Chania

ກວ່າ 90% ຂອງການລົງທຶນຢູ່ ນວ ແມ່ນຂະແໜງໂຍທາຂົນສົ່ງ.

   ສົກປີ 2013-2014 ຜ່ານມາ ການລົງ¬ທຶນຢູ່ໃນນະ¬ຄອນ¬ຫຼວງວຽງຈັນ (ນວ) ກວມເອົາຫຼາຍກວ່າ 90% ແມ່ນສຸມໃສ່ພັດ¬ທະ¬ນາພື້ນ¬ຖານໂຄງລ່າງໃນຂົງ¬ເຂດໂຍທາທິການ ແລະ ຂົນ¬ສົ່ງກໍຄືສ້າງເສັ້ນ¬ທາງ ເພື່ອຮອງຮັບການຂະ¬ຫຍາຍ¬ຕົວທາງດ້ານເສດ-ຖະ¬ກິດ-ສັງ¬ຄົມສະ¬ເພາະໜ້າ.
  ທ່ານ ດຣ. ສິນລະວົງ ຄຸດໄພ¬ທູນ ເຈົ້າຄອງນະ¬ຄອນ¬ຫຼວງວຽງຈັນ ໄດ້ໃຫ້ຮູ້¬ເມື່ອບໍ່ດົນມານີ້ວ່າ: ໃນສົກຜ່ານມານີ້ ນະຄອນຫຼວງວຽງຈັນ ສາ¬ມາດລະດົມທຶນຈາກທົ່ວສັງ¬ຄົມເກືອບເຖິງ 38 ພັນຕື້ກີບ, ໃນນີ້ ການລົງ¬ທຶນຂອງລັດກໍສາ¬ມາດປະ¬ຕິ¬ບັດໄດ້ 535 ໂຄງ¬ການ ລວມເປັນມູນ ຄ່າ 92,13 ຕື້ກີບຮ່ວງເງິນລົງ ທຶນພາກເອ¬ກະຊົນ ແລະ ທະ¬ນາ¬ຄານ (ລົງ¬ທຶນກ່ອນ) ລວມເປັນມູນຄ່າທັງໝົດ 37.228 ຕື້ກີບ.
ການລົງ¬ທຶນສ່ວນໃຫຍ່ແມ່ນ ເນັ້ນໃສ່ການພື້ນ¬ຖານໂຄງລ່າງຕົ້ນຕໍຂະ¬ແໜງໂຍ¬ທາທິການ ແລະ ຂົນສົ່ງ ກວມເອົາຫຼາຍກວ່າ 90% ຂອງການລົງ¬ທຶນທັງໝົດ, ເວົ້າສະເພາະກໍແມ່ນເສັ້ນ¬ທາງ ຊຶ່ງໃນນີ້ ປະ¬ກອບມີໂຄງ¬ການກໍ່¬ສ້າງທີ່ສຳ¬ເລັດ 100% ລວມມີ ກໍ່¬ສ້າງທາງ 3 ແຍກຊຳເຄ້-ອາມອນ-3ແຍກຂົວໜອງໜ່ຽງ ແລະ ໂຄງການກໍ່¬ສ້າງເສັ້ນ¬ທາງ 3 ແຍກໜອງແຕ່ງ-ວຽງຄຳ-ຈຳ¬ປາ-ບ້ານໃໝ່ຊ່ວງ I ແລະ ຊ່ວງ II, ໂຄງ¬ການກໍ່¬ສ້າງທາງໂພນທັນ-ຮ່ອງແກ ແລະ ທາງເລກທີ 11 ຕອນເໜືອ ແຕ່ເກົ້າລ້ຽວ ຫາເມືອງສັງທອງ.
  ນອກ¬ຈາກນັ້ນ ກໍຍັງມີຫຼາຍເສັ້ນທາງທີ່ກຳ¬ລັງສຶບຕໍ່ປະ¬ຕິ¬ບັດ ແລະ ມີຄວາມຄືບໜ້າຢູ່ໃນປະ¬ຈຸບັນ ຕົ້ນຕໍແມ່ນທາງ 3 ແຍກໂທລະ¬ພາບ-ໜອງໜ່ຽງ-ຫົວຂົວ ປະ¬ຕິ¬ບັດໄດ້ 90%, ກໍ່¬ສ້າງປ້ອງກັນຕາ¬ຝັ່ງເຈື່ອນດອນຊິງຊູ້ ເມືອງສີໂຄດຕະບອງ ສຳ¬ເລັດແລ້ວ 