ທູດ​ລາວ ປະ­ຈຳ​ຫວຽດ­ນາມ ໄດ້​ຮັບ​ຫຼຽນ​ກາ​ທີ່​ລະ­ນຶກ

02.10.2019 8:58     

   ທ່ານນາງ ຫ​ງວຽນ ເຟືອງ ງາ ປະທານ​ສະຫະພັນບັນດາ ​ອົງການ​ຈັດ​ຕັ້ງ​ມິດຕະພາບ ຫວຽດນາມ ໄດ້​ມອບ​ຫຼຽນທີ່ລະ ນຶກ ເພື່ອ​ສັນຕິພາບ, ມິດຕະ ພາບລະຫວ່າງ​ປະຊາຊາດຂອງ ສະຫະພັນບັນດາອົງການ​ຈັດ​ຕັ້ງມິດຕະພາບ​ຫວຽດນາມໃຫ້​ ທ່ານ ທອງ​ສະຫວັນ ພົມວິ ຫານ ເອກ​ອັກ​ຄະ​ລັດ​ຖະທູດ ວິສາມັນ​ຜູ້​ມີ​ອຳນາດ​ເຕັມແຫ່ງ ສາທາລະນະ​ລັດ ປະຊາທິປະ ໄຕ ປະຊາຊົນ​ລາວ ປະຈຳສາທາ ລະນະ​ລັດ ສັງຄົມ​ນິຍົມ​ຫວຽດ ນາມ, ເມື່ອ​ທ້າຍ​ອາທິດ​ຜ່ານ​ມາ​ນີ້ ທີ່​ສະຖານທູດ​ລາວ ປະຈຳ​ຫວຽດນາມ ເນື່ອງ​ໃນ​ໂອກາດ​ສຳເລັດການ​ປະຕິບັດ​ໜ້າທີ່​ການ​ທູດ​ຢູ່ ສສ ຫວຽດນາມ. 

   ໂອກາດ​ນີ້, ທ່ານ​ນາງ ຫ​ງວຽນ ເຟືອງ ງາ ໄດ້​ສະແດງ​ຄວາມ​ຊົມເຊີຍ​ຕໍ່ທ່ານເອກອັກ​ ຄະ​ລັດ​ຖະ​ທູດ​ລາວ ທີ່​ໄດ້​ສຳ ເລັດ​ໜ້າທີ່​ການ​ທູດ ຢູ່ ສສ ຫວຽດນາມ ເປັນ​ເວລາ​ເກືອບ 4 ປີ ແລະ ຕີ​ລາຄາ​ສູງ​ຕໍ່​ບົດບາດ ແລະ ການ​ປະກອບສ່ວນ​ຢ່າງ​ຕັ້ງໜ້າເຂົ້າ​ໃນ​ການ​ສົ່ງເສີມ​ຄວາມ​ສຳພັນ​ມິດຕະພາບ ແລະ ການ​ຮ່ວມ​ມືລະຫວ່າງສອງ​ປະ ເທດ ຫວຽດນາມ​-​ລາວ ໃຫ້ນັບ ມື້​ເຂົ້າ​ສູ່​ລວງ​ເລິກ ແລະ ແທດ ເໝາະ​ກັບ​ສະພາບ​ຕົວ​ຈິງ. ທ່ານ​ ນາງ ຫ​ງວຽນ ເຟືອງ ງາ ໄດ້​ສະ ແດງ​ຄວາມ​ເຊື່ອ​ໝັ້ນ​ວ່າພາຍ ຫຼັງ​ສຳເລັດ​ການປະຕິບັດໜ້າ ທີ່ຢູ່​ຫວຽດນາມ, ເມື່ອ​ກັບປະ ເທດເຖິງ​ຈະ​ຢູ່​ໃນ​ຕໍາແໜ່​ງ​ໃດກໍ​ຕາມ, ທ່ານ ທອງ​ສະຫວັນ ພົມວິຫານ ຈະ​ສືບຕໍ່​ປະກອບ ສ່ວນ​ເຂົ້າ​ໃນ​ການ​ເສີມ​ຂະຫຍາຍ ແລະ ເພີ່ມ​ພູນ​ຄູນສ້າງ​ຄວາມ​ສຳພັນ ຫວຽດນາມ​-​ລາວ ໃຫ້ນັບ​ ມື້​ແຕກ​ດອກ​ອອກ​ຜົນ​ຍິ່ງໆ​ຂຶ້ນ.

   ທ່ານ ທອງ​ສະຫວັນ ພົມ ວິຫານ ໄດ້​ກ່າວ​ສະແດງຄວາມ ​ຂອບໃຈ​ຕໍ່ ທ່ານ​ນາງ ຫ​ງວຽນ ເຟືອງ ງາ ແລະ ສະຫະພັນບັນ ດາ​ອົງການ​ຈັດຕັ້ງ​ມິດຕະພາບ ຫວຽດນາມ ຊຶ່ງ​ຍາມ​ໃດ​ກໍ​ໃຫ້ ການ​ສະໜັບສະໜູນ ແລະ ໃຫ້ ການ​ຮ່ວມ​ມື​ກັບ​ສະຖານທູດ​ລາວ ໃນ​ການ​ປະຕິບັດ​ໜ້າທີ່ ການ​ທູດ​ຢູ່​ຫວຽດນາມ ອັນ​ໄດ້​ປະກອບສ່ວນ​ເຮັດ​ໃຫ້ສາຍ​ພົວ ພັນ​ແບບ​ພິເສດ ແລະ ການ​ຮ່ວມ​ມື​ຮອບດ້ານລະຫວ່າງ​ລາວ​-​ຫວຽດນາມ ນັບ​ມື້​ເຂົ້າ​ສູ່​ລວງ​ເລິກ ແລະ ແທດເໝາະ​ກັບ​ສະພາບ​ຕົວ​ຈິງ.

   ທ່ານ ທອງ​ສະຫວັນ ພົມ ວິຫານ ກ່າວ​ວ່າ: ພັກ,ລັດຖະ ບານ ແລະ ປະຊາຊົນ​ລາວ, ຍາມ​ໃດ​ກໍຖື​ເປັນ​ສຳຄັນ ແລະ ພະຍາຍາມ​ເພີ່ມ​ພູນ​ຄູນ​ສ້າງ​ສາຍ​ພົວພັນ​ມິດຕະພາບແບບ ​ພິເສດ​ອັນ​ເປັນ​ມູນເຊື້ອ​ລະ ຫວ່າງ​ລາວ​-​ຫວຽດນາມ ພ້ອມ​ ທັງ​ຢ້ຳ​ວ່າ: ເມື່ອ​ກັບ​ຄືນປະເທດ, ເຖິງ​ວ່າ​ຢູ່​ໃນ​ຖານະ​ຕຳແໜ່ງ ໃດກໍ​ຕາມ, ກໍຈະ​ສືບຕໍ່​ປະກອບ ສ່ວນ​ຢ່າງ​ຕັ້ງໜ້າເຂົ້າ​ໃນ​ການ​ເພີ່ມ​ພູນ​ຄູນ​ສ້າງສາຍພົວພັນ ທີ່​ເປັນ​ມູນເຊື້ອ, ສາມັກຄີ​ແບບ​ພິເສດ ແລະ ການ​ຮ່ວມ​ມື​ຮອບ ດ້ານ​ລະຫວ່າງ​ຫວຽດນາມ​-​ລາວ.
(ຂ່າວ​-​ພາບ: ສະຖານທູດ​ລາວ ປະຈຳ​ຫວຽດນາມ)