ເຊັນ​ປຶ້ມ​ໄວ້­ອາ­ໄລ ແດ່​ທ່ານ ຊັກ ຊີ​ຣັກ ອະ­ດີດ​ປະ­ທາ­ນາ­ທິ­ບໍ­ດີ​ຝຣັ່ງ

02.10.2019 8:56     

   ໃນ​ຕອນ​ເຊົ້າຂອງ​ວັນ​ທີ 30 ກັນຍາຜ່ານ​ມາ ທີ່ເຮືອນ ​ພັກ​ທູດ​ຝຣັ່ງ ປະຈຳ ສປປ ລາວ ທີ່ນະຄອນຫຼວງ​ວຽງ​ຈັນ ທ່ານ ແສງ​ເພັດ ຮຸ່ງ​ບຸນ​ຍວງ ຮອງ​ລັດຖະມົນຕີ​ກະຊວງ​ການ​ຕ່າງປະເທດ ພ້ອມ​ດ້ວຍ​ຄະ ນະໄດ້​ເຂົ້າ​ຮ່ວມ​ພິທີ​ເຊັນ​ປື້​ມ​ໄວ້​ອາໄລ ແດ່​ດວງ​ວິນ​ຍານ ທ່ານ ຊັກ ຊີ​ຣັກ ອະດີດ​ປະທານາທິບໍ ດີແຫ່ງສາທາລະນະ​ລັດ​ຝຣັ່ງ (1995-2007) ທີ່​ໄດ້​ເຖິງ​ແກ່​ມໍລະນະ​ກຳ ໃນ​ວັນ​ທີ 26 ກັນ ຍາ 2019.
ເນື້ອ​ໃນ​ຂອງ​ສານ​ໄວ້ອາ ໄລ​ມີ​ດັ່ງນີ້:

   ພວກ​ຂ້າພະເຈົ້າ ມີ​ຄວາມ​ຮູ້ສຶກ​ເສົ້າ​ສະຫຼົດ​ໃຈ​ຢ່າງ​ສຸດ​ຊຶ້ງ ເມື່ອ​ໄດ້​ຮັບ​ຂ່າວ​ວ່າ ອະດີດ​ປະທານາທິບໍດີ ແຫ່ງ ສາທາລະນະ​ລັດຝຣັ່ງ, ທ່ານ ຊັກ ຊີ​ຣັກ ຜູ້ນຳ​ທີ່​ແສນ​ເຄົາລົບ​ຮັກ ຂອງ ປະຊາຊົນ​ຝຣັ່ງ ໄດ້​ເຖິງ​ແກ່​ມໍລະນະ​ກຳ ໃນ​ວັນ​ທີ 26 ກັນຍາ 2019.
ໃນ​ນາມ​ຕາງໜ້າ​ໃຫ້​ລັດ ຖະບານ ແລະ ປະຊາຊົນ​ລາວ, ພວກ​ຂ້າພະເຈົ້າຂໍ​ສະແດງ​ຄວາມ​ເສຍດາຍ, ອາໄລ​ອາ ວອນ ແລະ ຄວາມ​ເສົ້າ​ສະຫຼົດ​ໃຈມາ​ຍັງ​ລັດຖະບານ ແລະ ປະຊາຊົນ​ຝຣັ່ງ ຕະຫຼອດ​ຮອດ​ຄອບຄົວ ແລະ ຍາດ​ພີ່ນ້ອງ ຂອງ ອະດີດ​ປະທານາທິບໍດີ ຊັກ ຊີ​ຣັກ, ທີ່​ໄດ້​ປະກອບສ່ວນ​ອັນ​ສຳຄັນ ເຂົ້າ​ໃນ​ການ​ພັດທະນາ​ປະເທດ​ຝຣັ່ງ ກໍຄື ການ​ຮັດແໜ້ນ ແລະ ເສີມ​ຂະຫຍາຍ​ສາຍ​ພົວ ພັນ​ມິດຕະພາບ ແລະ ການ​ຮ່ວມ​ມືລະຫວ່າງ ສາທາລະນະ​ລັດ​ຝຣັ່ງ ແລະ ສປປ ລາວ.

   ໃນ​ວັນ​ດຽວ​ກັນ, ທ່ານ ບຸນ​ເກີດ ສັງ​ສົມ​ສັກ ລັດຖະມົນຕີ ປະຈຳຫ້ອງ​ວ່າການ​ນາຍົກລັດ​ ຖະມົນຕີ ຜູ້​ຊີ້​ນຳ​ວຽກ​ງານ​ຟຣັ່ງ​ ໂກ​ໂຟ​ນີ ໄດ້​ຕາງໜ້າໃຫ້ລັດ ຖະບານ​ແຫ່ງ ສປປ ລາວ ນຳ ພາ​ຄະນະ​ຜູ້​ແທນ​ລາວເຂົ້າ​ ຮ່ວມ​ພິທີ​ໄວ້ອາໄລແດ່​ດວງວິນ​ ຍານ ທ່ານ ຊັກ ຊີ​ຣັກ ອະດີດ​ ປະທານາທິບໍດີ ແຫ່ງສາທາ ລະນະ​ລັດ​ຝຣັ່ງ ທີ່ນະຄອນ ຫຼວງ​ປາ​ຣີ ປະເທດ​ຝຣັ່ງ.
(ພາບ​-​ຂ່າວ: ກະຊວງ​ການ​ຕ່າງປະເທດ)