ບົດຄຳເຫັນ ຂອງສະຫາຍ ຫງວຽນ ບ໋າ ຮຸ່ງ ເອກອັກຄະລັດຖະທູດວິສາມັນ
ຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ
(ເນື່ອງໃນໂອກາດສະເຫຼີມສະຫຼອງວັນຊາດ ສສ ຫວຽດນາມ ຄົບຮອບ 74 ປີ ວັນທີ 2/9/1945-2/9/2019)


...

02.09.2019 12:14     

   ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ ຂໍສະແດງຄວາມຂອບອົກຂອບໃຈມາຍັງບັນດາອົງການສື່ມວນຊົນລາວ ທີ່ໄດ້ສ້າງໂອກາດ ເພື່ອໃຫ້ມີຄຳເຫັນ ແລະ ລົງພິມບົດຄວາມ ເນື່ອງໃນໂອກາດສະເຫຼີມສະຫຼອງວັນຊາດ ສສ ຫວຽດນາມ ຄົບຮອບ 74 ປີ.
ບັນດາເພື່ອນມິດ ສະຫາຍລາວ ທີ່ນັບຖື ແລະ ຮັກແພງ
    ໃນລະດູໃບໄມ້ຫຼົ່ນກ່ອນນີ້ 74 ປີ, ວັນທີ 2 ກັນຍາ 1945, ປະທານ ໂຮ່ຈິມິນ ຜູ້ນຳທີ່ຍິ່ງໃຫຍ່ ແລະ ແສນເຄົາລົບຮັກຂອງປະຊາຊົນຫວຽດນາມ ໄດ້ອ່ານບົດຖະແຫຼງການປະກາດເອກະລາດ, ສະຖາປະນາປະເທດ ສາທາລະນະລັດ ປະ ຊາທິປະໄຕ ຫວຽດນາມ, ປັດຈຸບັນແມ່ນ ສາທາລະນະລັດ ສັງຄົມ ນິ ຍົມຫວຽດນາມ. ແນວຄິດ ສຳ ຄັນຕົ້ນຕໍ່ຂອງບົດຖະແຫຼງ ການປະກາດເອກະລາດຂອງຫວຽດນາມແມ່ນເອກະລາດແຫ່ງຊາດ, ອິດສະຫຼະພາບ, ສະເໝີພາບ ເພື່ອຄວາມຜາສຸກຂອງປະຊາຊົນ.
    ໃນ 7 ທົດສະວັດກວ່າທີ່ຜ່ານມາ ໂດຍຕອບສະໜອງຄວາມໄຝ່ຝັນອັນແຮງກ້າດັ່ງ ກ່າວນັ້ນ, ປະຊາຊົນຫວຽດນາມ ສາມາດຍາດເອົາເອກະລາດ, ອິດສະຫຼະພາບ, ທ້ອນໂຮມປະເທດຊາດເປັນເອກະພາບ ແລະ ປະສົບຜົນສຳເລັດໃນພາລະກິດສ້າງສາ, ປົກປັກຮັກ ສາປະເທດຊາດ. ພາຍຫຼັງດຳ ເນີນການປ່ຽນແປງໃໝ່ມາເປັນເວລາ 30 ກວ່າປີ, ປະເທດຫວຽດນາມ ບັນລຸໄດ້ຫຼາຍຜົນ ງານທີ່ໃຫຍ່ຫຼວງ, ໄດ້ຮັບການຮັບຮູ້ ແລະ ຕີລາຄາສູງຈາກວົງຄະນາຍາດສາກົນວ່າ ເປັນແບບຢ່າງໜຶ່ງຂອງພື້ນຖານເສດຖະກິດທີ່ມີການຫັນປ່ຽນທີ່ປະສົບຜົນສຳເລັດໃນການພັດທະນາ. ການເຕີບໂຕສະເລ່ຍຂອງເສດຖະກິດຫວຽດນາມ ໃນໄລຍະ 10 ປີຄື: ແຕ່ ປີ 2007-2017 ບັນລຸລະດັບ 6% ຕໍ່ປີ, ໃນປີ 2018 ການເຕີບ ໂຕ ຂອງລວມຍອດຜະລິດຕະພັນພາຍໃນ (GDP) ບັນລຸ 7,08%. ໃນ 6 ເດືອນຕົ້ນປີ 2019, ການເຕີບໂຕຂອງ GDP ບັນລຸ 6,76%. ອັນດັບຂອງຫວຽດນາມໃນບັນຊີລາຍຊື່ຈັດອັນດັບຂອງທະນາຄານໂລກ (WB), ທະນາຄານພັດ ທະນາອາຊີ (ADB), ອົງການສະຫະປະຊາຊາດ (UN) ກ່ຽວກັບດັດຊະນີນະວັດຕະກຳໂລກ (GII) ກໍຄືໃນ ບັນຊີລາຍຊື່ຈັດອັນດັບກ່ຽວກັບສະພາບແວດລ້ອມແຫ່ງການດຳເນີນທຸລະກິດສືບຕໍ່ໄດ້ເລື່ອນຂຶ້ນ. ADBໄດ້ຄາດຄະເນວ່າ: ພື້ນ ຖານເສດຖະກິດຂອງຫວຽດ ນາມ ຈະມີການເຕີບໂຕສູງທີ່ສຸດຢູ່ໃນພາກພື້ນອາຊີຕາເວັນອອກສ່ຽງໃຕ້ໃນປີ 2019 ປະ ມານ 6,8%. ການປ້ອງກັນຊາດ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ ໄດ້ຮັບການຮັກສາໄວ້ໄດ້ຢ່າງໝັ້ນຄົງ. ຫວຽດນາມ ແມ່ນຈຸດທີ່ມາແຫ່ງສັນຕິພາບ, ສະຖຽນລະພາບ, ຄວາມປອດໄພ, ປະຊາຊົນມີນໍ້າໃຈຮັກແຂກແພງຄົນ. ໃນ 6 ເດືອນ ຕົ້ນປີນີ້, ນັກທ່ອງທ່ຽວຕ່າງປະເທດເຂົ້າມາທ່ຽວຫວຽດນາມຫຼາຍກວ່າ 10 ລ້ານເທື່ອຄົນ. ຄາດ ວ່າ: ໝົດປີນີ້ຈະບັນລຸແຕ່ 15-17 ລ້ານເທື່ອຄົນ. ເຖິງວ່າຫວຽດນາມ ຍັງປະສົບກັບ ຄວາມຫຍຸ້ງຍາກຫຼາຍຢ່າງ, ພ້ອມທັງມີຫຼາຍບັນ ຫາທີ່ຈະຕ້ອງແກ້ໄຂ, ຖ້າຫາກບັນດາສະຫາຍ ແລະ ເພື່ອນມິດ ທີ່ໄປ ຢ້ຽມຢາມຫວຽດນາມ ໃນທຸກວັນນີ້, ຈະໄດ້ເຫັນບັນ ຍາກາດທີ່ເປີດອົກເປີດໃຈ,ຫ້າວ ຫັນ ແລະ ເຕັມໄປດ້ວຍຄວາມ ເຊື່ອໝັ້ນຈາກປະຊາຊົນ, ນັກ ທຸລະກິດ, ບັນດານັກລົງທຶນທັງຢູ່ພາຍໃນ ແລະ ຕ່າງປະເທດ ທີ່ພວມຂະຫຍາຍຕົວໃນທົ່ວສັງຄົມ. ໃນໄລຍະທີ່ຈະມາເຖິງ,ລັດ ຖະບານຫວຽດນາມ ຈະເພີ່ມ ທະ ວີວຽກງານປ້ອງກັນຊາດ, ປ້ອງກັນຄວາມສະຫງົບ, ຮັບ ປະກັນຄວາມເປັນເອກະລາດ, ສິດເປັນເຈົ້າປະເທດຊາດ ແລະ ຜືນແຜ່ນດິນອັນຄົບຖ້ວນກວ່າ ເກົ່າ, ຮັກສາສະຖຽນລະພາບ ດ້ານການເມືອງ ສັງຄົມ ແລະ ສະພາບແວດລ້ອມແຫ່ງສັນຕິ ພາບເພື່ອ ພັດທະນາປະເທດຊາດ, ສ້າງໂຄງປະກອບພື້ນ ຖານເສດຖະກິດຄືນໃໝ່ ເພື່ອອຳນວຍຄວາມສະດວກໃຫ້ດີທີ່ສຸດກ່ຽວກັບສະພາບແວດ ລ້ອມແຫ່ງການລົງທຶນ, ດຳເນີນທຸລະກິດ ແລະ ເຊື່ອມໂຍງເຂົ້າກັບສາກົນ ຕອບສະ ໜອງໃຫ້ແກ່ການພັດທະນາເສດຖະກິດສັງຄົມທີ່ຍືນຍົງ, ສ້າງທຸກເງື່ອນ ໄຂອຳນວຍຄວາມສະດວກ ເພື່ອໃຫ້ປະຊາ ຊົນ ແລະ ນັກທຸ ລະກິດປ່ຽນແປງໃໝ່ຢ່າງບໍ່ຢຸດ ຢັ້ງ, ມີຫົວຄິດປະດິດສ້າງ, ກໍ່ຮ່າງສ້າງຕົວ, ຊຸກຍູ້ການຜະລິດ, ດຳເນີນທຸລະກິດ ແລະ ພັດທະ ນາຢ່າງຮອບດ້ານ.
    ດ້ວຍທິດນຳ "ເປັນເພື່ອນມິດທີ່ດີ, ຄູ່ຮ່ວມມືທີ່ໄວ້ເນື້ອເຊື່ອໃຈຂອງວົງຄະນາຍາດສາ ກົນ", ຫວຽດນາມ ພ້ອມທີ່ຈະເປັນເຈົ້າການຢ່າງຕັ້ງໜ້າໃນການເຊື່ອມໂຍງເຂົ້າກັບສາກົນ ເພື່ອໂລກແຫ່ງສັນຕິພາບ, ສະຖຽນລະພາບ, ພັດທະນາ, ຍຸຕິທໍາ, ປະຊາທິປະໄຕ, ສີວິ ໄລ, ວັດທະນາຖາວອນ, ສະ ເໝີພາບ ແລະ ການພົວພັນ ລະຫວ່າງ ບັນດາປະເທດ ໂດຍອີງໃສ່ກົດໝາຍສາກົນ ແລະ ບັນດາຄຸນຄ່າທີ່ໄດ້ຮັບການຮັບຮູ້ຈາກສາກົນ. ມາຮອດປັດຈຸບັນ, ຫວຽດນາມ ໄດ້ສ້າງ ສາຍພົວພັນເປັນຄູ່ຮ່ວມມືຍຸດ ທະສາດກັບ 13 ປະເທດ, ເປັນຄູ່ຮ່ວມມືຮອບດ້ານກັບ 11 ປະເທດ. ຫວຽດນາມ ແມ່ນປະເທດດຽວຢູ່ໃນອາຊຽນໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດ ແລະ ຮອບດ້ານກັບ 5 ປະເທດ ທີ່ເປັນກຳມະການປະຈຳສະພາຄວາມໝັ້ນຄົງສະຫະປະຊາຊາດ, ກຸ່ມ G7 ແລະ ເປັນຄູ່ຮ່ວມມືຍຸດທະສາດ ແລະ ຮອບດ້ານກັບ 16 ປະເທດ ໃນຈໍານວນ 20 ປະເທດຂອງກຸ່ມ G20. ຫວຽດນາມ ໄດ້ສ້າງເຄືອຂ່າຍກັບບັນດາອົງການຈັດຕັ້ງ, ກົນໄກຮ່ວມມືພາກພື້ນ ແລະ ສາກົນທີ່ສຳຄັນ, ຕັ້ງໜ້າເຂົ້າຮ່ວມ ແລະ ມີການປະກອບສ່ວນຫຼາຍຢ່າງທີ່ສຳ ຄັນຢູ່ໃນບັນດາອົງການຈັດຕັ້ງ ແລະ ເວທີສາກົນຄື: ສະຫະປະຊາຊາດ, APEC, ASEAN, ASEM, WTO. ສືບຕໍ່ສຳ ເລັດຜົນຂອງກອງປະຊຸມຂັ້ນສຸດຍອດ APEC 2017. ໃນໜຶ່ງປີທີ່ຜ່ານມາ, ຫວຽດນາມ ສືບຕໍ່ຈັດຕັ້ງສຳເລັດເປັນຢ່າງດີກອງປະຊຸມ WEFASEAN, ກອງປະຊຸມຂັ້ນສຸດຍອດອາເມຣິກາ-ສປປ ເກົາຫຼີ ຄັ້ງທີ 2 (ເດືອນ 2/2019) ແລະ ເປັນຄັ້ງທີ 2 ໄດ້ຮັບການເລືອກຕັ້ງເປັນກຳມະການບໍ່ຖາວອນສະພາຄວາມໝັ້ນຄົງສະຫະປະຊາຊາດ ໃນອາຍຸການ 2020-2021 ດ້ວຍຈຳນວນບັດສະໜັບສະໜູນສູງ 192 ບັດໃນຈໍານວນ 193 ບັດ. ບັນດາເຫດການເຫຼົ່ານີ້, ໄດ້ສະແດງໃຫ້ເຫັນເຖິງການຕີລາຄາສູງຂອງວົງຄະນາຍາດສາກົນທີ່ ມີຕໍ່ບົດບາດ ແລະ ຄວາມຮັບຜິດ ຊອບຂອງຫວຽດນາມ ພ້ອມທັງຫວັງວ່າ: ຫວຽດນາມ ຈະສືບຕໍ່ມີການປະກອບສ່ວນຫຼາຍກວ່າອີກໃຫ້ແກ່ສັນຕິພາບ, ຄວາມໝັ້ນຄົງຢູ່ໃນພາກພື້ນ ແລະ ໂລກ ໃນຊຸມປີທີ່ຈະມາເຖິງ.
ບັນດາສະຫາຍ ແລະ ເພື່ອນມິດລາວ ທີ່ຮັກແພງ
    ສັນຕິພາບ, ການຮ່ວມມື ແລະ ການພັດທະນາຍາມໃດກໍແມ່ນທ່າອ່ຽງຕົ້ນຕໍ ແລະ ແມ່ນຄວາມໄຝ່ຝັນອັນແຮງກ້າຂອງທຸກປະເທດ, ທຸກຊົນຊາດ. ແຕ່ເຖິງຢ່າງໃດກໍຕາມ ໃນປັດຈຸບັນນີ້, ໂລກຄົງສືບຕໍ່ປະເຊີນໜ້າກັບຄວາມຫຍຸ້ງຍາກ ແລະ ສິ່ງທ້າທາຍຫຼາຍປະການ ທີ່ມີລັກສະນະແບບເກົ່າ ແລະ ແບບໃໝ່ ຊຶ່ງນັບມື້ນັບສັບສົນ ແລະ ອັນຕະລາຍ. ໃນສະຖານະການດັ່ງກ່າວ, ຫວຽດນາມ ຈະສືບຕໍ່ພະຍາຍາມຮ່ວມກັບປະຊາຄົມໂລກ ເພີ່ມທະວີການສົນທະນາ ແລະ ການຮ່ວມມືບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ສະເໝີພາບ, ຕ່າງຝ່າຍຕ່າງມີຜົນປະໂຫຍດ, ເຄົາລົບກົດ ໝາຍສາກົນ.     