Chania

ທ່ານ ສີ ຈິນຝຶງ ຍົກສູງບົດບາດໃນເວທີເອເປັກ

   ທ່ານ ປະທານປະເທດຈີນ ສີຈິນຝິງ ເປີດກວ້າງເສດຖະກິດໃນເວທີປະຊູມສຸດຍອດເອເປັກ ເມືອກະແສ ຕໍ່ຕ້ານໂລກາວິວັດແຫ່ງການຄ້າໃນສະຫະຣັດ ເມື່ອປະທານາທິບໍດີ ຄົນໃຫມ່ຂອງອາເມຣິການ ປະກາດ ຍົກເລີກສັນຍາເອັບທີເອ ໃນການຊະນະການເລືອກຕັ້ງ ທ່ານ ກ່າວວ່າຄວາມມຸ້ງໝັ້ນທີ່ຈະສ້າງປະຊາຄົມເຊິ່ງມີອານາຄົດຮ່ວມກັນ ແລະ ຕ້ອງຫັນໜ້າເຂົ້າຫາກັນດີກວ່າຕ້ອງເຫີນຫ່າງກັນ ລວມເຖິງຕ້ອງເພີ່ມຄວາມຮ່ວມມືໃນພູມີພາກ ສ້າງແພ່ນຟອມ ແລະ ກົດລະບຽບຮ່ວມກັນເພື່ອຈະໄດ້ປະໂຫຍດຈາກການພັດທະນານັ້ນຢ່າງເທົ່າທຽມກັນ ສ່ວນຄວາມພະຍາຍາມທີ່ຈະກັນໃຜຜູ້ໜື່ງອອກໄປນັ້ນຄວນຈະໄດ້ຮັບການປະຕິເສດ.
   ທ່ານ ປະທານາທິບໍດີ ບາລັກໂອບາມາ ສະໜັບສູໜູນຂໍ້ຕົກລົງຄວາມເປັນຫຸ້ນສ່ວນຂ້າມມະຫາສະໝຸດ (ທີພີພີ) ເປັນຈຸດເດັ່ນໃນການຖ່ວງດຸນການເຕີບໂຕຂອງຈີນແຕ່ໂອບາມາ ຍົກເລີກສະເໜີເລື່ອງດັ່ງກ່າວເຂົ້າສູ່ສະພາພາຍຫຼັງທ່ານ ໂດນາ ຖ້ຳຊະນະການເລືອກຕັ້ງ ຫາກສະພາສະຫະຣັດບໍ່ໃຫ້ສັດຕະຍາບັນ ທີພີພີ ແລ້ວຈະເຮັດໃຫ້ຂໍ້ຕົກລົງດັ່ງກ່າວບໍ່ມີຜົນ
   ທາງດ້ານຈີນ ພະຍາຍາມສົ່ງເສີມຄວາມຕົກລົງພັນທະມິດທາງການຄ້າລະດັບພູມີພາກ ອາເຊມ ອັນເປັນຂໍ້ຕົກລົງທີ່ບໍ່ມີສະຫະຣັດ ຢູ່ດ້ວຍ ໂດຍທ່ານ ສີຈິນຝິງ ໄດ້ພະຍາຍາມບັນເທົາຄວາມວິຕົກກ່ຽວກັບອິດທິພົນທີ່ເພີ່ມຂື້ນຂອງຈີນ ດ້ວຍການລະບຸວ່ານັກລົງທຶນຕ່າງຊາດສາມາດເຂົ້າເຖິງຈີນໄດ້ຫຼາຍຂື້ນ ຈີນຈະປັບປຸງມາດຕະຖານດ້ານຕ່າງໆ ໃຫ້ສູງຂື້ນ ແລະ ມີການຈັດຕັ້ງເຂດການຄ້າທົດລອງໃນຈີນ
  ຢ່າງໃດກໍ່ຕາມ ລັດຖະມົນຕີເສດຖະກິດແມັກຊີໂກ, ຍີ່ປຸ່ນ, ອອສະເຕເຣຍ, ມາເລເຊຍ, ນິວຊີແລນ ແລະ ສິງກະໂປ ຕັ້ງເປົ້າຈະເດີນໜ້າຕາມຂໍ້ຕົກລົງ ທີພີພີ ບໍ່ວ່າສະຫະຣັດຈະໃຫ້ສັດຕະຍາບັນຂໍ້ຕົກລົງນີ້ກໍ່ຕາມ


ຂໍຂອບໃຈ




ຈາກແຫຼ່ງຂ່າວ: ເວັບໄຊ ກຸງເທບທຸລະກິດ