18,90%, ເສັ້ນ¬ທາງວັງຊາຍ-ຊຳເຄ້-ຖະ¬ໜົນ 450 ປີ-ຫຼັກ 21 ຊ່ວງ I ແລະ ຊ່ວງ II ຄືບໜ້າແລ້ວ 61%, ການ ກໍ່-ສ້າງເສັ້ນ¬ທາງ T5ໄດ້ 12,5%, ສ່ວນທາງ T6 ສຳ¬ເລັດ 35%, ໂຄງ¬ການກໍ່¬ສ້າງເສັ້ນ¬ທາງເລກ 10 (ດອນໜູນ-ຂົວທ່າງ່ອນ) ໄດ້ 26%, ທາງແຕ່ສະ¬ໜາມກ໋ອບ-ດອນນົກຂຸ້ມ-ທາງ 450 ປີ ດຽວ¬ນີ້ໄດ້ 50%, ທາງເລກ 11 (ຕອນໃຕ້) ຊຽງຄວນ-ທາງ 450ປີ ປະ¬ຕິ¬ບັດໄດ້ 24%, ເສັ້ນ¬ທາງແຕ່ຫົວຂົວ-ນາຄວາຍ 15%, ກໍ່¬ສ້າງເສັ້ນ¬ທາງ ກມ 22-ບ້ານຫົວຊຽງ-ທາງ 450ປີ ໄດ້ 24%, ສຳລັບທາງບ້ານຄຳສະ¬ຫວາດ-ຊຽງດາ-ດົງຄຳຊ້າງ-ໜອງໄຮ ສຳ¬ເລັດແລ້ວ 40%.
  ສະເພາະ ການລົງທຶນໃນຂະແໜງອຸດ¬ສາ¬ຫະ¬ກຳ-ການຄ້າການບໍ¬ລິ¬ການແມ່ນເພີ່ມຂຶ້ນໄວ, ເດັ່ນກວ່າໝູ່ແມ່ນຜູ້ປະ ກອບການດ້ານໂຮງ¬ແຮມ, ຮ້ານອາຫານ, ການຄ້າຂາຍ¬ຍ່ອຍ, ຫັດ¬ຖະກຳການບໍ¬ລິ¬ການ ສາ¬ທາ¬ລະ¬ນະສຸກ, ໂຮງ¬ຮຽນ ແລະ ວິ¬ຊາຊີບອື່ນໆ.
  ຊຶ່ງທັງໝົດນັ້ນ ໄດ້ກາຍ¬ເປັນທ່າ¬ແຮງໃນການສ້າງໃຫ້ເສດ¬ຖະ¬ກິດຂອງນະ¬ຄອນ¬ຫຼວງວຽງຈັນ ມີຂະ¬ຫຍາຍ¬ຕົວ, ພ້ອມນັ້ນ ທ່າອຽງຂະ¬ຫຍາຍ¬ຕົວຂອງເສດຖະກິດໄດ້ປ່ຽນ¬ແປງຕາມກົນໄກເສດຖະກິດ ຕະ¬ຫຼາດ ແລະ ຫັນເປັນ ອຸດ¬ສາ¬ຫະ¬ກຳ, ສະ¬ນັ້ນ ຈຶ່ງເຮັດ ໃຫ້ ສົກປີ 2013-2014 ລວມຍອດຜະ¬ລິດຕະພັນພາຍໃນ GDP ເພີ່ມຂຶ້ນ 12,7% ຫຼື ປະ¬ມານ 29.900 ຕື້ກີບ, ສະ¬ເລ່ຍໃສ່ ຫົວຄົນໄດ້ 3.800 ໂດລາ ຫຼື ປະ¬ມານ 30,10 ລ້ານກີບຕໍ່ຄົນຕໍ່ປີ, ໃນນີ້ ຂົງ¬ເຂດຂະ¬ແໜງກະ¬ສິ¬ກຳ-ປ່າ¬ໄມ້ ເພີ່ມຂຶ້ນ 9%ກວມເອົາ 16%, ຂະ¬ແໜງ¬ການອຸດ¬ສາ¬ຫະ¬ກຳ ເພີ່ມ 14% ກວມ 47% ແລະ ການບໍ¬ລິ¬ການເພີ່ມຂຶ້ນ 12% ກວມເອົາ 37% ຂອງ GDP ທ່ານເຈົ້າຄອງກ່າວຕື່ມ.


ຂອບໃຈຫລາຍໆ




ຈາກແຫຼ່ງຂ່າວ: www.ecom.org.la