ຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບງານ ຊາປະນະກິດສົບ ສະຫາຍ ອ່ອນເນື້ອ ພົມມະຈັນ


31.07.2019 9:47     

   ເພື່ອສະແດງເຖິງຄວາມຮູ້ບຸນຄຸນ ແລະ ອາໄລອາວອນຢ່າງສຸດຊຶ້ງ ສະຫາຍ ອ່ອນເນື້ອ ພົມມະຈັນ ອະດີດກຳມະການສູນກາງພັກ ສະໄໝທີ V, VI ແລະ VII, ອະດີດເລຂາຄະນະບໍລິຫານງານພັກແຂວງ ເຈົ້າແຂວງຈຳປາສັກ, ອະດີດລັດຖະມົນຕີກະຊວງອຸດສາຫະກຳ-ຫັດຖະກຳ, ອະດີດລັດຖະມົນຕີປະຈຳສຳນັກງານນາຍົກລັດຖະມົນຕີ ພະນັກງານບຳນານ ໄດ້ເສຍຊີວິດໃນເວລາ 8 ໂມງ 00 ນາທີ ຂອງວັນທີ 28 ກໍລະກົດ 2019. - ເພື່ອເຮັດໃຫ້ງານຊາປະນະກິດສົບຂອງ ສະຫາຍ ອ່ອນເນື້ອ ພົມມະຈັນ ໄດ້ຮັບການຈັດຕັ້ງປະຕິບັດຢ່າງສົມກຽດ ແລະ ມີຄວາມເປັນລະບຽບຮຽບຮ້ອຍ. ຄະນະເລຂາທິການສູນກາງພັກ ຕົກລົງ: ມາດຕາ 1: ແຕ່ງຕັ້ງຄະນະຮັບຜິດຊອບງານຊາປະນະກິດສົບ ສະຫາຍ ອ່ອນເນື້ອ ພົມມະຈັນ ປະກອບດ້ວຍບັນດາສະຫາຍດັ່ງນີ້:

1. ສະຫາຍ ເພັດ ພົມພິພັກ ກຳມະການສູນກາງພັກ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ເປັນປະທານ.

2. ສະຫາຍ ສົມສະໜິດ ສຸວັນນະລາດ ຮອງລັດຖະມົນຕີ ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ເປັນຮອງປະທານ.

3. ສະຫາຍ ວັນໄຊ ພອງສະຫວັນ ຮອງຫົວໜ້າຄະນະຈັດຕັ້ງສູນກາງພັກ ເປັນຮອງປະທານ.

4. ສະຫາຍ ທອງພັດ ອິນທະວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ເປັນຮອງປະທານ.

5. ສະຫາຍ ຄຳບຸນນັດ ໄຊຍະນົນ ຮອງລັດຖະມົນຕີກະຊວງກະສິກຳ ແລະ ປ່າໄມ້ ເປັນຮອງປະທານ.

6. ສະຫາຍ ຄົມສັນ ໄຊຍະສານ ຫົວໜ້າກົມຈັດຕັ້ງ-ພະນັກງານ ຫ້ອງວ່າການສຳນັກງານນາຍົກລັດຖະມົນຕີ ເປັນກຳມະການ.

7. ສະຫາຍ ບຸນເຖິງ ດວງສະຫວັນ ຫົວໜ້າກົມສົ່ງເສີມພັດທະນາ, ກະຊວງອຸດສາຫະກຳ ແລະ ການຄ້າ ເປັນກຳມະການ.

8. ສະຫາຍ ບັນນະວົງ ດ້ວງປັນຍາ ຮອງຫົວໜ້າກົມຄົ້ນຄວ້ານະໂຍບາຍ ຄະນະຈັດຕັ້ງສູນກາງພັກ ເປັນກຳມະການ.

9. ສະຫາຍ ພັ/ທ ເຄນ ທິດາວົງ ຫົວໜ້າພະແນກນະໂຍບາຍ ກົມນະໂຍບາຍ ກະຊວງປ້ອງກັນຄວາມສະຫງົບ ເປັນກຳມະການ.

10. ສະຫາຍ ບຸນຍອດ ຈັນທະວອນ ຮອງອຳນວຍການ ຫ້ອງການກອງທຶນປະກັນສັງຄົມແຫ່ງຊາດ ກະຊວງແຮງງານ ແລະ ສະຫວັດດີການສັງຄົມ ເປັນກຳມະການ.

11. ສະຫາຍ ບຸນໄທ ທົງທິລາດ ຮອງຫົວໜ້າຫ້ອງການ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເປັນກຳມະການ. 12. ສະຫາຍ ພັ/ທ ຈັນມີ ໄຊສົມພອນ ຫົວໜ້າພະແນກສະຫວັດດີການສັງຄົມ ກົມນະໂຍບາຍ ກະຊວງປ້ອງກັນປະເທດ ເປັນກຳມະການ.

13. ສະຫາຍ ສົມລິດ ສຸກສົມຫວັງ ຮອງຫົວໜ້າກົມສາສະໜາ ສູນກາງແນວລາວສ້າງຊາດ ເປັນກຳມະການ.

14. ສະຫາຍ ຕາງໜ້າຄອບຄົວ ເປັນກຳມະການ.

ມາດຕາ 2: ມອບໃຫ້ຄະນະຮັບຜິດຊອບງານຊາປະນະກິດສົບດັ່ງກ່າວ ປະຊຸມສຶກສາຫາລືກັນຢ່າງລະອຽດ ແລະ ມີການແບ່ງງານແບ່ງຄວາມຮັບຜິດຊອບໃຫ້ກັນຢ່າງຈະແຈ້ງ.

ມາດຕາ 3: ຂໍ້ຕົກລົງສະບັບນີ້ ມີຜົນສັກສິດ ນັບແຕ່ມື້ລົງລາຍເຊັນເປັນຕົ້ນໄປ.