ສຳ­ເລັດ​ການ​ປັບ­ປຸງ ສູນ​ພາ­ສາ​ຍີ່­ປຸ່ນ ມສ ໜອງ​ບອນ

30.09.2019 9:26     

   ໂດຍ​ໄດ້​ຮັບ​ການ​ສະໜັບ ສະໜູນ​ ແລະ​ ກໍ່ສ້າງ​ຄືນ ພາຍ​ໃຕ້​ໂຄງການ​ຊ່ວຍເຫຼືອດ້ານວັດ ​ທະ​ນະ​ທໍາ​ຂັ້ນ​ຮາກຖານຈາກ​ລັດຖະບານ​ ແລະ​ ປະຊາຊົນ​ຍີ່ ປຸ່ນ (CGP) ໃນ​ວັນ​ທີ 26 ກັນຍານີ້​ໄດ້​ມີ​ພິທີມອບ​-​ຮັບ​ສູນ​ພາສາ​ຍີ່ປຸ່ນໃຫ້​ໂຮງຮຽນ​ມັດທະຍົມ​ສົມບູນ​ໜອງ​ບອນ ເມືອງ​ໄຊ​ເສດ​ຖາ ນະຄອນຫຼວງ​ວຽງ​ຈັນ.

   ເຂົ້າ​ຮ່ວມ​ພິທີມີ ທ່ານ ບົວ ​ລານ ສີ​ລິ​ປັນຍາ ຮອງ​ລັດຖະ ມົນຕີກະຊວງ​ສຶກສາ​ທິ​ການ ແລະ ກິລາ, ທ່ານ ເຄ​ໂຊ ທາ​ເກ​ວະ​ກະ ເອກ​ອັກ​ຄະ​ຣາ​ຊະ​ທູດ​ວິສາມັນ​ຜູ້​ມີ​ອໍາ​ນາດ​ເຕັມ ​ແຫ່ງ​ຍີ່ປຸ່ນ ປະ​ຈໍາ​ລາວ, ຜູ້​ອໍາ​ນວຍ​ການ​ໂຮງຮຽນ ພ້ອມ​ດ້ວຍ​ແຂກ​ຖືກ​ເຊີນ.

   ຈຸດປະສົງ​ຂອງ​ໂຄງການ ແມ່ນ​ເພື່ອ​ປັບປຸງ​ສະພາບ​ແວດ​ລ້ອມ​ການ​ສຶກສາ ໂດຍ​ການ​ສ້ອມແປງ​ອາຄານ​ເກົ່າ ແລະ​ຍົກລະດັບ​​ສິ່ງອໍາ​ນວຍ​ຄວາມ​ສະ ດວກ​ຕ່າງໆ, ເຮັດ​ໃຫ້​ຫ້ອງ​ຮຽນ, ຫ້ອງ​ກິດ​ຈະ​ກໍາ ແລະ ຫ້ອງ​ກຽມ ​ສອນ​ພາສາ​ຍີ່ປຸ່ນ​ຂອງ​ອາຈານມີ​ອຸປະກອນ​ການ​ຮຽນ​-​ການສອນ ຄົບ​ຊຸດ ​ໃນ​ຂອບ​ເຂດ​ໂຮງຮຽນ​ດັ່ງ​ກ່າວ.

   ມາ​ເຖິງ​ປັດຈຸບັນ​ນີ້, ມີ​ໂຮງຮຽນ​ ມັດທະຍົມ 4 ແຫ່ງ ໃນ​ນະຄອນ ຫຼວງ​ວຽງ​ຈັນ ລວມ​ທັງມັດທະ ຍົມສຶກສາສົມບູນໜອງບອນ ທີ່​ໄດ້​ນໍາ​ເອົາ​ຫຼັກສູດ​ພາສາ​ຍີ່ ປຸ່ນເຂົ້າ​ມາ​ສອນ ຫຼັງ​ຈາກ​ທີ່​ລັດ ຖະບານ​ລາວ​ໄດ້​ຕົກລົງເອົາພາ ສາ​ຍີ່ປຸ່ນເປັນ​ໜຶ່ງ​ພາສາ​ຕ່າງປະ ເທດ​ທີ່​ສອນ ໃນ​ຫຼັກສູດ​ການ​ສຶກ ສາລະດັບ​ສາມັນໃນ​ປີ 2011. ໃນ​ເດືອນກັນຍາ​ນີ້, ຄູຜູ້ຊ່ວຍ ສອນ​ພາສາ​ຍີ່ປຸ່ນທັງ 3 ຄົນກໍ​ຖືກ​ສົ່ງ​ມາ​ປະ​ຈໍາ​ການ ໃນໂຮງ ຮຽນມັດທະຍົມສຶກສາສົມບູນ ທັງ 4 ແຫ່ງ​ນີ້ ໂດຍ​ມູນ​ນິທິ​ຍີ່ປຸ່ນ. ໂຄງການ​ດັ່ງກ່າວແມ່ນຖືກ​ ຄາດ​ຫວັງ​ເປັນ​ຢ່າງ​ຍິ່ງວ່າ ການ​ຍົກ​ລະດັບ​ຂອງ​ໂຮງຮຽນມັດທະຍົມ​ສຶກສາ​ໜອງ​ບອນຈະ​ເພີ່ມ​ຈໍາ​ນວນ​ນັກຮຽນ​ພາສາ​ຍີ່ປຸ່ນຂຶ້ນ​ ໃນ​ອະນາຄົດ.

   ທ່ານທູດຍີ່​ປຸ່ນ ກ່າວ​ວ່າ: ຫວັງ​ວ່າສູນ​ພາສາ​ຍີ່ປຸ່ນ​ແຫ່ງ​ນີ້ ຈະ​ຖືກ​ນໍາ​ໃຊ້​ຢ່າງ​ມີ​ປະສິດ ທິພາບ ແລະ ຮັກສາ​ໄວ້ ໃນ​ສະ ພາບທີ່​ດີລວມທັງ​ເປັນຖານໃນ ​ການ​ແນະ​ນໍາ​ກ່ຽວ​ກັບ​ຍີ່ປຸ່ນໃນ​ ຂົງເຂດ​ດັ່ງກ່າວ​ອີກ​ດ້ວຍ. ທ່ານ ຜູ້​ອໍາ​ນວຍ​ການ​ໂຮງຮຽນ ມສ ໜອງ​ບອນ ກ່າວ​ວ່າ: ຈະ​ນໍາ​ໃຊ້​ສູນ​ດັ່ງກ່າວໃຫ້​ເກີດ​ປະໂຫຍດ​ສູງ​ສຸດ ແລະ ຫວັງ​ຢ່າງ​ຍິ່ງ​ວ່າ ໃນ​ອະນາຄົດຈະ​ໄດ້​ຮັບ​ການ​ຊ່ວຍເຫຼືອ​ຈາກ​ລັດຖະບານ​ຍີ່ ປຸ່ນ​ຕື່ມ​ອີກ. ໂຄງການ​ກໍ່ສ້າງສູນ​ ພາສາ​ຍີ່ປຸ່ນແມ່ນ​ນໍາ​ໃຊ້​ເງິນ 89.195 ໂດ​ລາ​ ເພື່ອ​ປັບ​ປຸງ​ສູ​ນ​ແຫ່ງນີ້​ໃຫ້​ທັນ​ສະ​ໄໝ​ຂຶ້ນ.
(ຂ່າວ: ແສງ​ຈັນ)