ປະທານ ສນຊ ຕ້ອນຮັບທູດຍີ່ປຸ່ນ

08.10.2019 9:38     

   ທ່ານ ໄຊສົມພອນ ພົມ ວິຫານ ປະທານສູນກາງແນວລາວສ້າງຊາດ (ສນຊ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ເຄໂຊ ທາເກວະກະ (Keizo Takewaka) ເອກອັກຄະລາຊະທູດວິສາມັນຜູ້ມີອຳນາດເຕັມ ແຫ່ງ ປະເທດ ຍີ່ປຸ່ນ ປະຈຳ ສປປ ລາວ ໃນວັນທີ 4 ຕຸລາຜ່ານມາ ທີ່ ສນຊ ເນື່ອງໃນໂອກາດມາດໍາລົງຕໍາແໜ່ງ ເປັນເອກອັກຄະລາຊະທູດ ຄົນໃໝ່ ປະຈຳລາວ.
ໃນໂອກາດນີ້, ທ່ານປະ ທານ ສນຊ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງຕໍ່ການມາຢ້ຽມຢາມຂອງທ່ານ ເຄໂຊ ທາເກວະກະ ທີ່ໄດ້ຖືກແຕ່ງຕັ້ງໃຫ້ມາປະຕິບັດໜ້າທີ່ການທູດຢູ່ ສປປ ລາວ ຊຶ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດ ຕະພາບແລະ ການຮ່ວມມືລະຫວ່າງ 2 ປະເທດໃຫ້ມີຄວາມແໜ້ນແຟ້ນຍິ່ງໆຂຶ້ນ.
ນອກຈາກນີ້ ທັງສອງຝ່າຍ ຍັງໄດ້ມີການປຶກສາຫາລືແລກ ປ່ຽນຄຳຄິດຄຳເຫັນກ່ຽວກັບການຮ່ວມມືທາງດ້ານການຄ້າ-ການລົງທຶນ ໂດຍສະເພາະແມ່ນຂະແໜງໂທລະຄົມມະນາຄົມ ແລະ ການສື່ສານ ເພື່ອເປັນການສືບຕໍ່ເສີມຂະຫຍາຍສາຍ ພົວພັນຮ່ວມມືອັນດີງາມລະ ຫວ່າງ 2 ລັດຖະບານ ແລະ ປະ ຊາຊົນ 2 ຊາດລາວ - ຍີ່ປຸ່ນໃຫ້ ມີການຂະຫຍາຍຕົວເພີ່ມຂຶ້ນ ເລື້ອຍໆ ພ້ອມກັນນີ້, ທ່ານທູດ ຍີ່ປຸ່ນ ໄດ້ສະແດງຄວາມຂອບ ໃຈຕໍ່ທ່ານ ປະທານ ສນຊ ທີ່ໃຫ້ການຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້, ພ້ອມທັງຈະສືບຕໍ່ປະຕິບັດໜ້າທີ່ການທູດຂອງຕົນໃຫ້ໄດ້ຮັບຜົນສໍາເລັດອັນຈົບງາມ.
(ຂ່າວ-ພາບ: ສນຊ)