ອັດ​ຕະ​ປື​-​ດາ​ໜັງ ສືບ­ຕໍ່​ການ​ຮ່ວມ​ມື​ເພື່ອ​ມິດ­ຕະ­ພາບ

04.10.2019 8:35     

   ຫວ່າງບໍ່​ດົນຜ່ານ​ມາ​ທ່ານ ເຈືອງ ກວາງ ເຫ​ງຍ ກຳມະ ການ​ສູນ​ກາງ​ພັກ​ກອມ​ມູ​ນິດ​ຫວຽດນາມ ເລຂາ​ພັກ ພ້ອມຄະ ນະ​ຜູ້​ແທນ​ນະຄອນ​ດາ​ໜັງ ສສ ຫວຽດນາມ ໄດ້​ເດີນທາງ​ມາ​ຢ້ຽມຢາມ​ພົບ​ປະ ແລະ ເຮັດ​ວຽກ​ຢູ່​ແຂວງອັດ​ຕະ​ປື ໂດຍ​ແມ່ນ ທ່ານ ເລັດ ໄຊ​ຍະ​ພອນ ເລຂາ​ພັກ​ແຂວງ ເຈົ້າແຂວງອັດ​ຕະ​ປື ພ້ອມ​ຄະນະ​ໃຫ້​ກຽດ​ຕ້ອນຮັບ​ຢ່າງ​ອົບ​ອຸ່ນ. ໃນ​ການ​ພົບ​ປະ​ສອງ​ຝ່າຍ ໄດ້​ລາຍ​ງານ​ສະພາບ​ການເຄື່ອນໄຫວ​ວຽກ​ງານ​ໃນ ໄລຍະ​ຜ່ານ​ມາ​ໃຫ້​ກັນ​ຊາບ​ພ້ອມ​ທັງ​ໄດ້​ລົງ​ເລິກ​ສົນທະນາ​ບັນຫາ​ຕ່າງໆ​ກ່ຽວ​ກັບ​ການ​ພັດ ທະນາ​ດ້ານ​ເສດຖະກິດ ເພື່ອ​ແນໃສ່​ແລກປ່ຽນ​ບົດຮຽນ​ຊຶ່ງ​ກັນ ແລະ ກັນ ​ເພື່ອ​ຮ່ວມມື​ຂຸດ​ຄົ້ນ​ທ່າແຮງ​ບົ່ມ​ຊ້ອນ​ຕ່າງ​ຝ່າຍ​ໄດ້ຮັບຜົນ​ປະໂຫຍດນັ້ນ ​ໄດ້​ເຂົ້າ​ເຖິງ​ບັນດາ​ຂໍ້​ມູນ​ຂ່າວ ສານ​ໃນ​ລະດັບ​ທີ່​ເໝາະ​ສົມ,  ແຂວງ ອັດ​ຕະ​ປື ໄດ້​ຮັບ​ການ​ຂະຫຍາຍຕົວ ​ໂດຍ​ໄດ້​ຮັບ​ການ​ປະກອບສ່ວນ​ຈາກ​ການ​ລົງທຶນ​ຂອງ​ບັນດາ​ໂຄງການ​ຈາກ ສສ ຫວຽດນາມ​ໃນ​ໄລຍະ​ຜ່ານ​ມາເປັນຕົ້ນແມ່ນ​ໂຄງການ​ກໍ່ສ້າງ​ເຂື່ອນ​ໄຟຟ້າ​ເຊ​ກະ​​ໝານ1,2,3, ໂຄງການ​ປູກ​ຢາງພາລາ, ປູກ​ໄມ້​ໃຫ້​ໝາກ, ໂຮງງານ​ຜະລິດ​ນ້ຳຕານ ແລະ ໂຮງງານ​ຜະລິດ​ໄມ້​ສຳເລັດ​ຮູບ​ຂະໜາດ​ນ້ອຍ,ຂະໜາດ​ກາງ ແລະ ວຽກ​ງານ​ອື່ນໆອັນ​ ໄດ້​ສ້າງ​ໃຫ້​ແຂວງອັດ​ຕະ​ປື​ໄດ້​ຮັບ​ການ​ພັດທະນາ​ທາງດ້ານ ​ເສດຖະກິດ, ວັດທະນະ​ທຳ​-​ສັງຄົມ ​ຢ່າງ​ຕໍ່​ເນື່ອງ​ເປັນ​ກ້າວໆ​ມາ. ໃນ​ໂອກາດ​ເດີນທາງມາ​ ຢ້ຽມຢາມ​ລາວ​ໃນ​ຄັ້ງ​ນີ້ກໍໄດ້​ ເຂົ້າ​ຮ່ວມ​ພິທີ​ເປີດ​ນຳ​ໃຊ້​ໂຮງ ຮຽນ​ມັດ​ທະ​ຍົມມິດຕະພາບ​ລາວ​-​ຫວຽດນາມ ທີ່ບ້ານເຊ​ ໃຫຍ່ ເມືອງສາມັກຄີ​ໄຊ ໂຮງ ຮຽນແຫ່ງ​ດັ່ງກ່າວ​ແມ່ນ​ໄດ້​ຮັບ​ທຶນ​ຊ່ວຍເຫຼືອ ຈາກນະຄອນ​ດາ​ໜັງ ສສ ຫວຽດນາມ​ໃນ​ມູນ​ຄ່າ 9.000.000.000 ດົງ, ຄະນະ​ນຳ​ທັງ​ສອງ​ແຂວງ​ຍັງ ໄດ້​ມອບ​ໃຫ້​ສະມາຄົມ​ຫວຽດນາມ​ສືບຕໍ່​ນຳໃຊ້​ເຂົ້າ​ໃນ​ການ​ສິດ ສອນ​ລູກ​ຫຼານ​ໃນ​ໂຮງຮຽນ​ມິດ ຕະພາບ​ແຫ່ງ​ນີ້​ດ້ວຍ​ລະບົບ 2 ພາສາ ລາວ ແລະ ຫວຽດນາມ ໃຫ້ ມີ​ປະສິດ​ທິ​ຜົນ​ສູງ ແລະ ​ນັບ​ມື້​ໄດ້​ຮັບ​ການ​ພັດທະນາ​ຢ່າງ​ແຂງແຮງ​ກ້າວ​ສູ່​ຄຸນ​ນະ​ພາບ​ໃນ​ລະດັບ​ທັນ​ສະໄໝ​ເທື່ອ​ລະ​ກ້າວ.

   ນອກຈາກ​ການ​ເຂົ້າ​ຮ່ວມ​ພິທີ​ທາງ​ການ​ແລ້ວ ທ່ານ ເຈືອງ ກວາງ ເຫ​ງຍ ກຳມະການ​ສູນ​ກາງ​ພັກ​ກອມ​ມູ​ນິດ​ຫວຽດນາມ ເລຂາ​ພັກ ພ້ອມ​ຄະນະ​ຜູ້​ແທນ​ນະຄອນ​ດາ​ໜັງ ສສ ຫວຽດນາມ ຍັງ​ເຂົ້າ​ຊົມ​ຢ້ຽມຢາມ​ແຫຼ່ງ​ທ່ອງ​ທ່ຽວ​ທາງ​ດ້ານ​ວັດທະນະທຳ ທີ່​ວັດ​ທາດ​ພະ​ໄຊ ເມືອງໄຊ​ເສດ​ຖາ ແລະ ມອບ​ທຶນ​ຊ່ວຍເຫຼືອດ້ານ​ ການ​ສຶກສາ​ໃຫ້​ພະ​ແນ​ກ​ສຶກສາ​ແຂວງອັດ​ຕະ​ປື ຈຳນວນ 1 ຮ້ອຍ ລ້ານ​ດົງ.
(ໂດຍ: ມາລາ​ທິບ)