ປະທານສະພາແຫ່ງຊາດ ຕ້ອນຮັບຜູ້ແທນອົງການໄອຍະການສູງສຸດສິງກະໂປ


...

12.06.2019 10:17     

   ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດໄດ້ຕ້ອນຮັບ ທ່ານ ລູເຊິນ ວັອງ ຫົວໜ້າອົງການໄອຍະການ ສູງສຸດ ແຫ່ງ ສ.ສິງກະໂປ ພ້ອມຄະນະເຂົ້າຢ້ຽມຂ່ຳນັບ ໃນວັນທີ 11 ມິຖຸນານີ້ ທີ່ຫ້ອງຮັບແຂກສະພາແຫ່ງຊາດ ໃນໂອກາດທີ່ ເດີນທາງມາຢ້ຽມຢາມລາວ ລະ ຫວ່າງ ວັນທີ 10-12 ມິຖຸນານີ້.
ປະທານສະພາແຫ່ງຊາດ ໄດ້ກ່າວສະແດງຄວາມຕ້ອນ ຮັບ ແລະ ຊົມເຊີຍຕໍ່ຫົວໜ້າ ອົງການໄອຍະການສູງສຸດ ແຫ່ງສ.ສິງກະໂປ ພ້ອມຄະນະໃນຄັ້ງນີ້ ຊຶ່ງເປັນການເສີມຂະຫຍາຍສາຍພົວພັນການຮ່ວມມື ແລະ ການແລກປ່ຽນບົດຮຽນຊຶ່ງກັນ ແລະ ກັນ ໃນດ້ານຂົງເຂດກົດໝາຍ, ການຕ້ານ ແລະ ສະ ກັດກັ້ນອາຊະຍາກຳຂ້າມຊາດ, ການສັ່ງຟ້ອງອາຊະຍາກຳຕ່າງໆ, ການກໍ່ສ້າງພະນັກງານ ແລະ ອື່ນໆ ພ້ອມນັ້ນ ກໍອວຍ ພອນໃຫ້ສາຍພົວພັນ ແລະ ການຮ່ວມມື ລະຫວ່າງ ສອງອົງການ ລາວ-ສ.ສິງກະໂປ ໃຫ້ນັບມື້ແໜ້ນແຟ້ນຍິ່ງໆຂຶ້ນ.
ທ່ານ ລູເຊິນ ວັອງ ຕາງ ໜ້າຄະນະໄດ້ກ່າວສະແດງ ຄວາມຂອບໃຈຕໍ່ການຕ້ອນຮັບ ຂອງທ່ານປະທານສະພາໃນຄັ້ງນີ້ ພ້ອມທັງໄດ້ແຈ້ງຈຸດປະ ສົງຂອງການຢ້ຽມຢາມ ສປປ ລາວ ເທື່ອນີ້ໃຫ້ທ່ານປະທານໄດ້ຮັັບຊາບ ທັງນີ້ເພື່ອຕອບສະ ໜອງຕາມການຮ່ວມມືສອງ ຝ່າຍນອກນັ້ນ ທັງສອງຝ່າຍຍັງ ໄດ້ມີການພົບປະ ແລະ ເຊັນ ບົດບັນທຶກຄວາມເຂົ້າໃຈນຳກັນຕື່ມອີກ. (ຂ່າວ: ອານຸສັກ + ພາບ: ພູວຽງຄຳ)