ງານລ້ຽງສະຫຼອງວັນຊາດຫວຽດນາມ ຄົບຮອບ 74 ປີ


...

02.09.2019 12:02     

   ໃນວັນທີ 30 ສິງຫາຜ່ານມານີ້ ທ່ານ ຫງວຽນ ບ໋າ ຮຸ່ງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ ໄດ້ຈັດງານລ້ຽງສະຫຼອງວັນຊາດຫວຽດນາມ ຄົບຮອບ 74 ປີ (2/9/1945-2/9/2019) ໂດຍໃຫ້ກຽດເຂົ້າຮ່ວມຂອງທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ ຫົວໜ້າຫ້ອງວ່າການສູນກາງພັກ, ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ພ້ອມດ້ວຍບັນດາທ່ານການນຳພັກ-ລັດຕະຫຼອດຮອດທູຕານຸທູດ ແລະແຂກຖືກເຊີນເຂົ້າຮ່ວມ.
ໃນພິທີໄດ້ມີການບັນເລງເພງຊາດລາວ-ຫວຽດນາມຕາມລຳດັບ ຈາກນັ້ນ ທ່ານທູດກໍໄດ້ຂຶ້ນກ່າວຄຳເຫັນວ່າ: ພາຍຫຼັງດຳເນີນການປ່ຽນແປງໃໝ່ມາເປັນເວລາ 30 ກ່ວາປີ, ປະ ເທດຊາດຫວຽດນາມບັນລຸໄດ້ຫຼາຍຜົນງານໃຫຍ່ຫຼວງ, ໄດ້ຮັບການຮັບຮູ້ ແລະ ຕີລາຄາສູງຈາກວົງຄະນາຍາດສາກົນວ່າເປັນແບບຢ່າງໜຶ່ງຂອງພື້ນ ຖານເສດຖະກິດທີ່ມີການຫັນ ປ່ຽນທີ່ປະສົບຜົນສຳເລັດໃນການພັດທະນາ, ການເຕີບໂຕ ສະເລ່ຍຂອງເສດຖະກິດຫວຽດ ນາມ ໃນໄລຍະ 10 ປີຄືແຕ່ປີ 2007-2017 ບັນລຸລະດັບ 6% ຕໍ່ປີ, ໃນປີ 2018 ການເຕີບໂຕຂອງ GDP ບັນລຸ 7,08%, ໃນ 6 ເດືອນຕົ້ນປີ 2019 ການເຕີບໂຕຂອງ GDP ບັນລຸ 6,76% ຫວຽດນາມຕິດອັນດັບໃນລາຍຊື່ຂອງ WB, ADB, UN ກ່ຽວກັບດັດຊະນີນະວັດຕະກຳໂລກ (GII) ກໍຄືລາຍຊື່ຈັດອັນດັບກ່ຽວກັບສະພາບແວດລ້ອມແຫ່ງການດຳເນີນທຸລະກິດສືບຕໍ່ເລື່ອນຂຶ້ນ ແລະ ADB ໄດ້ຄາດຄະເນວ່າພື້ນຖານເສດຖະກິດຂອງຫວຽດນາມຈະມີການເຕີບໂຕສູງທີ່ສຸດຢູ່ໃນພາກພື້ນອາຊີຕາເວັນອອກສ່ຽງໃຕ້ໃນປີ 2019 ຄືແມ່ນປະມານ 6,8%, ການປ້ອງຊາດ, ປ້ອງກັນກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມໄດ້ຮັບການຮັກສາໄວ້ໄດ້ຢ່າງໝັ້ນຄົງ,ສະເພາະໃນ 6 ເດືອນຕົ້ນປີນີ້ມີນັກທ່ອງທ່ຽວຕ່າງປະເທດເຂົ້າມາຫວຽດນາມ10 ລ້ານກ່ວາ ຄົນ, ຄາດວ່າໝົດປີຈະບັນລຸ 15-17 ລ້ານຄົນ, ຫວຽດນາມແມ່ນປະເທດດຽວຢູ່ໃນອາຊຽນໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດແລະ ຮອບດ້ານກັບ 5 ປະເທດທີ່ເປັນກຳມະການປະຈຳຂອງສະພາຄວາມໝັ້ນຄົງສະຫະປະຊາຊາດ, ທ່ານທູດໄດ້ກ່າວອີກວ່າ: ປະຊາຊົນຫວຽດນາມຍາມໃດກໍຈາລຶກໄວ້ໃນສ່ວນ ເລິກຂອງຫົວໃຈຕໍ່ການສະ ໜັບສະໜູນອັນປະເສີດຂອງບັນດາປະເທດເພື່ອນມິດສາກົນ, ພິເສດແມ່ນການຊ່ວຍເຫຼືອອັນໃຫຍ່ຫຼວງໝົດຈິດໝົດໃຈຂອງປະຊາຊົນລາວອ້າຍນ້ອງທີ່ໄດ້ມີຕໍ່ພາລະກິດຕໍ່ສູ້ປົດປ່ອຍຊາດກໍຄືໃນການສ້າງສາພັດທະນາປະເທດຊາດໃນປັດຈຸບັນ, ໃນໂອກາດອັນສະ ຫງ່າລາສີຂ້າພະເຈົ້າສະແດງຄວາມຂອບໃຈບັນດາປະເທດເພື່ອນມິດສາກົນທີ່ໃຫ້ການສະ ໜັບສະໜູນແລະຊ່ວຍເຫຼືອຫວຽດນາມ.ຂໍອອຍພອນບັນດາສະຫາຍການນຳຂອງລາວຈົ່ງມີສຸຂະພາບເຂັ້ມແຂງມີພະລານາໄມສົມບູນ, ມີຄວາມຜາສຸກ ແລະ ສືບຕໍ່ນຳພາປະເທດລາວ ກ້າວສູ່ຄວາມສີວິໄລປະ ຊາຊົນລາວບັນດາເຜົ່າມີຄວາມສາ ມັກຄີປອງດອງຮັ່ງມີຜາສຸກ, ອອຍພອນໃຫ້ປະເທດລາວອ້າຍນ້ອງຈົ່ງມີສັນຕິພາບແລະ ຄວາມຮຸ່ງເຮືອງສີວິໄລຕະຫຼອດການ, ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດແລະ ການຮ່ວມມືຮອບດ້ານລະຫວ່າງຫວຽດນາມ-ລາວຈົ່ງນັບມື້ແຕກດອກອອກຜົນ ແລະຍືນຍົງຕະຫຼອດການ.
(ຂ່າວ-ພາບ: ພູວຽງຄຳ)