ລາວ​-​ເຢຍ​ລະ​ມັນ ສືບ­ຕໍ່​ສົ່ງ­ເສີມ​ວຽກ​ງານວັດ­ທະ­ນະ­ທຳ ແລະ ທ່ອງ​ທ່ຽວ

09.10.2019 8:38     

   ທ່ານ ບໍ່​ແສງ​ຄຳ ວົງ​ດາລາ ລັດຖະມົນຕີ ກະຊວງ ຖະແຫຼງ​ຂ່າວ,ວັດທະນະທຳ ແລະ ທ່ອງ​ທ່ຽວ (ຖວທ) ໄດ້​ຕ້ອນຮັບ ທ່ານ ໂກລ ປີ​ເຕີ ຊູ​ເຊີ( Klaus Peter Schulze) ຄະນະ​ກຳມາ​ທິ​ການທ່ອງທ່ຽວ, ລັດ​ຖະ​ສະພາ​ເຢຍ​ລະ​ມັນ ພ້ອມ​ຄະນະ ເມື່ອ​ວັນ​ທີ 7ຕຸລາ​ຜ່ານ​ມາ​ນີ້ ທີ່​ກະ ຊວງ​ດັ່ງ​ກ່າ​ວ. ໃນ​ໂອກາດ​ທີ່​ຄະ ນະ​ຜູ້​ແທນ​ດັ່ງກ່າວ​ເດີນທາງ​ມາ​ຢ້ຽມ​ຍາມ ແລະ ເຮັດ​ວຽກ ຢູ່ ສປປ ​ລາວ​ ໃນ​ລະຫວ່າງ​ວັນ​ທີ 5-8 ຕຸລາ​ນີ້

   ໃນ​ໂອກາດ​ດັ່ງກ່າວ ທ່ານ ລັດຖະມົນຕີ ກະຊວງ ຖວທ ກໍ່​ໄດ້​ສະແດງ​ຄວາມ​ຕ້ອນຮັບ​ຊົມເຊີຍຕໍ່ ທ່ານ ໂກລ ປີ​ເຕີ ຊູ​ເຊີ ພ້ອມ​ຄະນະ ທີ່​ເດີນທາງ​ມາ​ຢ້ຽມ​ຢາມ ແລະ ເຮັດ​ວຽກ​ຢູ່ ສປປ ລາວ ​ໃນ​ຄັ້ງ​ນີ້​ ຊຶ່ງເປັນການ​ປະ ກອບສ່ວນ​ເສີມ​ສ້າງ​ສາຍ​ພົວ ພັນ​ຮ່ວມ​ມື ແລະ ຊ່ວຍເຫຼືອ ຊຶ່ງ​ກັນ ແລະ ກັນ​ລະຫວ່າງ​ລາວ​-​ເຢຍ​ລະ​ມັນ​ທີ່​ມີ​ມາ​ແຕ່​ດົນ​ນານ​ແລ້ວ​ນັ້ນ​ໃຫ້​ນັບ​ມື້ ເພີ່ມ​ພູນ​ຄູນ​ສ້າງ​ຍິ່ງໆ​ຂຶ້ນ.

   ທ່ານ ໂກລ ປີ​ເຕີ ຊູ​ເຊີ ກໍ່​ໄດ້​ສະແດງ​ຄວາມ​ຂອບໃຈຕໍ່ ທ່ານ ລັດຖະມົນຕີ​ກະຊວງ ຖວທ ທີ່​ໃຫ້ ການ​ຕ້ອນຮັບ​ຢ່າງ​ອົບ​ອຸ່ນ ພ້ອມ​ນີ້​ຍັງ​ໄດ້​ແຈ້ງ​ຈຸດປະສົງ ໃນ​ການ​ມາ​ເຄື່ອນ​ໄຫວ​ຢ້ຽມຢາມ ແລະ ເຮັດ​ວຽກ​ຢູ່ ສ ປ ປ ລາວ ໃຫ້ ທ່ານ ລັດຖະມົນຕີ​ໄດ້​ຮັບ​ຊາບ ໃນ​ນັ້ນ ຍັງ​ໄດ້​ປຶກສາ​ຫາລື​ກັນ​ເພື່ອ​ສືບຕໍ່​ຊຸກຍູ້ ສົ່ງເສີມ​ວຽກ​ງານ​ວັດທະນະທຳ ແລະ ທ່ອງ​ທ່ຽວ​ຂອງ​ສອງ​ປະເທດ​ລາວ​-​ເຢຍ​ລະ​ມັນ​ຕື່ມ​ອີກ
(ຂ່າວ: ສຳ​ນານ)