ສະ­ມາ­ຄົມ​ນັກ­ທຸ­ລະ­ກິດ ສ.ເກົາ­ຫຼີ ມອບ​ເງິນຊ່ວຍ­ເຫຼືອ​ຜູ້​ປະ­ສົບ​ໄພ­ພິ­ບັດ​ນ້ຳ​ຖ້ວມ

25.09.2019 8:59     

   ສະມາຄົມນັກທຸລະະກິດ ສ. ເກົາຫຼີ ປະຈຳລາວໄດ້ນຳເອົາ ເງິນຈຳນວນ 10 ລ້ານກີບ ມາມອບ ໃຫ້ແກ່ສູນກາງແນວລາວສ້າງ ຊາດ (ສນຊ) ເພື່ອປະກອບສ່ວນ ໃນການຊ່ວຍເຫຼືອປະຊາຊົນທີ່ ຖືກຜົນກະທົບໄພພິບັດນໍ້າຖ້ວມ ຢູ່ທາງພາກໃຕ້ ຂອງ ສປປ ລາວ.

   ພິທີມອບ - ຮັບເງິນ ຈຳ ນວນດັ່ງກ່າວໄດ້ຈັດຂຶ້ນເມື່ອ ວັນທີ 24 ກັນຍານີ້ທີ່ສູນກາງ ແນວລາວສ້າງຊາດ ໂດຍທ່ານ ໂກຍຸນໂຮ ປະທານສະມາຄົມ ນັກທຸລະກິດ ສ.ເກົາຫຼີ ປະຈຳ ສປປ ລາວ ເປັນຜູ້ກ່າວມອບ ແລະ ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວ ສ້າງຊາດເປັນຜູ້ກ່າວຮັບ ຊຶ່ງມີ ພາກສ່ວນທີ່ກ່ຽວຂ້ອງເຂົ້າຮ່ວມ.

   ໃນໂອກາດດັ່ງກ່າວທ່ານ ເຍ່ຍເກີ ຢາໜໍຈໍຈົ້ງຕົວ ໄດ້ກ່າວ ລາຍງານໃຫ້ຮູ້ວ່າ: ຜ່ານມາກໍໄດ້ ມີຫຼາຍພາກສ່ວນໄດ້ນຳເອົາ ເງິນແລະວັດຖຸມາມອບໃຫ້ແກ່ ແນວລາວສ້າງຊາດ ເພື່ອໄປ ຊ່ວຍປະຊາຊົນຜູ້ປະສົບໄພພິ ບັດນໍ້າຖ້ວມຢູທາງພາກໃຕ້ຂອງ ລາງ, ໃນໂອກາດນີ້ສະແດງ ຄວາມຂອບໃຈຕໍ່ສະມາຄົມນັກ ທຸລະກິດ ສ.ເກົາຫຼີ ປະຈຳລາວ ທີ່ໄດ້ນຳເອົາເງິນ ຈຳນວນ 10 ລ້ານ ມາມອບໃຫ້ແກ່ສູນກາງ ແນວລາວສ້າງຊາດໃນຄັ້ງນີ້ກໍຈະ ໄດ້ນຳເອົາໄປຊ່ວຍປະຊາຊົນທີ່ ໄດ້ຮັບຜົນກະທົບຈາກໄພພິບັດດັ່ງກ່າວຢູ່ພາກໃຕ້ຂອງລາວທີ່ກຳລັງ ຕ້ອງການຄວາມຊ່ວຍເຫຼືອ.
(ຂ່າວ:ສຳນານ)