ລັດຖະມົນຕີກະຊວງ ຖວທ ຕ້ອນຮັບ ຜູ້ແທນຊູແອັດ


...

05.06.2019 11:08     

   ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບການເຂົ້າຢ້ຽມຂາໍ່ນັບຂອງທ່ານ ສະເຕຟານ ເຮີສໂທຣມ (Staffan Herrstrom ) ເອກອັກຄະຣາ ຊະທູດ ຊູແອັດ ປະຈຳ ສປປລາວ ຊຶ່ງມີສຳນັກງານຕັ້ງຢູ່ບາງ ກອກ, ຣາຊະອານາຈັກໄທ, ເມື່ອວັນທີ 4 ມິຖຸນານີ້ ທີ່ກະຊວງ ຖວທ.
ໃນໂອກາດນີ້, ທ່ານ ບໍ່ແສງຄຳ ວົງດາລາ ກໍໄດ້ກ່າວສະແດງຄວາມຕ້ອນຮັບ ແລະ ຍ້ອງຍໍຊົມເຊີຍຕໍ່ທ່ານ ສະເຕຟານ ເຮີສ ໂທຣມ ພ້ອມຄະນະທີ່ເດີນທາງ ມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ເພື່ອເປັນການປຶກສາຫາລືກ່ຽວກັບການຮ່ວມມືສອງຝ່າຍລະຫວ່າງ ສປປ ລາວ ແລະ ຊູແອັດທີ່ມີມາແລ້ວນັ້ນໃຫ້ນັບມື້ເຕີບໃຫຍ່ຂະຫຍາຍຕົວຍິ່ງໆຂຶ້ນ ແລະ ອວຍພອນໃຫ້ ທ່ານທູດ ຈົ່ງປະສົບຜົນສຳເລັດ ໃນການປະຕິບັດໜ້າທີ່ຢ້ຽມ ຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້.
(ຂ່າວ-ພາບ: ພູວັນ)