ຮອງປະທານປະເທດ ຕ້ອນຮັບຄະນະຜູ້ແທນ ສ.ກູບາ


...

10.06.2019 10:08     

   ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂາໍ່ນັບຂອງທ່ານ ໂອເມໂຣ ອາໂກດສຕາ ອານວາ ເຣັດສ (Homero Acosta Alvarez) ເລຂາທິການສະພາແຫ່ງລັດສະມາຊິກສະພາແຫ່ງລັດ ອຳນາດປະຊາຊົນ ສ.ກູບາ ພ້ອມດ້ວຍຄະນະ ໃນວັນທີ 7 ມິຖຸນາ ຜ່ານມາ ທີ່ຫຼັກ 6 ໃນໂອກາດທີ່ຄະນະຜູ້ແທນດັ່ງກ່າວເດີນທາງມາຢ້ຽມຢາມ ສປປ ລາວ ແຕ່ວັນທີ 6-7/6/2019.
ໃນໂອກາດດັ່ງກ່າວນີ້ ທ່ານ ຮອງປະທານປະເທດກໍໄດ້ສະ ແດງຄວາມຕ້ອນຮັບດ້ວຍໄມຕີຈິດມິດຕະພາບ ແລະ ຕີລາຄາສູງຕໍ່ການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງທ່ານ ໂອເມໂຣ ອາໂກດສຕາ ອານວາເຣັດສ ຊຶ່ງມັນໄດ້ສະແດງອອກເຖິງການພົວພັນຮ່ວມມືລະຫວ່າງ ສປປ ລາວ ແລະ ສ.ກູບາ ເວົ້າລວມ, ເວົ້າສະເພາະກໍຄືໃນຂະແໜງວຽກງານສະພາແຫ່ງຊາດໃຫ້ນັບມື້ນັບຂະຫຍາຍຕົວຍິ່ງໆຂຶ້ນ.
ພ້ອມດຽວກັນນີ້, ທ່ານ ໂອເມໂຣ ອາໂກດສຕາ ອານວາເຣັດສ ກໍໄດ້ສະແດງຄວາມຂອບອົກຂອບໃຈຕໍ່ການເສຍສະລະເວລາມາຕ້ອນຮັບຄະນະເລຂາທິການສະພາແຫ່ງລັດໃນ ຄັ້ງນີ້ ຊຶ່ງມັນແມ່ນຂີດໝາຍ ແລະ ການພົວພັນຮ່ວມມືອັນດີລະຫວ່າງ ສ.ກູບາ ແລະ ສປປລາວ ກໍຄືໃນຂະແໜງວຽກງານສະພາແຫ່ງຊາດໃຫ້ນັບມື້ນັບມີປະສິດທິຜົນ.
ໃນວັນດຽວກັນ, ທີ່ກະ ຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ແຫ່ງ ສາ ທາລະນະລັດ ປະຊາທິປະ ໄຕ ປະຊາຊົນລາວ ກໍໄດ້ໃຫ້ກຽດ ຕ້ອນຮັບທ່ານ ໂອເມໂຣ ອາໂກດສຕາ ອານວາເຣັດສ ກຳມະການສູນກາງພັກກອມມູ ນິດກູບາ ເລຂາທິການສະພາແຫ່ງລັດ ສະມາຊິກສະພາແຫ່ງຊາດ ອຳນາດປະຊາຊົນ ແຫ່ງ ສາທາລະນະລັດ ກູບາ ພ້ອມດ້ວຍຄະນະເຊັ່ນດຽວກັນ.
(ຂ່າວ: ສຸກສາຄອນ+ ພາບ : ສຸກສະຫວັນ)