ປະ­ທານ ສນຊ ຕ້ອນ­ຮັບ​ທູດ​ອິນ​ເດຍ

19.09.2019 8:34     

  ທ່ານ ໄຊ​ສົມ​ພອນ ພົມວິຫານ ປະ ທານສູນ​ກາງ​ແນວ​ລາວ​ສ້າງ​ຊາດ (ສນຊ) ໄດ້​ຕ້ອນຮັບ ທ່ານ ດິນ​ກາ ອາ​ສ​ທາ​ນາ ເອກ​ອັກ​ຄະ​ລັດ​ຖະ​ທູດ ແຫ່ງ ສາທາລະນະ​ລັດ ອິນ​ເດຍ ປະ​ຈໍາ ສປປ ລາວ ຄົນ​ໃໝ່ ໃນ​ວັນ​ທີ 17 ກັນຍາ​ຜ່ານ​ມາ ທີ່ ສນຊ. ທ່ານ ໄຊ​ສົມ​ພອນ ພົມວິຫານ ໄດ້​ສະແດງ​ຄວາມ​ຍິນ​ດີ​ຕ້ອນຮັບ​ທ່ານ​ເອກ​ອັກ​ຄະ​ລັດ​ຖະ​ທູດ ສາທາລະນະ​ລັດ ອິນ​ເດຍ ປະ​ຈໍາ ສປປ ລາວ ພ້ອມ​ນີ້, ສອງ​ຝ່າຍ​ໄດ້​ປຶກ​ສາ​ຫາລື​ກ່ຽວ​ກັບ​ການ​ສືບຕໍ່​ພົວພັນ​ຮ່ວມ​ມື​ລະຫວ່າງ​ລາວ​-​ອິນ​ເດຍ ໂດຍ​ສະເພາະ​ແມ່ນ​ທາງ​ດ້ານ​ການທ່ອງທ່ຽວ, ການ​ກະ​ສິ​ກໍາ-​ປ່າໄມ້, ທາງ​ດ້ານ​ການ​ສຶກສາ, ສາທາລະນະ​ສຸກ, ການ​ສົ່ງເສີມ​ການ​ຄ້າ​-​ການ​ລົງ​ທຶນ​ຕ່າງໆ ແລະ  ການ​ພັດທະນາ​ຊົນນະບົດ ພ້ອມ​ກັນ​ເສີມ​ສ້າງ​ສາຍ​ພົວພັນ​ມິດຕະພາບ ລະຫວ່າງ ສອງ​ປະເທດ​ລາວ​-​ອິນ​ເດຍ ໃຫ້​ນັບ​ມື້​ດີ​ຂຶ້ນ​ເປັນ​ກ້າວໆ.
(ຂ່າວ​-​ພາບ: ສນຊ)