ປີ 2020 ຈະແມ່ນຂີດໝາຍສຳຄັນຕໍ່ຫວຽດນາມ ເມື່ອຈະຮັບບົດບາດເປັນປະທານຜັດປ່ຽນຂອງອາຊຽນ ແລະ ເປັນກຳມະການບໍ່ຖາວອນຂອງສະພາຄວາມໝັ້ນຄົງ ສະ ຫະປະຊາຊາດ ໃນອາຍຸການ 2020-2021. ພວກຂ້າພະເຈົ້າຈະໃຫ້ບຸລິມະສິດຮ່ວມກັບອາຊຽນ ຈັດຕັ້ງປະຕິບັດບັນດາຄາດໝາຍວິໄສທັດອາຊຽນ 2025, ສ້າງປະຊາຄົມອາຊຽນ ສາມັກຄີ, ເຂັ້ມແຂງ, ພັດທະນາ, ວັດທະນາຖາວອນ, ເພີ່ມທະວີບົດບາດເປັນແກນກາງຂອງອາຊຽນຢູ່ໃນພາກພື້ນ ແລະ ຕັ້ງໜ້າຊຸກຍູ້ລັດທິຫຼາຍຝ່າຍ, ການຮ່ວມມືສາກົນ, ເຊີດຊູກົດບັດສະຫະປະຊາຊາດ ແລະ ກົດໝາຍສາກົນ, ເຂົ້າຮ່ວມໃນຄວາມພະຍາຍາມລວມ ເພື່ອແກ້ໄຂບັນດາຂໍ້ຂັດແຍ້ງສາກົນໂດຍສັນຕິວິທີ, ປະກອບສ່ວນເຂົ້າໃນການຊອກຫາມາດຕະ ການແກ້ໄຂບັນດາຂໍ້ຂັດແຍ້ງ ທີ່ເກີດຂຶ້ນຢູ່ໃນໂລກຢ່າງຍາວນານ ແລະ ຍືນຍົງ. ພວກຂ້າ ພະເຈົ້າຍິນດີ ແລະ ຈະເຮັດຈົນ ສຸດຄວາມສາມາດຂອງຕົນເພື່ອ ຮັບຜິດຊອບບັນດາບົດບາດດັ່ງກ່າວຢ່າງມີຜົນສຳເລັດ, ເປັນຄູ່ຮ່ວມມືເພື່ອສັນຕິພາບອັນໝັ້ນຄົງຢ່າງແທ້ຈິງ ແລະ ປາຖະໜາວ່າ: ຈະໄດ້ຮັບການສະໜັບສະໜູນ, ການຊ່ວຍເຫຼືອ ແລະ ການຮ່ວມມືຈາກບັນດາປະເທດສະມາຊິກທັງໝົດ.
ບັນດາສະຫາຍ ແລະ ເພື່ອນມິດ ທີ່ຮັກແພງ
    ຫວຽດນາມ ມີຄວາມສະ ເໝີຕົ້ນສະເໝີປາຍ, ຖືສຳຄັນເປັນພິເສດສາຍພົວພັນຫວຽດ ນາມ-ລາວ, ຍາມໃດກໍຖື ສປປ ລາວ ເປັນສະຫາຍ, ອ້າຍນ້ອງ, ເພື່ອນມິດຜູ້ຮັກແພງ ແລະ ຊື່ສັດທີ່ສຸດ. ສະເຫຼີມສະຫຼອງວັນຊາດທີ 2 ກັນຍາຂອງຊາດຕົນ, ພວກຂ້າພະເຈົ້າຮູ້ ສຶກຕື້ນຕັນໃຈເມື່ອຄິດເຖິງການພົບປະຄັ້ງປະຫວັດສາດ, ເປັນ ຄັ້ງທຳອິດ ແລະ ເຕັມໄປດ້ວຍ ຄວາມໝາຍ ລະຫວ່າງສະ ເດັດເຈົ້າ ສຸພານຸວົງ ແລະ ປະ ທານ ໂຮ່ຈິມິນ ໃນວັນ ທີ 4 ກັນ ຍາ 1945, ໝາຍຄວາມວ່າພາຍ ຫຼັງປະທານ ໂຮ່ຈິມິນ ອ່ານບົດ ຖະແຫຼງການປະກາດເອກະ ລາດ, ສະຖາປະນາປະເທດ ສາທາລະນະລັດ ປະຊາທິປະ ໄຕ ຫວຽດນາມ ພຽງ 2 ວັນ. ສະ ເດັດເຈົ້າ ສຸພານຸວົງ ເອີ້ນການພົບປະຄັ້ງດັ່ງກ່າວນັ້ນວ່າ "ລິຂິດສະຫວັນ" ຊຶ່ງໄດ້ເຮັດໃຫ້ສະເດັດເຈົ້າສຸພານຸວົງ ແລະ ປະທານໂຮ່ຈິມິນ ກາຍເປັນເພື່ອນ, ເປັນສະຫາຍທີ່ສະໜິດສະໜົມທ່ີສຸດຂອງກັນ ແລະ ກັນ. ການພົບປະຄັ້ງຕ່າງໆ ລະຫວ່າງ ປະ ທານໂຮ່ຈິມິນ ແລະ ສະເດັດເຈົ້າສຸພານຸວົງ ແລະ ສະຫາຍ ໄກສອນ ພົມວິຫານ ຫຼັງຈາກ ນັ້ນ ໄດ້ເຮັດໃຫ້ຜູ້ນຳທັງ 3 ທ່ານ ຂອງສອງປະເທດມີຄວາມ ໃກ້ຊິດຕິດພັນກັນຢ່າງສະໜິດ ແໜ້ນບົນເສັ້ນທາງແຫ່ງການປະຕິວັດປົດປ່ອຍຊາດຂອງສອງປະເທດ, ນໍ້າໃຈມິດສະຫາຍລະຫວ່າງ ປະທານ ໂຮ່ຈິມິນ ກັບ ປະທານ ສຸພານຸວົງ ແລະ ປະທານ ໄກສອນ ພົມວິຫານ ໄດ້ກາຍເປັນສັນຍາລັກອັນໃສແຈ້ງ ແຫ່ງຄວາມສາມັກຄີ, ຊື່ສັດບໍລິສຸດຂອງສອງຊາດ ຫວຽດນາມ-ລາວ.
    ພວກຂ້າພະເຈົ້າມີຄວາມປິຕິຊົມຊື່ນ ແລະ ພາກພູມໃຈເປັນຢ່າງຍິ່ງ ເມື່ອໄດ້ເຫັນສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມລາວ ໄດ້ພັດທະນາຢ່າງຕໍ່ເນື່ອງ, ຊຶ່ງທັງສອງຝ່າຍໄດ້ເຫັນດີເປັນເອກະພາບຍົກສາຍພົວພັນມິດ ຕະພາບອັນຍິ່ງໃຫຍ່ໃຫ້ສູງຂຶ້ນໃນການຢ້ຽມຢາມສັນຖະວະ ໄມ ຕີ ສປປ ລາວ ຢ່າງເປັນທາງການຂອງ ສະຫາຍ ຫງວຽນ ຝູຈ້ອງ ເລຂາທິການໃຫຍ່ ປະທານປະເທດຫວຽດນາມ ໃນເດືອນກຸມພາ ປີ 2019. ປັດຈຸບັນ, ທັງສອງຝ່າຍພວມພະຍາຍາມຢ່າງສຸດຂີດ ເພື່ອນຳການຮ່ວມມືຮອບດ້ານ ຫວຽດນາມ-ລາວ ເຂົ້າສູ່ລວງເລິກ ແລະ ມີປະສິດທິພາບກວ່າເກົ່າ. ສອງຊາດລາວ ແລະ ຫວຽດນາມ ພວກເຮົາໄດ້ຈັບມືກັນຢ່າງໜັກແໜ້ນ, ຮ່ວມສູ້ຮົບນຳກັນ, ເສຍສະຫຼະເພື່ອຍາດເອົາເອກະລາດ, ອິດ ສະຫຼະພາບ, ໂຮມປະເທດຊາດເປັນເອກະພາບ. ມາຮອດ ປັດຈຸບັນນີ້, ພວກເຮົາສືບຕໍ່ ຮັດ ແໜ້ນຮ່ວມມືກັນ ເພື່ອພັດທະ ນາສອງປະເທດ, ປົກປັກຮັກສາສັນຕິພາບ, ຜືນແຜ່ນດິນອັນຄົບຖ້ວນ ແລະ ພື້ນຖານເອກະລາດຂອງຕົນ.
