ກອງປະຊຸມເວທີປຶກສາຫາລືອາຊີຕາເວັນອອກ ຈັດຂຶ້ນທີ່ຫຼວງພະບາງ


...

06.11.2018 16:35     

   ກະຊວງການຕ່າງປະ ເທດແຫ່ງ ສປປ ລາວ ແລະ ກະຊວງການຕ່າງປະເທດ ແຫ່ງ ສ. ເກົາຫຼີ ໄດ້ເປັນປະທານ ຮ່ວມກອງປະຊຸມເວທີປຶກສາ ຫາລືອາຊີຕາເວັນອອກຄັ້ງທີ 16 ໃນວັນທີ 29-30 ສິງຫາ 2018 ທີ່ແຂວງຫຼວງພະບາງ ພາຍໃຕ້ຫົວຂໍ້: "ສົ່ງເສີມການ ພັດທະນາແບບຍືນຍົງ ແລະ ຄວາມສົມບູນພູນສຸກຢູ່ອາຊີ ຕາເວັນອອກ" ໂດຍການເຂົ້າ ຮ່ວມຂອງບັນດາຜູ້ແທນຂັ້ນສູງ ຂອງ 10 ປະເທດສະມາຊິກອາ ຊຽນ ແລະ ສປ ຈີນ, ຍີ່ປຸ່ນ, ສ.ເກົາຫຼີ ແລະ ກອງເລຂາ ອາຊຽນ. ທ່ານ ສະເຫຼີມໄຊ ກົມ ມະສິດ ລັດຖະມົນຕີກະຊວງ ການຕ່າງປະເທດ ໄດ້ຍົກໃຫ້ ເຫັນເຖິງບົດບາດຄວາມສຳຄັນ ແລະ ຜົນສຳເລັດອັນພົ້ນເດັ່ນ ພາຍໃຕ້ກົນໄກການຮ່ວມມືອາ ຊຽນ + 3 ນັບແຕ່ໄດ້ຮັບການ ສ້າງຕັ້ງໃນປີ 1997 ຜ່ານມາ ເປັນຕົ້ນແມ່ນດ້ານການເງິນ, ການສຶກສາ, ສາທາລະນະສຸກ, ການເຊື່ອມຈອດ, ພະລັງງານ ແລະ ການຄ້ຳປະກັນຄວາມ ໝັ້ນຄົງທາງສະບຽງອາຫານ. ຄຽງຄູ່ກັນນັ້ນ, ທ່ານຍັງໄດ້ຍົກ ໃຫ້ເຫັນເຖິງສິ່ງທ້າທາຍຕ່າງໆ ທີ່ເປັນອຸປະສັກຕໍ່ການເຊື່ອມ ໂຍງ ແລະ ການເຕີບໃຫຍ່ຂະ ຫຍາຍຕົວຂອງພາກພື້ນເຊັ່ນ: ຄວາມແຕກໂຕນທາງດ້ານ ການພັດທະນາລະຫວ່າງບັນ ດາປະເທດພາຍໃນພາກພື້ນ, ຄວາມບໍ່ໝັ້ນທ່ຽງຂອງສະພາບ ເສດຖະກິດໂລກ, ທ່າອ່ຽງການ ປົກປ້ອງຕະຫຼາດພາຍໃນ ແລະ ການຕ້ານຍຸກໂລກາພິວັດ, ສິ່ງ ທ້າທາຍຕ່າງໆທີ່ເກີດຂຶ້ນຈາກ ການປະຕິວັດອຸດສາຫະກຳຄັ້ງ ທີ 4, ໄພພິບັດທຳມະຊາດ ແລະ ການປ່ຽນແປງສະພາບດິນຟ້າ ອາກາດ. ບົນຈິດໃຈດັ່ງກ່າວ, ທ່ານລັດຖະມົນຕີໄດ້ຊຸກຍູ້ໃຫ້ບັນດາຜູ້ແທນເຂົ້າຮ່ວມກອງ ປະຊຸມລະດົມຄວາມຄິດ, ປຶກ ສາຫາລື ແລະ ສ້າງຂໍ້ສະເໜີ ແນະ ແນໃສ່ຮັບມືກັບບັນຫາ ສິ່ງທ້າທາຍເຫຼົ່ານີ້ ເພື່ອຮັບປະ ກັນໃຫ້ແກ່ການເຊື່ອມໂຍງ ພາກພື້ນກໍຄືການພັດທະນາ ແບບຍືນຍົງ ແລະ ກ້າວໄປສູ່ ການສ້າງປະຊາຄົມອາຊີຕາ ເວັນອອກ ໃນໄລຍະຍາວໂດຍ ຜ່ານກົນໄກອາຊຽນ+3 ທີ່ເປັນ ກົນໄກຫຼັກ ແລະ ມີອາຊຽນເປັນ ກຳລັງຂັບເຄື່ອນ. ກອງປະຊຸມເວທີປຶກສາ ຫາລືອາຊີຕາເວັນອອກຄັ້ງທີ 16 ພາຍໃຕ້ການເປັນປະທານ ຮ່ວມຂອງທ່ານ ລັດສະໝີ ແກ້ວມະນີ ທູດປະຈຳກະຊວງ ການຕ່າງປະເທດ ແລະ ທ່ານ ຢຸນ ຊຸນກູ (Yoon Soon-gu) ຮອງລັດຖະມົນຕີກະຊວງການ ຕ່າງປະເທດ ສ. ເກົາຫຼີ ໄດ້ສຸມ ໃສ່ການປຶກສາຫາລື 3 ຫົວຂໍ້ ຫຼັກຄື: ເພີ່ມທະວີການເຊື່ອມ ໂຍງພາກພື້ນ ແລະ ຮັດແຄບ ຄວາມແຕກໂຕນດ້ານການພັດ ທະນາ, ສົ່ງເສີມການເປັນຜູ້ ປະກອບການ ແລະ ການພັດ ທະນາຊັບພະຍາກອນມະນຸດ ແລະ ຮັດແໜ້ນການຮ່ວມມື ເພື່ອການພັດທະນາໃນພາກ ພື້ນທີ່ຂັບເຄື່ອນ ໂດຍນະວັດ ຕະກຳ. ກອງປະຊຸມຈະນຳສະ ເໜີຜົນຂອງກອງປະຊຸມ ໂດຍ ສະເພາະບັນດາຂໍ້ສະເໜີຕ່າງໆ ຕໍ່ກອງປະຊຸມເຈົ້າໜ້າທີ່ອາວຸ ໂສອາຊຽນ+3 ແລະ ກອງ ປະຊຸມສຸດຍອດອາຊຽນ+3 ໃນ ທ້າຍປີນີ້ ທີ່ ສິງກະໂປ ເພື່ອພິ ຈາລະນາ. (ຂ່າວ:ກົມການຂ່າວ)