ສານຊົມເຊີຍ


     ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ສົ່ງສານຊົມເຊີຍເຖິງທ່ານ ນາງ ໂດອິສ ເລີທາ ປະທານາທິບໍດີ ແຫ່ງ ສະມາພັນທະລັດສະວິດ ຊຶ່ງມີເນື້ອໃນ ດັ່ງນີ້: ເນື່ອງໃນໂອກາດ ທີ່ທ່ານໄດ້ຮັບການເລືອກຕັ້ງໃຫ້ດຳລົງ ຕຳແໜ່ງເປັນປະທານາທິບໍດີ ແຫ່ງ ສະມາພັນທະລັດສະວິດ, ຂ້າ ພະເຈົ້າ ຂໍສົ່ງຄຳຊົມເຊີຍຢ່າງຈິງໃຈ ແລະ ພອນໄຊອັນປະ ເສີດມາຍັງທ່ານ ຈົ່ງມີສຸຂະພາບເຂັ້ມແຂງ, ມີພະລານາໄມ ສົມບູນ ແລະ ໄດ້ຮັບຜົນສຳເລັດ ອັນຍິ່ງໃຫຍ່ ໃນໜ້າທີ່ວຽກງານອັນສູງສົ່ງຂອງທ່ານ. ຂ້າພະເຈົ້າ ຫວັງວ່າຈະໄດ້ຮ່ວມເຮັດວຽກກັບທ່ານ ເພື່ອ ສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມ ມືອັນດີ ລະຫວ່າງສອງປະເທດພວກເຮົາ ໃຫ້ຈະເລີນງອກ ງາມຍິ່ງໆຂຶ້ນ ເພື່ອຜົນປະໂຫຍດຂອງປະຊາຊົນສອງຊາດ ພວກເຮົາ ແລະ ເພື່ອສັນຕິພາບໂລກ ແລະ ການຮ່ວມມື ເພື່ອ ການພັດທະນາ.