ປະ­ທານ​ປະ­ເທດ ຕ້ອນ­ຮັບ​ປະ­ທານ​ສະ­ພາ​ຫວຽດ­ນາມ

30.09.2019 9:18     

   ທ່ານ ບຸນ​ຍັງ ວໍລະ​ຈິດ ປະທານ​ປະເທດ​ ແຫ່ງ​ ສປປ ລາວ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂາໍ່​ນັບ​ຂອງ​ທ່ານ ນາງ ຫ​ງວຽນ ທິ ກິມ ເງິນ ກໍາ​ມະ​ການ​ກົມ​ການເມືອງ​ສູນ​ກາງ​ພັກ​ກອມ​ມູ​ນິດ​ຫວຽດນາມ ປະທານ​ສະພາ​ແຫ່ງ​ຊາດ ສສ ຫວຽດນາມ ພ້ອມ​ດ້ວຍ​ຄະນະ ໃນ​ວັນ​ທີ 29 ກັນຍາ​ນີ້ ທີ່​ທໍາ​ນຽບ​ປະທານ​ປະ​ເທດ.

   ໃນ​ໂອກາດ​ດັ່ງກ່າວ, ທ່ານ​ປະທານ​ປະເທດ ໄດ້​ສະແດງ​ຄວາມ​ຕ້ອນຮັບ ແລະ ຊົມ​ເຊີຍ​ຕໍ່​ທ່ານປະທານ​ສະພາ​ແຫ່ງ​ຊາດ​ຫວຽດນາມ ພ້ອມ​ດ້ວຍ​ຄະນະ ທີ່​ໄດ້​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ສປປ ລາວ ​ໃນ​ຄັ້ງ​ນີ້, ອັນ​ໄດ້​ນໍາ​ເອົາ​ໄມຕີ​ຈິດ​ມິດຕະພາບ​ອັນ​ດູດດື່ມ, ຄວາມ​ສາມັກຄີ​​ຮັກແພງຖານ​ສະຫາຍ​ອ້າຍ​ນ້ອງ ອັນ​ໃກ້​ຊິດ​ສະ​ນິດ​ສະ​ໝົມມາສູ່ ສປປ ລາວ ເວົ້າ​ລວມ, ເວົ້າ​ສະ ເພາະກໍ​ແມ່ນ​ສອງ​ສະພາ​ແຫ່ງ​ຊາດ​ ລາວ-​ຫວຽດນາມ ຊຶ່ງ​ເປັນ​ການ​ສືບຕໍ່​ປະກອບ​ສ່ວນ​ສໍາ​ຄັນ​ ເຂົ້າ​ໃນ​ການເສີມ​ຂະຫຍາຍມູນ ເຊື້ອ​ອັນດີງາມແຫ່ງ​ສາຍພົວພັນ ມິດຕະພາບ​ອັນ​ຍິ່ງ​ໃຫຍ່, ຄວາມ ​ສາມັກຄີ​ແບບ​ພິເສດ ແລະ ການ​ຮ່ວມ​ມື​ຮອບດ້ານລະ ຫວ່າງ ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດລາວ-ຫວຽດນາມໃຫ້​ ນັບ​ມື້ຂະຫຍາຍຕົວ​ກ້າວ​ສູ່​ລວງ​ເລິກ ແລະ ມີ​ປະສິດ​ທິ​ຜົນ​ຍິ່ງໆ​ຂຶ້ນ ພ້ອມ​ນັ້ນ​ກໍອວຍພອນໃຫ້​ ສາຍ​ພົວພັນ​ມິດຕະພາບ​ ຈົ່ງສືບ ຕໍ່​ໄດ້​ຮັບ​ການ​ເສີມ​ຂະຫຍາຍ ແລະ​ ແຕກ​ດອກ​ອອກ​ຜົນ​ຍິ່ງໆ​ຂຶ້ນ ເພື່ອ​ຜົນ​ປະໂຫຍດ​ຂອງ ປະຊາຊົນ​ທັງ​ສອງ​ຊາດ ລາວ-​ຫວຽດນາມ, ຫວຽດນາມ-​ລາວ.

   ໃນ​ໂອກາດ​ນີ້, ທ່ານປະ ທານ​ສະພາ​ແຫ່ງ​ຊາດ​ຫວຽດ ນາມ ໄດ້​ຕາງໜ້າ​ໃຫ້​ກັບ​ຄະນະ ສະແດງ​ຄວາມ​ຂອບໃຈ​ຕໍ່​ທ່ານ ປະທານ​ປະເທດ ທີ່​ໄດ້​ໃຫ້ການ​ຕ້ອນຮັບ​ອັນ​ອົບ​ອຸ່ນ ແລະ ໄດ້​ແຈ້ງ​ຈຸດປະສົງ​ຂອງ​ການ​ມາ​ຢ້ຽມ​ຢາມ​ລາວຄັ້ງ​ນີ້​ໃຫ້​ກັບ​ປະ ທານ​ປະເທດໄດ້​ຮັບ​ຊາບ.
(ຂ່າວ-ພາບ: ແສງ​ຈັນ)