ທ່ານ​ລັດ­ຖະ­ມົນ­ຕີ​ກະ­ຊວງ ຖວທ ຕ້ອນ­ຮັບ​ທູດ​ນິວ​ຊີ​ແລນ

03.10.2019 8:41     

   ທ່ານ ບໍ່​ແສງ​ຄຳ ວົງດາລາ ລັດຖະມົນຕີ​ກະຊວງ​ຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ໄດ້​ຕ້ອນຮັບ​ການ​ເຂົ້າ​ຢ້ຽມ​ຂາໍ່ນັບ​ຂອງທ່ານ ທາ​ຮາ ມາກ​ເຟີ​ຊັນ (Taha Macpherson) ເອກ​ອັກ​ຄະ​ລັດ​ຖະ​ທູດ ​ແຫ່ງ​ ນິວ​ຊີ​ແລນ ປະຈຳ ສປປ ​ລາວ ຊຶ່ງ​ມີ​ສຳນັກງານ​ສະຖານທູດ​ຕັ້ງ​ຢູ່ບາງກອກ ປະ ເທດ​ໄທ ເຂົ້າ​ຢ້ຽມ​ຂາໍ່ນັບ ​ໃນ​ວັນ​ທີ 2 ຕຸລາ​ນີ້​ ທີ່​ກະຊວງ ຖວທ.

   ໃນ​ໂອກາດ​ດັ່ງກ່າວ ​ທ່ານ ບໍ່​ແສງ​ຄຳ ວົງ​ດາລາ ໄດ້​ສະ ແດງ​ຄວາມ​ຍິນດີ​ຕ້ອນຮັບ ແລະ ຊົມເຊີຍ​ ພ້ອມ​ຕີ​ລາຄາສູງຕໍ່​ທ່ານ ທາ​ຮາ ມາກ​ເຟີ​ຊັນ ທີ່ໄດ້​ມາ​ດຳ​ລົງ​ຕໍາ​ແໜ່ງ​ເປັນ​ເອກ​ອັກ​ຄະ​ລັດ​ຖະ​ທູດ ແຫ່ງ ນິວ​ຊີ​ແລນ ປະຈຳ ສປປ ລາວ ຊຶ່ງ​ຈະ​ເປັນ​ການ​ປະ ກອບ​ສ່ວນ​ຮັດ​ແໜ້ນ​ສາຍ​ພົວ ພັນ​ມິດຕະພາບ ແລະ ການ​ຮ່ວມ​ມື ລະຫວ່າງ ສອງ​ປະເທດ​ທີ່​ມີ​ມາ​ແຕ່​ດົນນານ​ແລ້ວ​ນັ້ນ​​ໃຫ້ ເຕີບ​ໃຫຍ່ຂະຫຍາຍຕົວ ແລະ ແໜ້ນ​ແຟ້ນ​ຍິ່ງ​ຂຶ້ນ, ໃນ​ໂອກາດ​ດັ່ງກ່າວ ​ທັງ​ສອງ​ຝ່າຍ​ໄດ້​ປຶກ ສາ​ຫາລື​ກ່ຽວ​ກັບ​ວຽກ​ງານ​ການ​ຮ່ວມ​ມື​ທາງ​ດ້ານ​ວິຊາ​ການ ເພື່ອ​ສົ່ງເສີມ​ວຽກ​ງານ​ວັດທະນະທຳ ລະຫວ່າງ ສອງ​ປະເທດ ພ້ອມ​ທັງ​ຊົມເຊີຍ​ອົງການອຸຍ​ແນ​ັສ ໂກ UNESCO ທີ່​ໄດ້​ຈົດທະ ບຽນ​ເອົາ​ທົ່ງ​ໄຫ​ຫີນ ສປປ​ລາວ ເຂົ້າ​ເປັນ​ມໍລະດົກ​ໂລກ​ແຫ່ງ​ທີ 3 ພ້ອມ​ດ້ວຍ​ການກໍ່ສ້າງຂີດ ​ຄວາມສາມາດ​ໃຫ້​ແກ່ບຸກຄະ ລາ​ກອນ​ຂອງ ສປປ ​ລາວ. ໂອ ກາດນີ້ ທ່ານ​ທູດ​ກໍ​ໄດ້​ສະແດງ​ຄວາມ​ຂອບໃຈ​ຕໍ່​ທ່ານລັດຖະ ມົນຕີ​ກະຊວງ ຖວທ ທີ່​ໃຫ້ການ​ຕ້ອນຮັບ​ອັນ​ອົບ​ອຸ່ນ.
(ຂ່າວ-ພາບ: ບຸນ​ອູ້ມ)