ມອບ-ຮັບ ເຄື່ອງຊ່ວຍເຫຼືອຈາກສະມາຄົມສິລະປະ ແລະ ວັດທະນະທຳ ແຊຣິງ


...

02.08.2019 9:26     

   ສະມາຄົມສິລະປະ ແລະ ວັດທະນະທຳ ແຊຣິງ ສ.ເກົາຫຼີ ໄດ້ນຳເອົາເຄື່ອງມາມອບໃຫ້ ກະຊວງແຮງງານ ແລະ ສະ ຫວັດດີການສັງຄົມ (ຮສສ) ເມື່ອວັນທີ 31 ກໍລະກົດ ຜ່ານມາ ທີ່ກະຊວງ ຮສສ ກ່າວມອບໂດຍທ່ານ ນາງ ຢູ ຮຽນ ສຸກ ປະທານສະມາຄົມສິລະປະ ແລະ ວັດທະນະທຳ ແຊຣິງ ສ.ເກົາຫຼີ ກ່າວຮັບໂດຍທ່ານ ນາງ ໃບຄຳ ຂັດທິຍະ ຮອງລັດ ຖະມົນຕີກະຊວງແຮງງານ ແລະ ສະຫວັດດີການສັງຄົມ ຊຶ່ງມີພະນັກງານກ່ຽວຂ້ອງທັງສອງຝ່າຍເຂົ້າຮ່ວມ.
ເຄື່ອງທີ່ນຳມາມອບໃນຄັ້ງນີ້ປະກອບມີເຄື່ອງນຸ່ງຫົ່ມ ແລະ ເກີບ ລວມມີ 3.953 ແກັດ ;ໂຕະ ນັກຮຽນ 228 ໜ່ວຍ, ຕັ່ງ 303 ໜ່ວຍ, ບານເຕະ 5 ແກັດ ແລະ ອຸປະກອນການຮຽນ 2 ແກັດ ລວມມູນຄ່າ 1,3 ລ້ານກວ່າໂດລາ . ທ່ານ ນາງ ໃບຄຳ ຂັດທິຍະ ໄດ້ຕາງໜ້າໃຫ້ຄະ ນະນຳກະຊວງ ສະແດງຄວາມຂອບໃຈເປັນຢ່າງດີຕໍ່ທ່ານ ນາງ ຢູຮຽນສຸກ ກໍຄືສະມາຄົມສິລະປະ ແລະ ວັດທະນະທຳ ແຊຣິງ ສ.ເກົາຫຼີ ທີ່ໄດ້ນຳເອົາເຄື່ອງຈຳນວນດັ່ງກ່າວມາມອບໃນຄັ້ງນີ້.
(ຂ່າວ: ຮສສ)