ຄະນະຜູ້ແທນຂັ້ນສູງ ສ.ກູບາ ຢ້ຽມຢາມລັດຖະກິດ ສປປ ລາວ ດ້ວຍຜົນສາໍເລັດ


...

...

...

12.11.2018 9:56     

   ຕອບສະໜອງຕາມການ ເຊື້ອເຊີນຂອງສະຫາຍ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ, ສະຫາຍ ມິເກັນ ດີເອັດສ-ກາແນນ ແບຣມູ ເດັດສ ປະທານສະພາແຫ່ງ ລັດ ແລະ ປະທານສະພາລັດ ຖະມົນຕີ ແຫ່ງ ສາທາລະນະ ລັດ ກູບາ ໄດ້ເດີນທາງມາຢ້ຽມຢາມລັດຖະກິດສາທາລະ ນະລັດ ປະຊາທິປະໄຕ ປະຊາ ຊົນລາວ ຢ່າງເປັນທາງການ (10-11/11/2018) ສະເພາະ ຕອນເຊົ້າຂອງວັນທີ 11 ພະຈິກ 2018, ສະຫາຍປະທານສະພາແຫ່ງລັດ ແລະ ປະທານສະພາລັດຖະມົນຕີກູບາ ພ້ອມດ້ວຍພັນລະຍາ ແລະ ຄະນະໄດ້ຮັບການຕ້ອນຮັບຢ່າງອົບອຸ່ນ, ສະໜິດສະໜົມ ແລະ ສົມກຽດຈາກສະຫາຍ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ທີ່ທຳນຽບປະທານປະເທດ.
ໃນໄລຍະການຢ້ຽມຢາມ, ສະຫາຍ ມິເກັນ ດີເອັດສ-ກາແນນ ແບຣມູເດັດສ ໄດ້ພົບປະຢ່າງເປັນທາງການກັບສະຫາຍ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ, ສະຫາຍ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ແລະ ສະຫາຍ ນາງ ປານີ ຢາທໍໍ່ຕູ້ ປະທານສະພາແຫ່ງຊາດ.
ໃນການພົບປະປຶກສາຫາ ລື ແລະ ພົບປະຢ່າງເປັນທາງ ການກັບການນຳຂອງລາວ, ສອງຝ່າຍກໍໄດ້ແຈ້ງໃຫ້ກັນຊາບ ສະພາບການທີ່ພົ້ນເດັ່ນຂອງສອງປະເທດ, ຕີລາຄາກ່ຽວກັບການຮ່ວມມືສອງຝ່າຍໃນໄລຍະຜ່ານມາ ແລະ ປຶກສາຫາລືທິດ ທາງການຮ່ວມມືໃນຕໍ່ໜ້າລະ ຫວ່າງສອງປະເທດ, ແລກປ່ຽນທັດສະນະຕ່າງໆກ່ຽວກັບບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈນຳກັນ ໃນໂອກາດພົບປະດັ່ງກ່າວນັ້ນ, ບັນດາສະຫາຍການນຳຂອງລາວໄດ້ຢືນຢັນຄືນເຖິງແນວທາງສະເໝີຕົ້ນສະເໝີປາຍຂອງພັກ-ລັດຖະບານລາວ ໃນການສືບຕໍ່ການພົວ ພັນ, ຮ່ວມມືລະຫວ່າງສອງປະ ເທດໃນອະນາຄົດ ເພື່ອເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອອັນດີງາມ ລະ ຫວ່າງສອງປະເທດໄດ້ສືບຕໍ່ເສີມຂະຫຍາຍ ແລະ ຈະເລີນງອກງາມຂຶ້ນເລື້ອຍໆ. ພ້ອມກັນນັ້ນກໍຍັງໄດ້ສະແດງຄວາມ ຂອບອົກຂອບໃຈຢ່າງສູງຕໍ່ພັກ- ລັດຖະບານ ແລະ ປະຊາ ຊົນກູບາອ້າຍນ້ອງທີ່ໄດ້ໃຫ້ ການສະໜັບສະໜູນ ແລະ ການຊ່ວຍເຫຼືອອັນລາໍ້ຄ່າແກ່ພາ ລະກິດຕໍ່ສູ້ກູ້ຊາດຂອງປະຊາ ຊົນລາວໃນເມື່ອກ່ອນກໍຄືພາ ລະກິດປົກປັກຮັກສາ ແລະ ພັດທະນາປະເທດຊາດໃນປັດຈຸບັນ.
ສະຫາຍ ມິເກັນ ດີເອັດສ -ກາແນນ ແບຣມູເດັດສ ໄດ້ສະ ແດງຄວາມພາກພູມໃຈທີ່ໄດ້ມີໂອກາດມາຢ້ຽມຢາມລາວອີກເທື່ອໜຶ່ງ ແລະ ສະແດງຄວາມຊົມເຊີຍຕໍ່ຜົນສຳເລັດ ແລະ ຄວາມກ້າວໜ້າຂອງປະຊາຊົນລາວ ອ້າຍນ້ອງ ໃນ ພາລະກິດປົກປັກຮັກສາ ແລະ ສ້າງສາປະເທດຊາດໃຫ້ຈະເລີນຮຸ່ງເຮືອງຢ່າງບໍ່ຢຸດຢັ້ງ. ໃນຂະນະດຽວກັນນັ້ນ, ສະຫາຍຍັງໄດ້ຢືນຢັນຄືນແນວ ທາງນະໂຍບາຍຂອງພັກ ແລະ ລັດ ກູບາ ທີ່ຈະສືບຕໍ່ຮັດແໜ້ນ ແລະ ເສີມຂະຫຍາຍການພົວ ພັນ ແລະ ຮ່ວມມືອັນເປັນມູນ ເຊື້ອລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ກູບາ-ລາວ ໃນສະເພາະໜ້າ ແລະ ຍາວນານ ກໍ່ຄືຄວາມມຸ່ງ ໝັ້ນທີ່ຈະສືບຕໍ່ໃຫ້ການຮ່ວມມື ແລະ ຊ່ວຍເຫຼືອ ສປປ ລາວ ໃນດ້ານການກໍ່ສ້າງຊັບພະ ຍາກອນມະນຸດ, ກິລາ ແລະ ສາທາລະນະສຸກ. ໃນໂອກາດດຽວກັນນີ້, ສະຫາຍ ປະທານສະພາແຫ່ງລັດ ແລະ ປະທານສະພາລັດຖະມົນຕີກໍໄດ້ເຊື້ອ ເຊີນ ສະຫາຍ ບຸນຍັງ ວໍລະຈິດ ປະທານປະເທດແຫ່ງສາທາ ລະນະລັດ ປະຊາທິປະໄຕ ປະຊາຊົນລາວ ໄປຢ້ຽມຢາມ ສາທາລະນະລັດ ກູບາ ຢ່າງເປັນທາງການໃນເວລາອັນສະດວກໃນຕໍ່ໜ້າ.
ການຢ້ຽມຢາມຂອງສະ ຫາຍ ມິເກັນ ດີເອັດສ-ກາແນນ ແບຣມູເດັດສ ຄັ້ງນີ້ເປັນເຫດ ການສໍາຄັນທາງດ້ານປະ ຫວັດ ສາດແຫ່ງການພົວພັນລະ ຫວ່າງ ສປປ ລາວ ແລະ ສ.ກູບາ ຊຶ່ງໄດ້ເປັນການປະກອບ ສ່ວນສຳຄັນໃນການຮັດ ແໜ້ນ ສາຍພົວພັນມິດຕະພາບ, ຄວາມສາມັກຄີຖານອ້າຍນ້ອງ ແລະ ການຮ່ວມມືຮອບ ດ້ານລະຫວ່າງສອງປະເທດກໍຄືປະຊາຊົນສອງຊາດ ລາວ-ກູບາ ທີ່ມີມາດົນນານນັ້ນ ໃຫ້ນັບ ມື້ນັບໄດ້ຮັບການເພີ່ມພູນຄູນສ້າງ ແລະ ພັດທະນາໄປສູ່ ບາດກ້າວໃໝ່ ເພື່ອຜົນປະ ໂຫຍດລວມຂອງທັງສອງປະເທດ. ຜົນສຳເລັດອັນສຳຄັນອັນໜຶ່ງຂອງການຢ້ຽມຢາມດັ່ງກ່າວນີ້ແມ່ນທັງສອງຝ່າຍ ລາວ-ກູບາ ໄດ້ເຊັນສັນຍາການຮ່ວມມືລະຫວ່າງກະຊວງສຶກ ສາທິການ ແລະ ກິລາ ແຫ່ງ ສປປ ລາວ ແລະ ສະຖາບັນກິ ລາພາລະສຶກສາ ແລະ ສິລະປະແຫ່ງຊາດ ສ.ກູບາ ແລະ ສັນຍາການຮ່ວມມື ລະຫວ່າງ ທະນາຄານ ແຫ່ງ ສປປ ລາວ ແລະ ທະນາຄານ ແຫ່ງ ສ.ກູບາ.
ນອກຈາກນັ້ນ, ສະຫາຍ ປະທານສະພາແຫ່ງລັດ ແລະ ປະທານສະພາລັດຖະມົນຕີ ຍັງໄດ້ວາງພວງມາລາຢູ່ອະນຸສາວະລີນັກຮົບນິລະນາມ, ທ່ຽວຊົມສະຖານທີ່ປະຫວັດສາດ ແລະ ວັດທະນະທຳບາງແຫ່ງຢູ່ພາຍໃນນະຄອນຫຼວງວຽງຈັນ.
ໃນຕອນທ່ຽງຄືນຂອງວັນທີ 11 ພະຈິກ 2018, ສະຫາຍ ມິເກັນ ມາຣິໂອ ດີເອັດສ-ກາແນນ ແບຣມູເດັດສ, ພ້ອມດ້ວຍພັນລະຍາ ແລະ ຄະນະກໍໄດ້ເດີນທາງກັບຄືນປະເທດດ້ວຍຄວາມປອດໄພດີທຸກປະການ.
(ຂ່າວ: ກະຊວງການຕ່າງ ປະເທດ, ພາບ : ພູວຽງຄຳ)