Chania

ທ່ານ ນາຍົກລັດຖະມົນຕີ ຊິນໂຊະ ອາເບະ ຮຽກຮ້ອງເອກະຊົນຂື້ນຄ່າແຮງງານຕໍ່ໄປ

   ທ່ານ ຊິນໂຊະອາເບະ ນາຍົກລັດຖະມົນຕີ ຍີ່ປຸ່ນ ຂໍຮ້ອງໃຫ້ຜູນ້ຳທຸລະກິດຕົກລົງຂື້ນຄ່າແຮງໃຫ້ກັບລູກຈ້າງໃນລະດູໃບໄມ້ປົ້່ງປີໜ້າ ໃນຂະນະທີ່ເສດຖະກິດຂອງປະເທດຍັງຄົງປະເຊີນໜ້າກັບພາວະເງິນຝຶດເຮື້ອຮັງ
   ສຳນັກຂ່າວກຽວໂຕລາຍງານວ່າ ຄັ້ງນີ້ນັບເປັນປີທີ 4 ຕິດຕໍ່ກັນແລ້ວທີ່ ທ່ານ ຊິນໂຊະ ອາເບະ ໄດ້ຂໍຮ້ອງເລື່ອງດັ່ງກ່າວຕໍ່ຜູ້ບໍລິຫານບໍລິສັດຕ່າງໆ ໂດຍເຖິງແມ່ນມີຄວາມພະຍາຍາມໃນການດຳເນີນນະໂຍບາຍເສດຖະກິດແບບປະສົມປະສານ ຫຼື ທີ່ເອີ້ນໂດຍທົ່ວໄປວ່າມາເບະ ໂນມິກ ເຊິ່ງຕັ້ງແຕ່ເຂົ້າຮັບຕຳແໜ່ງ ແຕ່ປີ 2555 ແຕ່ກໍ່ຍັງບໍ່ສາມາດສ້າງວັດທະຈັກເຕີບໂຕຂອງຄ່າຈ້າງ ແລະ ການໃຊ້ຈ່າຍຂອງຜູ້ບໍລິໂພກໃຫ້ແຂງແກ່ງຂື້ນໄດ້ຢ່າງເຕັມທີ່
  ທາງດ້ານ ທ່ານ ຊາຄະຍຸກິ ຊາກະກິບາຣະ ປະທານສະມາຄົມທຸລະກິດຍີ່ປຸ່ນ ຫຼື ໄຄດັນເຣນ ເຊິ່ງເປັນຕົວແທນບໍລິສັດຂະໜາດໃຫຍ່ຂອງຍີ່ປຸ່ນ ແລະ ໄດ້ເຂົ້າຮ່ວມການປະຊຸມຄັ້ງນີ້ກ່າວວ່າ ເຮົາຫວັງວ່າຈະຮັກສາລະດັບການປັບຂື້ນຄ່າຈ້າງໄດ້
  ຢ່າງໃດກໍຕາມບັນດາບໍລິສັດຂອງຍີ່ປຸ່ນມີແນວໂນມທີ່ຈະລະມັດລະວັງໃນການຕົກລົງເພີ່ມລະດັບຄ່າຈ້າງເນື່ອງຈາກຫາກໄດ້ປັບເພີ່ມຄ່າຈ້າງຂື້ນແລ້ວກໍ່ຍາກທີ່ຈະປັບໃຫ້ຫຼຸດລົງໄດ້ ຫາກທຸລະກິດຖົດຖອຍລົງໃນອະນາຄົດ


ຂໍຂອບໃຈ




ຈາກແຫຼ່ງຂ່າວ: ເວັບໄຊ ກຸງເທບທຸລະກິດ