ຄະ­ນະ​ຜູ້​ແທນ​ຂັ້ນ​ສູງ​ພັກ ປປ ລາວ
ສຳ­ເລັດ​ການ​ຢ້ຽມ­ຢາມ ສປປ.ເກົາ­ຫຼີ

16.09.2019 9:47     

  ໂດຍ​ຕອບ​ສະໜອງ​ຕາມ​ຄຳ​ເຊີນ​ຂອງ ຄະນະ​ບໍລິຫານ​ງານ​ສູນ​ກາງ​ພັກ​ແຮງ​ງານ​ເກົາ ຫຼີ, ສະຫາຍ ພັນ​ຄໍາ ວິພາ​ວັນ ກໍາ​ມະ​ການ​ກົມ​ການເມືອງສູນ ​ກາງ​ພັກ ຜູ້​ປະ​ຈໍາ​ການ​ຄະນະ​ ເລຂາທິການ ສູນ​ກາງ​ພັກ ຮອງ​ ປະທານ​ປະເທດ​ແຫ່ງ ສປປ ລາວ ພ້ອມ​ດ້ວຍ​ຄະນະໄດ້​ໄປ​ຢ້ຽມຢາມ ສປປ. ເກົາຫຼີ ຢ່າງ​ເປັນ​ທາງ​ການ ແຕ່​ວັນ​ທີ 10-14 ກັນຍາ​ຜ່ານ​ມາ.
ໃນ​ໄລຍະ​ຢູ່​ຢ້ຽມຢາມ ສປປ. ເກົາຫຼີ ຄັ້ງ​ນີ້, ສະຫາຍ ພັນ​ຄໍາ ວິພາ​ວັນ ໄດ້​ເຂົ້າ​ຢ້ຽມ​ຂໍ່າ​ນັບ ສະຫາຍ ເຊ​ຣົງ​ແຮ ປະ ທານ​ຄະນະ​ປະ​ທານ​ກໍາ​ມະ​ການ​ປະ​ຈໍາ​ສະພາ​ປະຊາຊົນ​ສູງ​ສຸດ ສປປ.ເກົາຫຼີ ແລະ ພົບ​ປະ ສະຫາຍ ປັກ​ບົງ​ຈູ ຄະນະ​ປະຈຳ​ກົມ​ການເມືອງ ຮອງ​ປະທານ​ຜູ້​ປະຈຳການ​ສູນ​ກາງພັກ ຮອງ​ປະທານ​ຄະນະ​ກຳມະການ​ກິດ ຈະການ​ແຫ່ງ​ລັດ ສປປ.ເກົາ ຫຼີ, ໄດ້​ມີ​ການ​ພົບ​ປະ​ເຮັດ​ວຽກ ກັບ ສະຫາຍ ລີ​ຊູ​ຢອງ ກໍາ​ມະ​ການ​ກົມ​ການເມືອງ​ສູນ​ກາງ​ພັກ ຮອງ​ປະທານ​ພັກ​ແຮງ​ງານ​ເກົາຫຼີ ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ​ແຮງ​ງານ​ເກົາ​ຫຼີ.
