ງານ​ລ້ຽງ​ສະ­ເຫຼີມ­ສະ­ຫຼອງ​ວັນ­ຊາດ ສປ ຈີນ ຄົບ­ຮອບ 70 ປີ

30.09.2019 9:20     

    ສະ​ຖານ​ທູດ​ຈີນ ປະ​ຈຳ ສ​ປ​ປ ລາວ ​ໄດ້​ຈັດງານ​ລ້ຽງ​ສະເຫຼີມສະຫຼອງ​ວັນຊາດແຫ່ງ ສ​ປ ຈີນ ຄົບຮອບ 70 ປີ (1/10/ 1949-1/10/2019) ຂຶ້ນໃນ​ວັນ​ທີ 27 ກັນຍານີ້ ໂດຍ​ມີທ່ານນາງ​ ປານີ ຢາ​ທໍ່​ຕູ້ ປະທານ​ສະພາ​ ແຫ່ງຊາດ ພ້ອມດ້ວຍ​ບັນດາ ການນໍາ​ພັກ​-ລັດ ແລະ ແຂກ​ຖືກ​ເຊີນເຂົ້າ​ຮ່ວມ.

    ທ່ານ ຈຽງ​ຈ້າຍ​ຕົງ ເອກອັກ​ ຄະ​ລັດ​ຖະ​ທູດ​ ແຫ່ງ ສ​ປ ຈີນ ປະຈຳ​ລາວ ໄດ້​ກ່າວ​ໃນ​ພິ​ທີວ່າ: ຕະຫຼອດ​ໄລຍະ 70 ປີຜ່ານມາ, ພາຍ​ໃຕ້​ການ​ຊີ້​ນໍາໆ​ພາ​ທີ່ເຂັ້ມ ແຂງ​ຂອງ​ພັກ​ກອມ​ມູ​ນິດ​ຈີນ, ປະຊາຊົນ​ຈີນ​ໄດ້​ບັນລຸ​ຄວາມ ກ້າວໜ້າ​ທີ່​ຍິ່ງ​ໃຫຍ່ ໂດຍ​ສະ ເພາະ ນັບ​ແຕ່​ກອງ​ປະຊຸມ​ໃຫຍ່​ຄັ້ງ​ທີ XVIII ຂອງ​ພັກ​ກອມ​ມູ​ນິດ​ຈີນ,

    ຄະ​ນະ​ກໍາ​ມະ​ການ​ສູນ​ກາງ​ພັກ​ເລືອກ​ເອົາ ສະຫາຍ ສີ ຈິ້ນ​ຜິງ ເປັນ​ແກນ​ນໍາ, ໄດ້​ສາມັກຄີ ແລະ ​ນໍາ​ພາ​ປະຊາຊົນ​ຈີນ​ບັນດາເຜົ່າ​ໃນ​ທົ່ວ​ປະເທດ ຜ່ານ​ຜ່າ​ຄວາມ​ຫຍຸ້ງ​ຍາກ ແລະ ໄດ້​ຫຼຸດ​ພົ້ນ​ອອກ​ຈາກ​ປະເທດ​ທຸກຍາກ ມາ​ເປັນ​ອົງ​ປະກອບ​ເສດຖະກິດ​ໃຫຍ່ ອັນ​ດັບ​ສອງ​ຂອງ​ໂລກ; ລວມ​ຍອດ​ຜະລິດ​ຕະ​ພັນ​ພາຍ​ໃນ ໃນ 3 ປີ​ໃກ້ໆ​ນີ້ ບັນລຸ​ຢ່າງ​ຕໍ່​ເນື່ອງ 70 ພັນ​ຕື້, 80 ພັນ​ຕື້ ແລະ 90 ພັນ​ຕື້​ຢວນ.

