ຮອງປະທານຄະ ນະກຳມາທິການເອີຣົບ ແລະ ຜູ້ຕາງໜ້າລະດັບສູງຮັບຜິດຊອບວຽກງານຕ່າງປະເທດທີ່ບຣຸກແຊນ ເຊັ່ນດຽວກັນ.