ໃນ​ການ​ພົບ​ປະ​ດັ່ງກ່າວ, ສະຫາຍ ພັນ​ຄໍາ ວິພາ​ວັນ ໄດ້​ນຳ​ເອົາ​ຄວາມ​ຢື້​ຢາມ​ຖາມ​ຂ່າວ ຂອງ​ສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ປະທານ​ປະເທດ ແຫ່ງ ສປປ ລາວ ມາຍັງ ສະຫາຍ ກິ​ມ​ເຈິ​ງ​ອຸນ ຜູ້​ນໍາ​ສູງ​ສຸດ​ຂອງ ສປປ.ເກົາຫຼີ ພ້ອມ​ທັງ​ໄດ້​ແຈ້ງ​ສະພາບ​ການ​ອັນ​ພົ້ນ​ເດັ່ນ​ຂອງ ສປປ ລາວ ໂດຍ​ສະເພາະ​ແມ່ນ​ການຈັດຕັ້ງ​ປະ ຕິບັດ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ປປ ລາວ ແລະ ການ​ກະກຽມ​ກອງ​ປະຊຸມ​ໃຫຍ່​ຄັ້ງ​ທີ XI ຂອງ​ພັກ​ໃນຕໍ່ໜ້າ; ສະຫາຍ ພັນ​ຄໍາ ວິພາ​ວັນ ໄດ້ຕີ ລາຄາ​ສູງ​ການ​ພົວພັນ​ຮ່ວມ​ມື​ທີ່​ມີ​ມູນເຊື້ອ ລະ​ຫ່​ວາງ ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ - ເກົາຫຼີ ທີ່​ໄດ້​ຮັບ​ການ​ສ້າງຕັ້ງ​ໂດຍ​ປະທານ ໄກສອນ ພົມວິຫານ ທີ່​ແສນ​ເຄົາລົບ​ຮັກ​ຂອງ​ປະຊາຊົນລາວ ແລະ ປະທານ ກິ​ມ​ອິນ​ຊຸງ ຜູ້ນຳ​ທີ່​ຍິ່ງ​ໃຫຍ່​ຂອງ ສປປ.ເກົາຫຼີ ແລະ ໄດ້​ຮັບ​ການ​ເສີມຂະ ຫຍາ​ຍ​ໂດຍ​ການ​ນຳ​ຮຸ​່ນ​ຕໍ່​ມາ​ຂອງ​ສອງ​ປະເທດ; ຕີ​ລາຄາ​ສູງ​ຕໍ່​ຜົນສຳເລັດ​ອັນ​ໃຫຍ່​ຫຼວງ ຮອບດ້ານ​ທີ່ ພັກ, ລັດຖະບານ ແລະ ປະຊາຊົນ ສປປ.ເກົາຫຼີ ອ້າຍ​ນ້ອງ​ຍາດ​ມາ​ໄດ້​ໃນ​ຕະ ຫຼອດໄລຍະ 71 ປີ ທີ່​ຜ່ານ​ມາ ໂດຍ​ພາຍ​ໃຕ້​ການ​ນຳພາ​ອັນ​ສະຫຼາດ​ສ່ອງ​ໃສ ແລະ ເດັດດ່ຽວ​ຂອງ​ພັກ​ແຮງ​ງານ​ເກົາຫຼີ, ອັນ​ມີ​ສະຫາຍ ກິ​ມ​ອິນ​ຊຸງ ຜູ້ນຳ​ທີ່​ຍິ່ງ​ໃຫຍ່ ແລະ ສະຫາຍ ກິ​ມ​ເຈິ​ງ​ອິນ. ປັດຈຸບັນ​ແມ່ນ ສະຫາຍ ກິ​ມ​ເຈິ​ງ​ອຸນ ຜູ້​ນໍາ​ສູງ​ສຸດ ສປປ.ເກົາຫຼີ ເປັນ​ຜູ້ນຳ​ໜ້າ ແລະ ໄດ້​ອວຍພອນ​ປະຊາຊົນ ສປປ.ເກົາຫຼີ ຈົ່ງ​ສືບຕໍ່​ຍາດໄດ້ຜົນ​ສຳ ເລັດ​ໃໝ່​ໃຫຍ່​ຫຼວງ​ກ່​ວາ​ເກົ່າ​ໃນ ​ການ​ປະຕິບັດ​ມະຕິ​ກອງ​ປະ ຊຸມ ໃຫຍ່​ຄັ້ງ​ທີ VII ຂອງ​ພັກ​ແຮງ​ງານ​ເກົາຫຼີ, ສືບຕໍ່​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ສັງຄົມ​ນິຍົມ​ໃຫ້ ນັບ​ມື້​ນັບ​ຈະ ເລີນ​ຮຸ່ງ​ເຮືອງ.
ບັນດາ​ສະຫາຍ​ການ​ນຳ​ຂອງ ສປປ.ເກົາຫຼີ ໄດ້​ສະແດງ​ຄວາມ​ຂອບໃຈ​ຢ່າງ​ຈິງ​ໃຈ ແລະ ຕີ​ລາຄາ​ສູງ​ຕໍ່ສະຫາຍ ພັນ​ຄໍາ ວິພາ​ວັນ ທີ່​ໄດ້​ຢ້ຽມຢາມ ສປປ.ເກົາຫຼີ ແລະ ໄດ້​ນຳ​ເອົາ​ຄວາມ​ຢື້​ຢາມ ຖາມ​ຂ່າວ​ຈາກ ສະຫາຍ ເລຂາທິການ​ໃຫຍ່ ປະທານ​ປະ ເທດ​ແຫ່ງ ສປປ ລາວ ມາ​ຍັງ ສະຫາຍ ກິ​ມ​ເຈິ​ງ​ອຸນ; ໄດ້​ຕີ​ລາ ຄາ​ສູງ​ການ​ຢ້ຽມຢາມ​ໃນ​ຄັ້ງ​ນີ້ ມີ​ຂຶ້ນ​ໃນ​ທ່າມກາງ​ບັນຍາກາດ​ແຫ່ງ​ປີ​ສ້າງຕັ້ງ​ສາຍພົວພັນ​ການ​ທູດ ສປປ ລາວ- ສປປ.ເກົາຫຼີ ຄົບຮອບ 45 ປີ, ເປັນ​ການ​ປະ ກອບສ່ວນ​ອັນ​ສຳຄັນ​ເຂົ້າ​ໃນ​ການ​ເພີ່ມ​ທະວີ​ສາຍ​ພົວພັນ​ມິດຕະພາບ​ທີ່​ເປັນ​ມູນເຊື້ອ​ມາ​ແຕ່​ດົນ​ນານ ລະຫວ່າງ ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ສປປ ລາວ - ສປປ.ເກົາຫຼີ ແລະ ໄດ້​ສະແດງ​ຄວາມ​ເປັນ​ເອກະ​ພາບ ຈະ ຮ່ວມ​ກັັບ​ຝ່າຍ​ລາວ​ສືບຕໍ່​ເສີມ​ຂະຫຍາຍ​ສາຍ​ພົວ​ພົນ​ທີ່​ເປັນ​ມູນເຊື້ອ ລະ ຫວ່າງ ສອງ​ຊາດ ລາວ ແລະ ສປປ.ເກົາຫຼີ ໄດ້​ຮັບ​ການ​ເສີມ​ຂະຫຍາຍ​ຍິ່ງໆ​ຂຶ້ນ, ສະແດງ​ຄວາມ​ຊົມເຊີຍ​ຕໍ່​ຜົນສຳເລັດ​ອັນ ໃຫຍ່​ຫຼວງ ຮອບດ້ານ​ທີ່ພັກ, ລັດຖະບານ ແລະ ປະຊາຊົນ​ລາວ ຍາດ​ມາ​ໄດ້​ໃນ​ການຈັດຕັ້ງ​ ຜັນ​ຂະຫຍາຍ​ມະຕິກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ແລະ ແຜນການ​ພັດທະນາ​ເສດຖະ ​ກິດ​-​ສັງຄົມ​ແຫ່ງ​ຊາດ 5 ປີ ຄັ້ງ​ທີ VIII ແລະ ສະແດງ​ຄວາມ ເຊື່ອ​ໝັ້ນ​ວ່າ ພາຍ​ໃຕ້​ການນຳ ພາອັນ​ ສະຫຼາດ​ສ່ອງ​ໃສ​ຂອງ​ພັກ ປປ ລາວ ໂດຍ​ແມ່ນ ສະ ຫາຍ ບຸນ​ຍັງ ວໍລະ​ຈິດ ເປັນ​ຜູ້ ນຳ​ໜ້າ, ປະຊາ ຊົນ​ລາວ ຈະສາ ມາດ​ຍາດ​ໄດ້ຜົນ​ສຳເລັດ​ອັນ​ໃໝ່​ໃຫຍ່​ຫຼວງ​ກ່​ວາ​ເກົ່າ ໃນ​ພາ ລະກິດ​ແຫ່ງ​ການ​ປົກປັກ​ຮັກ ສາ ແລະ ສ້າງສາ​ພັດທະນາ​ປະເທດ​ຊາດ​ຂອງ​ຕົນ. ບັນດາ​ສະຫາຍ​ການ​ນໍາ​ຂອງ ສປປ.ເກົາຫຼີ ໄດ້​ແຈ້ງ​ສະ ພາບ​ການ​ອັນ​ພົ້ນ​ເດັ່ນ​ໃນ​ພາ ລະ​ກິດ​ສ້າງສາ ແລະ ພັດທະນາ​ປະເທດ​ຊາດ​ຂອງ​ຕົນ ເພື່ອ​ສູ້​ຊົນ​ສ້າງ​ປະເທດ​ຊາດ​ສັງຄົມ​ນິ ຍົມ​ໃຫ້​ນັບມື້​ນັບ​ເຂັ້ມ​ແຂງ.
