ລາວ-ຈີນ ຮ່ວມເປີດຫ້ອງຮຽນຂົງຈືທາງວິທະຍຸ

25.09.2019 10:33     

   ວິທະຍຸ​ກະຈາຍສຽງ​ແຫ່ງ​ຊາດ​ລາວ (ວສລ) ຮ່ວມ​ກັບວິທະຍຸ​ ສາກົນ ແຫ່ງ ສປ ​ຈີນ ໄດ້​ຈັດ​ພິທີ ເປີດ​ຫ້ອງ​ຮຽນ​ຂົງ​ຈື​ທາງວິທະຍຸ ປະຈຳ​ສົກ​ປີ 2019-2020 ແລະ ສະເຫຼີມສະຫຼອງວັນ​ສ້າງຕັ້ງ ສະ​ຖາ​ບັນ​ຂົງ​ຈື ຈີນ ຮ້້້ານ​ປ້ານ (HANBAN) ຂຶ້ນ​ໃນ​ວັນ​ທີ 23 ກັນຍາຜ່ານ​ມາ ທີ່ ວສລ ໂດຍ ມີທ່ານ ໂພ​ສີ ແກ້ວ​ມະນີວົງ ຜູ້ ອຳນວຍການ​ໃຫຍ່​ວິທະຍຸ​ກະ ຈາຍສຽງ​ແຫ່ງ​ຊາດ​ລາວ ທັງເປັນ​ ຜູ້ອຳນວຍການ​ໂຮງຮຽນ​ຂົງຈື​ ຝ່າຍ​ລາວ, ທ່ານ ສິນ ເສິນ ທີ່​ປຶກ ສາ​ສະຖານທູດ​ຈີນ ປະຈຳ ສປປ ລາວ, ທ່ານນາງ ສຸດທິ​ດາ ຫົວ ໜ້າ​ຫ້ອງການ​ຜູ້ຕາງໜ້າວິທະຍຸ​ສາກົນ​ແຫ່ງ​ປະເທດ​ຈີນ ປະຈຳ​ລາວ ເຂົ້າ​ຮ່ວມ.

   ທ່ານ ໂພ​ສີ ແກ້ວ​ມະນີວົງ ກ່າວ​ວ່າ: ການ​ຈັດ​ພິທີ​ເປີດ​ຫ້ອງ​ ຮຽນ​ຂົງ​ຈື​ທາງ​ວິທະຍຸ​ຄັ້ງ​ນີ້​ເປັນ​ການຮ່ວມ​ມື​ກັນ​ລະຫວ່າງວິທະ ຍຸ​ກະຈາຍສຽງ​ແຫ່ງ​ຊາດ​ລາວ ແລະ ວິທະຍຸ​ສາກົນ​ແຫ່ງ​ປະ ເທດ​ຈີນ ໂດຍ​ການຕົກລົງ​ເຫັນ​ດີ​ຈາກ​ສະ​ຖາ​ບັນ​ຂົງ​ຈື ຈີນ ຮ້້້ານ​ ປ້ານ (HANBAN) ແລະ ລັດ ຖະບານ​ ແຫ່ງ ສປປ ລາວ ກໍ​ຄື​ ກະຊວງ​ຖະແຫຼງ​ຂ່າວ, ວັດທະ ນະທຳ ແລະ ທ່ອງ​ທ່ຽວ (ຖວທ) ໄດ້​ເຊັນ​ສັນຍາ​ຮ່ວມ​ມື​ກັນ ໃນ​ວັນ​ທີ 22 ກັນຍາ 2016. ການ​ສອນ​ພາສາ​ຈີນ​ຂອງ​ຫ້ອງ​ຮຽນ​ພາສາ​ຈີນ ຂົງ​ຈື​ທາງ​ວິທະຍຸ ໄດ້​ດໍາ​ເນີນ​ມາ​ຫຼາຍ​ຊຸດ​ມີ​ນັກຮຽນ​ເຂົ້າ​ຮ່ວມ​ທັງ​ໝົດ 150 ຄົນ, ແລະ ໃນ​ປີ​ນີ້​ ພວກ​ເຮົາ​ຈະ​ສືບຕໍ່​ ສອນ​ໃຫ້​ມີ​ຫຼາຍ​ຮູບຫຼາຍ​ແບບມີ​ ທັງການ​ສອນ​ໃນ​ຫ້ອງ​ຮຽນ, ມີ​ທັງ​ກິດ​ຈະ​ກໍາ​ທີ່​ສະແດງ​ເຖິງ​ຮີດ ຄອງ​ປະເພນີ ແລະ ວັດ​ທະ​ນະ​ທໍາ​ຂອງ​ທັງ​ສອງປະເທດ ພິເສດ​ເທື່ອ​ນີ້​ໄດ້​ມີ​ອາຈານ​ສອນ​ພາສາ​ຈີນ​ທີ່​ມີ​ຄວາມ​ຊໍາ​ນານ​ດ້ານການ​ ສິດສອນ​ມາ​ຊ່ວຍ​ຕື່ມ​ອີກ.

