ພະ​ແນ​ກ​ສາ­ທາ­ລະ­ນະ​ສຸກ​ສອງ​ແຂວງສະ­ຫວັນ​ນະ​ເຂດ​-​ກວາງ​ຈິ ສືບ­ຕໍ່​ຮ່ວມ​ມື​ກັນ​ຫຼາຍ​ດ້ານ

26.09.2019 8:41     

   ການ​ພົບ​ປະ­ລະ​ຫວ່າງ​ຄະ­ນະ​ຜູ້​ແທນ​ຂັ້ນ​ສູງ​ຂອງ​ພະ​ແນກ ​ສາ­ທາ­ລະ­ນະ​ສຸກ ແຂວງສະຫວັນນະ​ເຂດ (ສປປ​ ລາວ) ແລະ ແຂວງ​ກວາງ​ຈິ (ສສ ​ຫວຽດ­ນາມ) ໄດ້​ຈັດ​ຂຶ້ນ​ໃນ​ວັນ​ທີ 19 ກັນຍາ​ຜ່ານ​ມາ ທີ່​ແຂວງສະຫວັນນະ​ເຂດ ຊຶ່ງ​ແຂວງສະຫວັນ​ນະເຂດ​ ນໍາ​ໂດຍ​ທ່ານ ບົງ​ສຸ­ວັນ ພັນ­ທະ​ວົງ­ສາ ຫົວ­ໜ້າ​ພະ​ແນ​ກ​ສາ­ທາ ­ລະ­ນະ​ສຸກ​ແຂວງ ພ້ອມ​ຄະ­ນະ ແລະ ຝ່າຍ​ແຂວງ​ກວາງ​ຈິ ນຳ ໂດຍ​ທ່ານ ໄມ​ນຳ ຮອງ​ຫົວ­ໜ້າ​ພະ​ແນກສາ​ທາ​ລະ​ນະ​ສຸກ​ແຂວງ ພ້ອມ​ຄະ­ນະເຂົ້າ​ຮ່ວມ.

   ກອງ​ປະ­ຊຸມ​ຄັ້ງ​ນີ້, ພະ​ແນ​ກ​ສາ­ທາ­ລະ­ນະ​ສຸກ​ທັງ 2 ແຂວງ, ໄດ້​ຜັດ­ປ່ຽນ​ກັນ​ລາຍ​ງານ​ການ ­ຈັດ­ຕັ້ງ​ປະ­ຕິ­ບັດການເຄື່ອນ ­ໄຫວ​ວຽກ​ງານ​ສາ­ທາລະ­ນະສຸກ ປະ­ຈຳ​ປີ 2018 ແລະ 7 ເດືອນ ຂອງ​ ປີ 2019 ໂດຍສະ­ເພາະ​ພະ­ຍາດ​ຕິດ­ຕໍ່ ແລະ ການຄວບ ຄຸມ, ຕີ​ລາ­ຄາ​ການຈັດ­ຕັ້ງ​ປະຕິ­ ບັດບົດ​ບັນ­ທຶກ​ຊ່ວຍຈຳ​ຂອງ​ສອງ​ຝ່າຍຈາກ​ນັ້ນ, ໃນ​ກອງ​ປະຊຸມກໍຍັງ​ໄດ້​ມີ​ການສືບ­ຕໍ່ ຮ່ວມ​ມື ​ເປັນຕົ້ນການ​ແລກປ່ຽນ​ຂໍ້​ມູນ​ຂ່າວສານ, ການ​ເຝົ້າ​ລະ ວັງ​ທາງດ້ານ​ລະ­ບາດ​ວິ­ທະຍາ ​ຕາມ​ຂອບ​ວຽກ​ຂອງ​ໂຄງ­ການ NBDS ໃນ​ຈຳນວນ 18 ພະ ຍາດ, ໃຫ້ມີ ການ​ແລກ­ປ່ຽນ​ຕາມ​ປົກກະຕິ, ສອງ​ຝ່າຍ​ຕົກ­ລົງເຫັນ​ດີ​ສືບຕໍ່​ ການຮັບ​-​ສົ່ງ​ຄົນ​ເຈັບ​ຈາກ​ແຂວງ​ ສະ­ຫວັນ​ນະ​ເຂດ​ໄປ​ຫາ​ແຂວງ​ກວາງ​ຈິ, ສືບຕໍ່ກອງປະ ຊຸມ​ວິ­ຊາ​ການ​ປະ­ຈຳ​ໄຕ​ມາດລະ­ ຫວ່າງ 3 ເມືອງ​ຄື: ເມືອງ​ເຊ​ໂປນ, ເມືອງ​ນອງຂອງ​ແຂວງ ສະ­ຫວັນ​ນະ​ເຂດ ແລະ ເມືອງ​ເຮືອງ​ຮວາ ແຂວງ​ກວາງຈິ ໂດຍ​ຜັດ­ປ່ຽນ​ ກັນ​ເປັນ​ເຈົ້າພາບ, ສືບຕໍ່​ໃຫ້ ໂຮງ­ໝໍ​ທັງ​ສອງ​ແຂວງມີ​ການ​ຮ່ວມ​ມື​ແລກ­ປ່ຽນ​ບົດຮຽນ ​ດ້ານ​ວິ­ຊາ​ການ, ສອງຝ່າຍເຫັນດີ​ຊ່ວຍເຫຼືອ ​ໃນ​ການ​ປ້ອງກັນພະ ຍາດໄຂ້​ມາ​ເລ​ເລຍ ແລະ ພະຍາ ດຕິດ­ຕໍ່​ອື່ນໆ ໃນກຸ່ມແຮງງານ ​ເຄື່ອນ​ຍ້າຍ ແລະ ວຽກ​ງານອື່ນໆ.

   ຈາກ​ນັ້ນ, ທັງ​ສອງ​ຝ່າຍ​ກໍ ໄດ້​ເຊັນ​ບົດ​ບັນ­ທຶກ​ຊ່ວຍ​ຈຳ ຊຶ່ງ​ຝ່າຍ​ແຂວງ​ສະ­ຫວັນ​ນະ​ເຂດ ນຳ​ໂດຍ​ທ່ານ ຕຽງ​ຄຳ ປ້ອງ​ວົງ­ສາ ຮອງ​ຫົວ­ໜ້າ​ພະ​ແນ​ກ​ສາ­ທາລະ­ ນະ​ສຸກ​ແຂວງ ແລະ ຝ່າຍ​ແຂວງ ກວາງ​ຈິ ໂດຍ​ທ່ານ ໄມນຳ ຮອງ​ຫົວ­ໜ້າ​ພະ​ແນ​ກ​ສາ­ທາ­ລະ­ນະ​ສຸກ​ແຂວງ ໂດຍ​ຊ້ອງ​ໜ້າ​ຄະ­ນະ​ຜູ້​ແທນ​ທັງ​ສອງ​ຝ່າຍ.
(ຂ່າວ​-​ພາບ: ແຂວງ​ສະ ­ຫວັນ​ນະ​ເຂດ)