ນອກ​ນັ້ນ, ສອງ​ຝ່າຍ​ຍັງໄດ້​ແລກປ່ຽນ​ຄຳ​ຄິດ​ເຫັນ​ນຳ​ກັນ​ຢ່າງ​ກົງ​ໄປ​ກົງ​ມາກ່ຽວ​ກັບ​ການ​ພົວພັນລະຫວ່າງ ສອງ​ພັກ, ສອງ​ ລັດ ແລະ ສະພາບ​ການ​ພາກ​ ພື້ນ ແລະ ສາ​ກົນ​ຈໍາ​ນວນ​ໜຶ່ງ ທີ່​ທັງ​ສອງ​ຝ່າຍ​ຕ່າງ​ກໍ່​ມີ​ຄວາມ​ສົນ​ໃຈ.
ໃນ​ໂອກາດ​ການ​ຢ້ຽມຢາມ ສປປ.ເກົາຫຼີ ຄັ້ງ​ນີ້, ຄະນະ​ຍັງ​ໄດ້ໄປ​ຢ້ຽມຢາມ​ແຂວງ​ຢາງກັງ ຊຶ່ງແມ່ນ​ບ້ານ​ເກີດ​ຂອງ ສະຫາຍ ກິ​ມ​ເຈິ​ງ​ອິນ, ເປັນຖານ​ທີ່​ໝັ້ນ​ຂອງ​ການ​ປະຕິວັດ​ເກົາຫຼີ ​ໃນໄລ ຍະ​ຕໍ່ສູ້​ກູ້ຊາດ​ເພື່ອ​ເອກະລາດ​ແຫ່ງ​ຊາດ, ໄດ້ໄປທ່ຽວຊົມ​ພູ​ແບກ​ດູ​ທີ່​ເປັນ​ສະ ຖານທີ່​ສັກກາ​ລະ​ບູຊາ​ຂອງ ສປ ປ.ເກົາຫຼີ, ຢ້ຽມ​ຊົມ​ວັງ​ພະອາທິດ​ກຶມສຸສານ ​ປະທານ ກິ​ມ​ອິນ​ຊຸງ ແລະ ສະ ຫາຍ ກິ​ມ​ເຈິ​ງ​ອິນ ຜູ້ນຳ ທີ່​ຍິ່ງ​ ໃຫຍ່​ຂອງ ສປປ.ເກົາຫຼີ, ຢ້ຽມ ​ຊົມ​ຫໍ​ພິ​ພິ​​ຖະ​ພັນ​ປະຕິວັດ​ເກົາ ຫຼີ, ຊົມ​ການສະແດງ​ສິລະ​ປະ ແລະ ກາຍຍະກຳ​ຂອງ​ມວນຊົນ ສປປ.ເກົາຫຼີ, ຢ້ຽມຢາມ​ໂຮງ ງານ​ຜະລິດ​ສາຍ​ໄຟຟ້າ 326 ພຽງ​ຢາງ ແລະ ຍັງ​ໄດ້​ເຂົ້າ​ຮ່ວມ​ ງານ​ວາສະແດງ​ຮູບ​ພາບ​ທີ່​ລະ ນຶກ​ເຖິງ​ການ​ຢ້ຽມຢາມ ສປປ.ເກົາຫຼີ ແລະ ພົບ​ປະ​ຄັ້ງ ທໍາ​ອິດ ລະຫວ່າງ ປະທານ ໄກສອນ ພົມວິຫານ ແລະ ປະທານ ກິມ​ອິນ​ຊຸງ ຄົບຮອບ 54 ປີ, ທີ່ສະ ໂມ​ສອນ​ນັກ​ການ​ທູດ, ນະຄອນ ຫຼວງ​ພຽງ​ຢາງ​ໃນ​ຂອບຂອງການ ເຄື່ອນໄຫວ​ແຫ່ງ​ປີສ້າງຕັ້ງ​ສາຍ​ພົວພັນ ການ​ທູດ ລະຫວ່າງ ສອງ​ປະເທດ​ຄົບຮອບ 45 ປີ.
(ຂ່າວ: ຄຕພ ພາບ: ຕຸ​ໄລ​ເພັດ ພິມ​ເມືອງ)