ຮອງ​ປະ­ທານ ສນຊ ຕ້ອນ­ຮັບ​ການ​ເຂົ້າ​ຢ້ຽມ​ພົບ​ປະ​ຂອງ​ອົງ­ການ​ມູນ​ນິ­ທິ​ໂດ​ງ​ສານ

20.09.2019 8:53     

   ທ່ານ ເຍ່ຍ​ເກີ​ຢາ ໜໍ​ຈໍ​ຈົງ​ຕົວ ຮອງ​ປະທານ ສູນ​ກາງ​ແນວ​ລາວ​ສ້າງ​ຊາດ (ສນຊ ) ໄດ້ຕ້ອນ ຮັບ​ການ​ເຂົ້າ​ຢ້ຽມພົບ​ປະ​ຂອງ ທ່ານ ຄິມ ຈອງ ນາມ ອົງການ ​ມູນ​ນິທິ​ໂດ​ງ​ສານ .ເກົາຫຼີ   ພ້ອມ​ດ້ວຍ​ຄະນະ ເມື່ອ​ວັນ​ທີ 12 ກັນຍາ​ຜ່ານ​ມາ ທີ່ ສນຊ ໃນ​ ໂອກາດ​ທີ່​ມາ​ເຄື່ອນ​ໄຫວຢ້ຽມ ຢາມ ແລະ ເຮັດ​ວຽກ ຢູ່ ສປປ ລາວ .

   ທ່ານຮອງ​ປະທານ ສນຊ ໄດ້​ສະແດງ​ຄວາມ​ຍິນດີ​ຕ້ອນຮັບ ແລະ ຕີ​ລາ​​ຄາ​ສູງ ຕໍ່​ການ​ພົວພັນ​ຮ່ວມ​ມື​ຂອງ​ສອງ​ຝ່າຍ . ເວົ້າ​ລວມ ເວົ້າ​ສະເພາະ​ກໍຄື​ສູນກາງແນວ​ລາວ​ສ້າງ​ຊາດ ແລະ ອົງການມູນ ນິທິ​ໂດ​ງ​ສານທີ່ໃຫ້ການ​ຊ່ວຍ ເຫຼືອ​ ໃນ​ໄລຍະທີ່​ຜ່ານ​ມາ​ເປັນ ຕົ້ນ​ແມ່ນຢາ​ປົວ​ພະຍາດ ແລະ ອຸປະກອນ​ການ​ແພດ​ໃຫ້​ແກ່ ສນຊ ເພື່ອ​ນຳໄປ​ມອບ​ໃຫ້​ບັນ ດາ​ໂຮງໝໍ​ສູນ​ກາງ,  ໂຮງໝໍ ແຂວງ ແລະ ໂຮງໝໍ​ເມືອງຈຳ ນວນ ໜຶ່ງ ໃນ​ນີ້ທັງ​ສອງ​ຝ່າຍຍັງ​ ໄດ້​ປຶກສາ​ຫາລື​ກ່ຽວ​ກັບ​ການ​ສ້າງຕັ້ງ​ສູນ​ຊ່ວຍເຫຼືອ​ອຸປະກອນ​ການ​ແພດ, ຫ້ອງການ ແລະ ສາງ​ເກັບ​ເຄື່ອງ ປະຈຳ ຢູ່ ສປປ ລາວ; ການ​ສ້າງຕັ້ງ​ໂຮງງານ​ຜະລິດ​ຢາ ແລະ ສ້າງຕັ້ງ​ບໍລິສັດບໍລິການ​ຄວາມ​ສະອາດ​ໃຊ້​ຄວັນ​ຢາ​ຂ້າ​ຍຸງ .

   ໃນ​ຕອນ​ທ້າຍ ທ່ານ ຄິມ ຈອງ ນາມ   ອົງການ​ມູນ​ນິທິໂດງ ​ສານ ໄດ້​ສະແດງ​ຄວາມ​ຂອບ ໃຈ​ຕໍ່ທ່ານ ເຍ່ຍ​ເກີ​ຢາ ໜໍ​ຈໍ​ຈົງ​ຕົວ ທີ່​ເສຍສະຫຼະ​ເວລາໃຫ້ ການ​ ຕ້ອນຮັບ​ຢ່າງ​ອົບ​ອຸ່ນ  ພ້ອມ ​ທັງໄດ້​ແຈ້ງ​ສະພາບ​ຂອງການ ເຄື່ອນໄຫວ​ເຮັດ​ວຽກ ຢູ່ ສປປ ລາວ ໃນ​ຄັ້ງ​ນີ້ ພ້ອມ​ດຽວ​ກັນນີ້   ຄະນະຍັງ​ໄດ້​ໄປ​ຢ້ຽມຢາມແຂວງ ສາລະ​ວັນ ເພື່ອປຶກສາ​ກ່ຽວ​ກັບ​ການ​ຊ່ວຍເຫຼືອ​ປະຊາຊົນ​ຜູ້​ທີ່​ປະສົບ​ເຄາະ​ຮ້າຍ​ຈາກ​ໄພພິບັດ​ນ້ຳ​ຖ້ວມ ແລະ ການ​ເຈາະ​ນ້ຳ​ບາ​ດານ​ຕື່ມ​ອີກ . ຂ່າວ​ - ​ພາບ : ສນຊ