    ທ່ານ​ທູດ​ກ່າວ​ຕື່ມ​ວ່າ: ການ​ພົວພັນ​ຮ່ວມ​ມື​ໄມຕີ​ຈິດ​ມິດ ຕະພາບ​ຖານ​ບ້ານ​ໃກ້​ເຮືອນ​ຄຽງ ລະຫວ່າງ​ຈີນ-​ລາວ ໄດ້ກ້າວ ໜ້າ​ຢ່າງຮອບດ້ານ ໂດຍ​ສະ ເພາະໃນ​ເດືອນ​ເມສາ​ປີ​ນີ້, ສະ ຫາຍ ສີ​ ຈິ້ນ​ຜິງ ເລຂາທິການ​ໃຫຍ່​ປະທານ​ປະເທດ​ ແຫ່ງ​ ສປ ຈີນ ແລະ ສະຫາຍ ບຸນ​ຍັງ ວໍລະຈິດ ເລຂາທິການ​ໃຫຍ່ ປະທານປະ ເທດ ​ແຫ່ງ ສປປ ລາວ ໄດ້​ລົງ ​ນາມ​ແຜນ​ແມ່​ບົດວ່າ​ດ້ວຍການ ​ສ້າງ​ຄູ່​ຮ່ວມຊາ​ຕາ​ກໍາ ຈີນ​-ລາວ ຊຶ່ງ​ຊຸກຍູ້​ການ​ພົວພັນຮ່ວມຍຸດ ທະສາດ​ຮອບດ້ານລະຫວ່າງ ຈີນ​-ລາວ ກ້າວ​ເຂົ້າ​ສູ່​ຍຸກ​ໃໝ່. ທ່ານ​ທູດ​ກ່າວ​ຕື່ມວ່າ: ພວກ​ຂ້າ ພະເຈົ້າ​ຍິນດີ​ຮ່ວມ​ກັບຝ່າຍລາວ ໃນ​ການຈັດຕັ້ງ​ປະຕິບັດ​ຢ່າງ​ ເຕັມ​ສ່ວນ, ຮັກສາ​ການ​ແລກ ປ່ຽນ​ທາງ​ຍຸດທະສາດ ແລະ ຮັດ ​ແໜ້ນ​ພື້ນຖານ​ການເມືອງຂອງ ​ຄູ່​ຮ່ວມ​ຊາ​ຕາ​ກໍາ; ພວກ​ຂ້າພະ ເຈົ້າ​ຍິນດີ​ຮ່ວມ​ກັບ​ຝ່າຍ​ລາວສົ່ງ ເສີມ​ຂໍ້​ລິ​ເລີ່ມ "ໜຶ່ງ​ແລວ ໜຶ່ງ​ ເສັ້ນທາງ" ເຊື່ອມ​ໂຍງກັບຍຸດທະ ສາດ "ຫັນ​ປະເທດ​ບໍ່ມີ​ຊາຍ ​ແດນຕິດ​ທະເລ ເປັນ​ປະເທດ​ເຊື່ອມ​ຕໍ່" ແລະ ກໍ່ສ້າງ​ເສັ້ນທາງ​ລົດໄຟ ລາວ​-ຈີນ ແລະ​ ແລວ​ເສດຖະກິດ ລາວ​-ຈີນ. ພວກ​ຂ້າ ພະເຈົ້າ​ຍິນດີ​ຮ່ວມ​ກັບ​ຝ່າຍ​ລາວ ລົງ​ເລິກ ຄວາມ​ເຂົ້າໃຈ​ຂອງ​ປະ ຊາຊົນ​ສອງ​ຊາດ ແລະ ຈັດ​ຕັ້ງ​ປະຕິບັດ​ປີ​ທ່ອງ​ທ່ຽວ ລາວ​-ຈີນ ແລະ ໂຄງການ​ກ່ຽວ​ກັບຊີວິດ​ການ​ເປັນ​ຢູ່ຂອງ​ປະຊາຊົນ​ໃຫ້​ມີ​ຜົນ​ສໍາ​ເລັດ ແລະ​ ຍິນດີ​ຮ່ວມ​ກັບ​ຝ່າຍ​ລາວ ເພີ່ມ​ທະວີ​ການ​ຮ່ວມ​ມື ໃນ​ຂົງເຂດປ້ອງ​ກັນຊາດ ແລະ ປະຕິບັດ​ກົດໝາຍ, ຮັດ​ແໜ້ນ​ພື້ນຖານ​ຄວາມ​ປອດໄພ​ຂອງ​ຄູ່​ຮ່ວມ​ຊາ​ຕາ​ກໍາ. ມີ​ຄວາມ​ຍິນດີ​ຮ່ວມ​ກັບ​ຝ່າຍ​ລາວ​ປະສານ​ງານ​ຢ່າງ​ໃກ້ຊິດ ໃນວຽກ​ງານ​ພາກ ພື້ນ​ສາກົນ, ຮ່ວມ​ກັນ​ປົກ​ປັກ ຮັກສາລັດທິ​ຫຼາຍ​ຝ່າຍ ແລະ ຄວາມຍຸ​ຕິ​ທໍາ​ຂອງ​ສາກົນ ເພື່ອ​ປະກອບສ່ວນ​ຢ່າງ​ຫຼວງຫຼາຍ​ເຂົ້າ​ໃນ​ການ​ສົ່ງເສີມ​ການ​ກໍ່ສ້າງ​ຄູ່​ຮ່ວມຊາ​ຕາ​ກໍາມວນ​ມະ​ນຸດ.
(ຂ່າວ-ພາບ: ແສງ​ຈັນ)