    ປະຊາຊົນຫວຽດນາມ ຍາມໃດກໍຈາລຶກໄວ້ໃນສ່ວນ ເລິກຂອງຫົວໃຈຕໍ່ການສະ ໜັບສະໜູນ, ການຊ່ວຍເຫຼືອອັນປະເສີດຂອງບັນດາປະເທດ, ເພື່ອນມິດສາກົນ, ພິເສດແມ່ນການຊ່ວຍເຫຼືອອັນໃຫຍ່ຫຼວງ, ໝົດຈິດໝົດໃຈຂອງປະຊາຊົນລາວອ້າຍນ້ອງ ທີ່ມີຕໍ່ພາລະກິດຕໍ່ສູ້ປົດປ່ອຍຊາດ ກໍຄືໃນການສ້າງສາພັດທະນາປະເທດ ຊາດ. ມື້ນີ້, ຕາງໜ້າພັກ, ລັດ ແລະ ປະຊາຊົນຫວຽດນາມ, ອີກເທື່ອໜຶ່ງ, ຂ້າພະເຈົ້າຂໍສະ ແດງຄວາມຮູ້ບຸນຄຸນຢ່າງເລິກ ເຊິງມາຍັງພັກ, ລັດ ແລະ ປະ ຊາຊົນລາວອ້າຍນ້ອງ ທີ່ຍາມ ໃດກໍມີຄວາມສາມັກຄີ, ໃຫ້ການ ສະໜັບສະໜູນ ແລະ ຊ່ວຍເຫຼືອ ແກ່ຫວຽດນາມ. ພວກຂ້າພະ ເຈົ້າຂໍສະແດງຄວາມຂອບອົກຂອບໃຈບັນດາປະເທດ, ເພື່ອນມິດສາກົນຍາມໃດກໍໃຫ້ການ ສະ ໜັບສະໜູນ ແລະ ການຊ່ວຍ ເຫຼືອແກ່ຫວຽດນາມ ກໍຄືສະໜັບໜູນແກ່ການພັດທະນາຂອງສາຍພົວພັນຫວຽດນາມ-ລາວ.
    ໃນບັນຍາກາດອັນສະ ຫງ່າລາສີ, ສະໜິດສະໜົມ ແລະ ຮ່ວມມືໃນບັນຍາກາດອັນເບີກບານມ່ວນຊື່ນໃນໂອ ກາດວັນຊາດຂອງປະຊາຊົນຫວຽດນາມ, ຂ້າພະເຈົ້າຂໍອວຍ ພອນບັນດາສະຫາຍການນຳຂອງລາວ ຈົ່ງມີສຸຂະພາບເຂັ້ມ ແຂງມີພະລານາໄມສົມບູນ,ມີ ຄວາມຜາສຸກ ແລະ ສືບຕໍ່ນຳພາປະເທດລາວທີ່ສະຫງົບສຸກ, ປະຊາຊົນລາວບັນດາເຜົ່າອີ່ມໜຳສຳລານ. ອວຍພອນໃຫ້ປະເທດລາວອ້າຍນ້ອງ ແຫ່ງສັນຕິພາບ ແລະ ຮຸ່ງເຮືອງສີວິໄລຕະຫຼອດການ. ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ຈົ່ງນັບມື້ແຕກດອກອອກຜົນ ແລະ ຍືນຍົງກັບສອງຊາດອ້າຍນ້ອງພວກເຮົາຕະຫຼອດກາລະນານ.
(ຂໍຂອບໃຈ)