ຫວຽດ­ນາມ ຖ່າຍ​ທອດ​ຄວາມ​ຮູ້​ວຽກ​ງານ​ບັນ­ນາ­ທິ­ການ ແລະ ການ­ຈຳ­ໜ່າຍ

18.09.2019 9:08     

  ກົມ​ພິມ​ຈຳ-ໜ່າຍ ກະ-ຊວງ ຖະ-ແຫຼງ​ຂ່າວ, ວັດ-ທະ-ນະ-ທຳ ແລະ ທ່ອງ​ທ່ຽວ (ຖວທ) ຮ່ວມ​ກັບ ກົມ​ພິມ​ຈຳ-ໜ່າຍ, ການ​ພິມ ແລະ ການ-ຈຳ-ໜ່າຍ  ກະ-ຊວງ ຖະ-ແຫຼງ​ຂ່າວ ແລະ ການ​ສື່-ສານ ສສ ຫວຽດ-ນາມ​ໄດ້​ເປີດຊຸດອົບ -ຮົມ​ວຽກ​ງານ​ບັນ-ນາ-ທິ-ການ ແລະ ການ-ຈຳ-ໜ່າຍ​ໃຫ້​ແກ່​ພະນັກ ງານ​ລາວ ໃນ​ລະ-ຫວ່າງ​ວັນ​ທີ 17-19 ກັນ-ຍາ​ນີ້  ທີ່​ສູນ​ອົບ-ຮົມ​ ແມ່-ຍິງ​ລາວ ສູນ​ກາງ​ສະ-ຫະ-ພັນ​ແມ່-ຍິງ​ລາວ ໂດຍ​ການ​ເປັນ​ປະ -ທານ​ຂອງ ທ່ານ ບົວ​ເງິນ ຊາ​ພູວົງ ຮອງ​ລັດ-ຖະ-ມົນ-ຕີ​ກະ-ຊວງ ຖວທ ມີ​ພະ​ເຖ-ລາ​ນຸ​ເຖ-ລະ ແລະ ພະ-ນັກ-ງານ​ຈາກ​ບັນ-ດາ​ສຳ-ນັກ​ພິມ,ໂຮງ-ພິມ ກະ-ຊວງ,ອົງ-ການ​ຕ່າງໆ​ຂອງ​ລາວ ແລະ ພາກ -ສ່ວນ​ທີ່​ກ່ຽວ-ຂ້ອງ​ເຂົ້າ​ຮ່ວມ.
ທ່ານ ບົວ​ເງິນ ຊາ​ພູ​ວົງ ກ່າວ​ວ່າ: ວຽກ​ງານ​ການ​ພິມ​ຈຳ​ໜ່າຍ​ເປັນ​ວຽກ​ງານ​ໜຶ່ງ​ທີ່​ສຳ ຄັນ​ໄປ​ຄຽງ​ຄູ່​ກັບ​ວຽກ​ງານ​ອື່ນໆ​ໃນ​ວຽກ​ງານ​ແນວ​ຄິດ​ວັດ-ທະ ນະ-ທຳ​ທັງ​ໄດ້​ປະ-ກອບ-ສ່ວນ​ໃນ​ພາ-ລະ-ກິດ​ລວມ​ຂອງ​ຊາດ​ບໍ່​ວ່າ​ໃນ​ສະ-ໄໝ​ຕໍ່​ສູ່​ປົດ​ປ່ອຍ​ຊາດ​ ໃນ​ເມື່ອ​ກ່ອນ​ກໍ​ຄື​ໃນ​ສະ-ໄໝ​ປົກ​ປັກ​ຮັກ-ສາ ແລະ ພັດ-ທະ-ນາ​ປະ-ເທດ​ຊາດ​ໃນ​ປັດ-ຈຸ-ບັນ,ພະ-ນັກ-ງານ​ນັກ-ຮົບ​ທີ່​ເຮັດ​ວຽກ​ການ​ພິມ​ຈຳ​ໜາຍ​ຍາມ​ໃດ​ກໍ​ໄດ້​ປະ-ກອບ ສ່ວນ​ຢ່າງ​ຫ້າວ-ຫັນ​ຕໍ່-ໜ້າ​ທີ່​ວຽກ​ງານ​ທີ່​ພັກ​-​ລັດ ແລະ ປະ-ຊາ-ຊົນ​ມອບ​ໝາຍ​ໃຫ້ ໄປ​ຄຽງ​ຄູ່​ກັນ​ນັ້ນ​ວຽກ​ງານ​ການ​ພິມ​ຈຳ-ໜ່າຍ​ກໍ່​ມີ​ການ​ເຕີບ​ໃຫຍ່​ຂະ-ຫຍາຍ-ຕົວ​ເປັນ​ກ້າວໆ​ມາ​ໂດຍ​ສະ-ເພາະ​ໃນ​ໄລ-ຍະ​ທີ່​ມີ​ແນວ-ທາງ ແລະ ນະ-ໂຍ-ບາຍ​ການ​ປ່ຽນ-ແປງ​ໃໝ່​ຂອງ​ພັກ ແລະ ລັດ-ຖະ-ບານ​ເຮົາ ຊຶ່ງ​ສະ-ແດງ​ອອກ ໃນ​ເມື່ອ​ກ່ອນ​ມີ​ໂຮງ-ພິມ,ສຳ-ນັກ​ພິມ​ບໍ່​ພໍ​ເທົ່າ-ໃດ​ແຫ່ງ ຢູ່​ເຂດ​ປົດ​ປ່ອຍ ແລະ ຢູ່​ບັນ-ດາ​ຕົວ​ເມືອງ​ໃຫຍ່ ແຕ່​ມາ​ຮອດ​ປັດ-ຈຸ-ບັນ​ນີ້​ບັນ-ດາ​ໂຮງ-ພິມ​ມີ​ເຖິງ 85 ແຫ່ງ, ສຳ ນັກ​ພິມ 17 ແຫ່ງ,ບໍ-ລິ-ສັດ​ໂຄ ສະ-ນາ 10 ບໍ-ລິ-ສັດ ແລະ ຮ້ານ​ຈຳ-ໜ່າຍ 14 ແຫ່ງ, ທ່ານ​ກ່າວ​ຕື່ມ​ວ່າ:ການ​ຝຶກ​ອົບ-ຮົມ​ຄັ້ງ​ນີ້​ບັນ-ດາ​ນັກ​ຝຶກ​ອົບ-ຮົມ​ທີ່​ເຂົ້າ​ຮ່ວມ​ຈົ່ງ​ເອົາ-ໃຈ-ໃສ່​ແລກ-ປ່ຽນ​ຄວາມ​ຄິດ​ຄວາມ​ເຫັນ, ຍາດ​ແຍ່ງ​ເອົາ​ຄວາມ​ຮູ້, ບົດ-ຮຽນ ແລະ ປະ-ສົບ​ການ​ນຳ​ບັນ-ດານັກ​ ວິ-ທະ-ຍາ-ກອນ  ນັບວ່າ​ເປັນ​ໂອ- ກາດ​ອັນ​ດີ​ໄດ້​ມາ​ຖ່າຍ​ຖອດ​ຄວາມ​ຮູ້ ແລະ ບົດຮຽນ​ໃຫ້​ແກ່​ພວກ​ເຮົາ ເພື່ອ​ນຳ​ເອົາ​ໄປ​​ໝູນ​ໃຊ້​ເຂົ້າ​ໃນ​ວຽກ​ງານ​ຕົວ​ຈິງ​ໃຫ້ມີ​ ປະ-ສິດ-ທິ-ພາບ ແລະ ປະ-ສິດ​ທິ​ຜົນ​ສູງຂຶ້ນ​ເລື້ອຍໆ, ຊຸດ​ອົບ-ຮົມ​ດັ່ງ-ກ່າວ​ຈະ​ດຳ-ເນີນ​ເປັນ​ເວ-ລາ 3 ວັນ ​ຈຶ່ງ​ຈະ​ສຳ-ເລັດບັນ-ດາ​ຜູ້​ເຂົ້າ​ຮ່ວມ​ຈະ​ໄດ້​ຮັບ​ຟັງ​ການ​ບັນ-ຍາຍ​ພາຍ​ໃຕ້​ຫົວ-ຂໍ້” ເພື່ອ​ປະ-ສົບ​ຜົນ-ສຳ-ເລັດ​ໃນ ການ​ພິມ ຈຳ-ໜ່າຍ​ປຶ້ມ 1 ເຫັ້ຼມ ໃນ​ຍຸກ​ດີ​ຈີ​ຕອນ ແລະ ບັນ-ດາ​ຂໍ້​ຄວນ​ເອົາ-ໃຈ-ໃສ່​ໃນ​ການ​ພົວ-ພັນ​ຊື້​-ຂາຍ​ລິຂະ​ສິດ”,ຫົວ ຂໍ້” ການ​ບໍ-ລິ-ຫານ​ຈັດ-ການ​ຂອງ​ສຳ-ນັກ​ພິມ​ກິ​ມ​ດົງ ແລະ ປະ-ສົບ​ການ, ບົດ-ຮຽນ​ບັນ-ນາ-ທິ-ການ ແລະ ການ​ຮ່າງ​ເອ-ກະ-ສາ, “ຫົວ-ຂໍ້” ປະ-ສົບ​ການ​ພັດ-ທະ-ນາ ບໍ-ລິ-ສັດ​ຈຳ-ໜ່າຍ​ປື້​ມຫວ​ຽດ​ນາມ”ຫົວ-ຂໍ້”ຈະ​ເຮັດ​ແນວ-ໃດ​ເພື່ອ​ເຮັດ​ໃຫ້-ການ​ດຳ-ເນີນ​ທຸ-ລະ​ກິດ​ຂາຍ​ປຶ້ມ​ປະ-ສົບ​ຜົນ-ສຳ-ເລັດ​ໃນ​ຍຸກ​ແຫ່ງ​ຄວາມ​ທັນ​ສະ-ໄໝ​ຂອງ​ເຕັກ​ໂນ​ໂລ​ຊີ” ແລະ ອື່ນໆ.
   (ຂ່າວ: ສຳ​ນານ)