   ພ້ອມ​ນີ້, ທ່ານ ນາງ ເຈີນ ເວີນ ເຈີງ ຜູ້ຕາງໜ້າ​ຫ້ອງຮຽນ​ ຂົງ​ຈື​ທາງ​ວິທະຍຸ ປະຈຳລາວ ກ່າວ​ວ່າ: ຫ້ອງ​ຮຽນ​ຂົງ​ຈື​ທາງ​ວິ ທະຍຸປະຈຳ​ວິທະຍຸ​ກະຈາຍສຽງ​ແຫ່ງ​ຊາດ​ລາວແມ່ນ​ຫ້ອງ​ຮຽນ​ຂົງ​ຈື​ແຫ່ງ​ທຳອິດທີ່​ສື່​ມວນ​ຊົນ​ຫຼັກ​ຂອງ​ຈີນ ແລະ ຕ່າງປະເທດ ຮ່ວມ​ມື​ກັນ​ສ້າງ​ຂຶ້ນ ໂດຍ​ມີ​ຈຸດ ປະສົງ ເພື່ອ​ຍົກ​ສູງ​ຄວາມ​ຮູ້​-​ຄວາມ​ສາມາດ​ໃຫ້​ພະນັກງານວິ ທະຍຸ​ກະຈາຍສຽງ​ ໃນ​ການໃຊ້ ພາສາ​ຈີນ​ໃຫ້​ນັບ​ມື້​ດີ​ຂຶ້ນ ເພື່ອ​ເປັນ​ການ​ເພີ່ມທະວີການແລກ ປ່ຽນ ແລະ ຮ່ວມ​ມື​ກັນລະຫວ່າງ​ຂົງເຂດສື່​ມວນ​ຊົນລາວ-​ຈີນ ພ້ອມ​ທັງ​ເປັນ​ການສະໜັບສະ ​ໜູນ ແລະ ຊ່ວຍ​ວິທະຍຸກະຈາຍ ສຽງແຫ່ງຊາດລາວຈັດ​ລາຍການ ​ພາສາ​ຈີນ, ດຳເນີນ​ການ​ສອນ​ພາສາ​ຈີນ ແລະ ກິດຈະກຳ​ແລກ ປ່ຽນ​ວັດທະນະທຳ ເພື່ອ​ເພີ່ມ​ຄວາມ​ເຂົ້າໃຈຊຶ່ງ​ກັນ ແລະ ກັນ ເພື່ອ​ຮັດ​ແໜ້ນ​ຄວາມສາມັກຄີ​ຮັກແພງ​ມິດຕະພາບ ​ລະຫວ່າງ​ປະຊາຊົນ​ສອງ​ຊາດ ​ລາວ​-​ຈີນ.
(ຂ່າວ​-​ພາບ: ພູ​ວັນ)