ສະຫາຍ ບຸນທອງ ຈິດມະນີ ຕ້ອນຮັບຜູ້ແທນຄະນະກວດກາ ລະບຽບວິໄນສູນກາງພັກກອມມູນິດຈີນ


...

04.09.2019 9:40     

   ສະຫາຍ ບຸນທອງ ຈິດມະນີ ກໍາມະການກົມການ ເມືອງສູນກາງພັກ ຄະນະເລ ຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ແລະ ອົງການກວດກາລັດຖະ ບານ ຫົວໜ້າອົງການຕ້ານ ການສໍ້ລາດບັງຫຼວງຂັ້ນສູນກາງ ໄດ້ຕ້ອນຮັບການເຂົ້າຢ້ຽມຂໍ່ານັບຂອງສະຫາຍ ລາ ຢີຟານ ຫົວໜ້າກົມຮ່ວມມືສາ ກົນ ຄະນະກວດກາລະບຽບວິ ໄນສູນກາງພັກກອມມູນິດຈີນ ພ້ອມດ້ວຍຄະນະ ໃນວັນທີ 3 ກັນຍານີ້ ທີ່ຄະນະກວດກາສູນກາງພັກ, ໃນໂອກາດທີ່ເດີນທາງມາເຄື່ອນໄຫວເຮັດວຽກ ແລະ ເຂົ້າຮ່ວມກອງປະຊຸມວຽກງານກໍ່ສ້າງໂຄງການທາງລົດໄຟລາວ-ຈີນ ໃຫ້ເປັນໂຄງການໂປ່ງໃສຂາວສະອາດ ຄັ້ງທີ IV ໃນລະຫວ່າງວັນທີ 1-3 ກັນຍາ 2019 ຢູ່ສປປ ລາວ.
ໂອກາດນີ້ ສະຫາຍ ບຸນທອງ ຈິດມະນີ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຜູ້ແທນ ຄະນະ ກວດກາລະບຽບວິໄນພັກກອມມູນິດຈີນ ທີ່ໄດ້ເດີນທາງມາເຄື່ອນໄຫວເຮັດວຽກຢູ່ ສປປ ລາວ ຊຶ່ງເປັນ ການເສີມສ້າງສາຍພົວພັນທີ່ດີລະຫວ່າງ ສອງພັກ-ສອງລັດ ທັງເປັນການສະແດງເຖິງ ຄວາມເອົາໃຈໃສ່ຂອງທັງສອງຝ່າຍ ໃນການຊຸກຍູ້ສົ່ງເສີມໃຫ້ໂຄງການກໍ່ສ້າງທາງລົດໄຟລາວ-ຈີນໃຫ້ກາຍເປັນໂຄງການໂປ່ງໃສ ຂາວສະອາດຢ່າງແທ້ຈິງ;ອັນ ຈະນໍາເອົາຜົນປະໂຫຍດ, ຄວາມ ຜາສຸກມາໃຫ້ປະຊາຊົນສອງຊາດລາວ-ຈີນ ໃນອະນາຄົດ.
ສະຫາຍ ລາ ຢີຟານ ໄດ້ລາຍງານການເຄື່ອນໄຫວເຮັດວຽກຮ່ວມກັບບໍລິສັດທາງ ລົດໄຟ ລາວ-ຈີນ, ບັນດາບໍລິ ສັດຮັບເໝົາຕ່າງໆ, ອົງການກວດກາລັດຖະບານລາວ ແລະ ໝາກຜົນຂອງການເຂົ້າຮ່ວມ ກອງປະຊຸມວຽກງານກໍ່ສ້າງໂຄງການທາງລົດໄຟ ລາວ-ຈີນ ໃຫ້ເປັນໂຄງການໂປ່ງໃສຂາວສະອາດ ຄັ້ງທີ IV ໃຫ້ທ່ານຮອງນາຍົກຊາບ.
(ຂ່າວ-ພາບ: ຄະນະກວດ ກາສູນກາງພັກ)