ລາວ​-​ຫວຽດ­ນາມ ຮ່ວມ​ມື​ກັນ​ດ້ານ​ກົດ­ໝາຍ

03.10.2019 8:44     

   ໂດຍຕອບສະໜອງຕາມ ການເຊື້ອເຊີນຂອງອົງການໄອ ຍະການປະຊາຊົນສູງສຸດແຫ່ງ ສປປ ລາວ, ຄະນະຜູ້ແທນ ສສ ຫວຽດນາມ ຊຶ່ງນຳໂດຍທ່ານ ເຈີ້ນກົງຟານ ຮອງຫົວໜ້າອົງ ການໄອຍະການປະຊາຊົນສູງ ສຸດ ແຫ່ງ ສສ ຫວຽດນາມ ພ້ອມ ດ້ວຍຄະນະໄດ້ເດີນທາງມາ ຢ້ຽມຢາມ ແລະ ເຈລະຈາຮ່າງ ສົນທິສັນຍາວ່າດ້ວຍການຊ່ວຍ ເຫຼືອຊຶ່ງກັນ ແລະ ກັນ ທາງ ດ້ານກົດໝາຍອາຍາຢູ່ນະຄອນ -​ຫຼວງ​ພະ​ບາງ ແຂວງ​ຫຼ​ວງພະ​ບາງ ເມື່ອບໍ່​ດົນ​ມານີ້ ຊຶ່ງຄະນະ ຜູ້​ແທນ ສ​ປ​ປ ລາວ ນຳໂດຍ ທາ່່ນ ໄຊຊະນະ ໂຄດພູທອນ ຮອງຫົວໜ້າອົງການໄອຍະ ການປະຊາຊົນສູງສຸດ ແຫ່ງ ສປປ ລາວ ປະ​ກອບ​​ດ້ວຍ​ບັນດາ ​ຜູ້​ຕາງ​ໜ້າທີ່​ມາຈາກກະ​ຊວງ​ການ​ຕ່າງ​ປະ​ເທດ, ກະ​ຊວ​ງ​ຍຸຕິ​ ທຳ, ສານ​ປະ​ຊາ​​ຊົນ​ສູງ​ສຸດ ແລະ ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ.

   ການເຈລະຈາໃນຄັ້ງນີ້ ແມ່ນ ການ​ເຈ​ລະ​ຈາຮອບທຳອິດ ໂດຍ ໄດ້ພ້ອມ​ກັນ​ແລກປ່ຽນຄຳຄິດ ຄຳເຫັນໃ​ສ່​ເນື້ອ​ໃນແຕ່ລະມາດ ຕາຂອງຮ່າງສົນທິສັນຍາວ່າດ້ວຍການຊ່ວຍເຫຼືອ ຊຶ່ງກັນ ແລະ ກັນ ທາງດ້ານກົດໝາຍໃນ ບັນຫາອາຍາ ລາວ-ຫວຽດນາມ ແລະ ມີ​ຄວາມ​ເປັນ​ເອກະພາບ​ເປັນ​ສ່ວນ​ຫຼາຍ ຊຶ່ງ​ເນື້ອ​ໃນ​ສົນ​ທິ​ສັນ​ຍາ​ທີ່​ຍັງ​ເຫຼືອຈະ​ໄດ້​ສຸມ​ໃສ່​ເຈ​ລະ​ຈາໃຫ້ສຳ​ເລັດ​ໃນ​ທ້າຍປີ​ນີ້ ເພື່ອ​ເປັນ​ພື້ນ​ຖານ​ໃຫ້​ແກ່ການ​ ລົງ​ນາມໃນ​ປີ​ໜ້າ ແລະ ຈັດ​ຕັ້ງ ປະຕິ​ບັດ​ເຂົ້າ​ສູ່​ຊີວິດ​ຕົວ​ຈິງ​ຢ່າງ​ມີ​ປະ​ສິດ​ທິ​ຜົນ.

   ສົນ​ທິ​ສັນ​ຍາ​ດັ່ງກ່າວຈະ ເປັນພື້ນຖານສໍາຄັນໃຫ້ແກ່ການ ຮ້ອງ​ຂໍ ແລະ ການພິຈາລະນາ ການຊ່ວຍເຫຼືອຊຶ່ງກັນ ແລະ ກັນ ທາງດ້ານກົດໝາຍໃນບັນຫາ ອາຍາ, ຮັບ​ປະ​ກັນໃຫ້ການປະ​ ກອບ​ຫຼັກ​ຖານກໍ​ຄື​ການດຳເນີນ​ຄະ​ດີ​ອາ​ຍາຄົບຖ້ວນ, ຮອບດ້ານ, ພາ​ວະ​ວິ​ໄສ, ຕ້ານອາຊະຍາກໍາ ຂ້າມຊາດ, ຈຳກັດ, ສະກັດກັ້ນ ການກະທຳຜິດ, ປົກປ້ອງຜົນ ປະໂຫຍດຂອງລັດ, ລວມໝູ່, ສິດ ແລະ ຜົນປະໂຫຍດອັນ ຊອບທຳຂອງພົນລະເມືອງ, ເຮັດ ໃຫ້ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບ ຮ້ອຍ, ສ້າງເງື່ອນໄຂໃຫ້ປະຊາ ຊົນຂອງສອງປະ​ເທດລາວ ແລະ ຫວຽດນາມປະກອບສ່ວນເຂົ້າ ໃນການປົກປັກຮັກສາ ແລະ ພັດ ທະນາປະເທດຊາດຂອງ​ຕົນກ້າວ ຂຶ້ນ ຢ່າງບໍ່ຢຸດຢັ້ງ.

   ໃນວາລະການຢ້ຽມຢາມ ຄະນະຜູ້ແທນຍັງໄດ້ເຂົ້າຢ້ຽມ ຂໍ່ານັບທ່ານ ຄຳສານ ສຸວົງ ຫົວ ໜ້າອົງການໄອຍະການປະຊາ ຊົນສູງສຸດ, ທ່ານ ຄຳຂັນ ຈັນທະ ວີສຸກ ເລຂາຄະນະບໍລິຫານງານ ພັກແຂວງ ເຈົ້າແຂວງຫຼວງພະ ບາງ, ທ່ຽວຊົມສະຖານທີ່ທ່ອງ ທ່ຽວທາງດ້ານປະຫວັດສາດ- ທຳມະຊາດຈຳນວນໜຶ່ງຢູ່ແຂວງ ຫຼວງພະບາງ ແລະ ໄດ້ເດີນທາງ ກັບຄືນປະເທດດ້ວຍຄວາມສະ ຫວັດດີພາບ.
(ຂ່າວ-ພາບ: ຄຳ​ເພັດ)