ສານປະຊາຊົນສູງສຸດ ລາວ-ກູບາ ເສີມຂະຫຍາຍ ການຮ່ວມມື


...

02.09.2019 12:12     

   ສານປະຊາຊົນສູງສຸດແຫ່ງ ສປປ ລາວ ແລະ ສານປະຊາຊົນສູງສຸດ ແຫ່ງ ສ.ກູບາ ໄດ້ ຈັດກອງປະຊຸມພົບປະສອງຝ່າຍ ເພື່ອເປັນການເສີມຂະຫຍາຍການຮ່ວມມື ຊຶ່ງໄດ້ຈັດ ຂຶ້ນເມື່ອວັນທີ 29 ສິງຫາຜ່ານມາ ທີ່ນະຄອນຫຼວງວຽງຈັນ, ນຳພາຄະນະຜູ້ແທນເຂົ້າຮ່ວມພົບປະຄັ້ງນີ້ຝ່າຍລາວນຳໂດຍ ທ່ານ ຄຳພາ ແສງດາຣາ ປະທານສານປະຊາຊົນສູງສຸດ ແລະ ທ່ານ ລູເບັນ ເລມິຈິໂອ ເຟີໂລ ປະທານສານປະຊາຊົນສູງສຸດແຫ່ງ ສ.ກູບາ.
ໃນການພົບປະຄັ້ງນີ້ ເພື່ອເປັນການເສີມຂະຫຍາຍສາຍພົວພັນການຮ່ວມມື ແລະ ການແລກປ່ຽນບົດຮຽນປະສົບການ ຊຶ່ງກັນ ແລະ ກັນ ໃນວຽກງານຂອງສານ ພ້ອມທັງທົບທວນການຮ່ວມມື ໃນໄລຍະຜ່ານມາ ແລະ ການພົວພັນຮ່ວມມືໃນຕໍ່ໜ້າ ໃນໂອກາດດັ່ງກ່າວ ທ່ານ ຄຳພັນ ແສງດາຣາ ໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຮ່ວມກັນ ໃນຄັ້ງນີ້ ຊຶ່ງເປັນການປະກອບສ່ວນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ສປປ ລາວ-ສ.ກູບາ ທີ່ມີມາແລ້ວ ນັ້ນໃຫ້ນັບມື້ເຕີບໃຫຍ່ຂະຫຍາຍຕົວຍິ່ງໆຂຶ້ນ. ທ່ານ ລູ ເບັນ ເລມິຈິໂອ ເຟີໂລ ໄດ້ສະແດງຄວາມ ຂອບໃຈເປັນຢ່າງສູງຕໍ່ການຕ້ອນຮັບອັນອົບອຸ່ນໃນຄັ້ງນີ້.
(ຂ່າວ-ພາບ: ສານປະຊາຊົນສູງສຸດ)