ກຸ່ມ​ບໍ­ລິ­ສັດ​ລົງ­ທຶນ ແລະ ກໍ່­ສ້າງ ແຂວງ​ຢູນ​ນານ ມອບ​ເງິນ​ຊ່ວຍ­ເຫຼືອຜູ້​ປະ­ສົບ​ໄພ​ນ້ຳ​ຖ້ວມ

23.09.2019 8:51     

   ທ່ານ ເພັດ  ​ພົມ​ພິພັກ ລັດ ຖະມົນຕີ ຫົວໜ້າຫ້ອງວ່າການ​ ສຳນັກງານ​ນາຍົກລັດຖະມົນຕີ ໄດ້​ຕາງໜ້າ​ລັດຖະບານຮັບ​ເງິນ​ຊ່ວຍເຫຼືອ​ຜູ້​ປະສົບໄພນໍ້າ​ຖ້ວມຈາກ​ກຸ່ມ​ບໍລິສັດ​ລົງທຶນ ແລະ ກໍ່ສ້າງ​ແຂວງ​ຢູນ​ນານ​ຫຸ້ນ​ສ່ວນ​ຈຳກັດ ທີ່​ໄດ້​ຈາກການ ປະກອບສ່ວນ​ຊ່ວຍເຫຼືອ​ຂອງ​ ບັນດາ​ບໍລິສັດ ແລະ ພະນັກ ງານຢູ່​ເຂດ​ພັດທະນາ​ກວມ​ລວມ​ໄຊ​ເສດ​ຖາ ຈຳນວນ 103 ລ້ານ​ກວ່າ​ກີບ ຊຶ່ງ​ແມ່ນ​ທ່ານ ຫຼິວ ຫູ້ ຕາງໜ້າ​ໃຫ້​ກຸ່ມ​ບໍລິສັດ​ດັ່ງກ່າວ ເປັນ​ຜູ້​ມອບ.

   ພິທີ​ມອບ​-​ຮັບ​ເງິນ​ຊ່ວຍ ເຫຼືອ​ດັ່ງກ່າວໄດ້​ຈັດ​ຂຶ້ນ​ໃນ​ວັນ​ທີ 20 ກັນຍາ​ທີ່ຫ້ອງ​ວ່າ​ການ​ສໍາ​ນັກ​ງານ​ນາຍົກລັດຖະມົນຕີ ໂດຍ​ມີ​ພະນັກງານ​ທີ່​ກ່ຽວຂ້ອງ ທັງ​ສອງ​ຝ່າຍ​ເຂົ້າ​ຮ່ວມ.

   ໃນ​ໂອກາດ​ນີ້, ທ່ານ ເພັດ ພົມ​ພິ​ພັກ  ໄດ້​ກ່າວ​ສະແດງ​ຄວາມ​ຂອບໃຈ ແລະ ຊົມເຊີຍ​ຕໍ່ກຸ່ມ ​ບໍລິສັດ​ລົງທຶນ ແລະ ກໍ່ສ້າງແຂວງ​ ຢູນ​ນານຫຸ້ນ​ສ່ວນ​ຈຳກັດ ທີ່​ໄດ້​ນຳ​ເອົາ​ເງິນ​ມາ​ມອບ ເພື່ອ​ຊ່ວຍເຫຼືອຜູ້​ປະສົບ​ໄພ​ນໍ້າ​ຖ້ວມ​ໃນ​ຄັ້ງ​ນີ້, ເງິນ​ຊ່ວຍເຫຼືອດັ່ງກ່າວແມ່ນ​ຈະໄດ້ນໍາ​ໄປ​ມອບໃຫ້ກະຊວງ​ແຮງ​ງານ ແລະ ສະຫວັດດີ​ການ​ສັງຄົມ ເພື່ອ​ນຳໄປ​ຊ່ວຍເຫຼືອ​ບັນເທົາ​ທຸກໃຫ້​ແກ່​ຜູ້​ປະສົບ​ໄພ​ນໍ້າ​ຖ້ວມ ຊຶ່ງ​ການ​ຊ່ວຍເຫຼືອ​ດັ່ງ ກ່າວຈະ​ເປັນ​ກຳລັງ​ໃຈ​ໃຫ້ແກ່​ ປະຊາຊົນ ແລະ ປະກອບສ່ວນ ​ເຮັດ​ໃຫ້ການ​ແກ້​ໄຂ​ໄພພິບັດກໍ​ຄື​ຜົນ​ກະທົບ​ຕໍ່​ຊີວິດ​ການ​ເປັນ​ຢູ່​ຂອງ​ຜູ້​ປະສົບ​ໄພ​ນໍ້າ​ຖ້ວມຢູ່​ທ້ອງຖິ່ນ​ຕ່າງໆສາມາດ​ຜ່ານ​ພົ້ນ​ຄວາມ​ຫຍຸ້ງຍາກ ແລະ ກັບ​ຄືນ​ສູ່​ສະພາບ​ປົກກະຕິ​ ໂດຍ​ໄວ. (ຂ່າວ: ຫສນຍ, ພາບ: ສຸກ​ສະຫວັນ)