ອົງ­ການ​ກາ­ແດງ ເຢຍ​ລະ​ມັນ ມອບ​ລົດ​ຕູ້​ໃຫ້​ສູນ​ເລືອດ​ແຫ່ງ​ຊາດ

09.10.2019 8:35     

   ພິທີ​ມອບ​-​ຮັບລົດ​ຕູ້​ຈໍາ​ນວນ 2 ຄັນ ສໍາ​ລັບ​ຮັບ​ໃຊ້​ໃຫ້​ແກ່​ສູນ​ເລືອດ ແຂວງ​ບໍ​ລິ​ຄໍາ​ໄຊ ແລະ ສູນ​ເລືອດ​ແຂວງວຽງ​ ຈັນ ໄດ້​ຈັດ​ຂຶ້ນ​ເມື່ອ​ວັນ​ທີ 4 ຕຸລາ 2019 ນີ້ ທີ່​ສູນ​ເລືອດ​ແຫ່ງ​ຊາດອົງການ​ກາແດງລາວ, ກ່າວ​ມອບ​ໂດຍ​ທ່ານ ຕີມ ເບຣ ຜູ້ຕາງໜ້າ​ອົງການ​ກາແດງ​ເຢຍ​ລະ​ມັນ ແລະ ກ່າວ​ຮັບ​ໂດຍ​ທ່ານ ຄໍາ​ຮຸ່ງ ເຮືອງ​ວົງສີ ປະທານ​ອົງ ການກາແດງ​ລາວ, ສູນ​ເລືອດ​ແຫ່ງ​ຊາດ; ມີ​ຫົວໜ້າ​ກາແດງ ແຂວງ​ບໍ​ລິ​ຄໍາ​ໄຊ ແລະ ແຂວງ​ວຽງ​ຈັນ ພ້ອມ​ດ້ວຍ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

   ຜ່ານ​ມາ​ອົງການ​ກາແດງ​ເຢຍ​ລະ​ມັນ​ໄດ້​ໃຫ້ການ​ຊ່ວຍ ເຫຼືອ​ສູນ​ເລືອດ​ແຫ່ງ​ຊາດ ອົງ ການ​ກາແດງ​ລາວ ໂດຍ​ສະ ເພາະ​ຢູ່​ຂັ້ນ​ແຂວງ ແລະ ເມືອງ ທຶນ​ການ​ຊ່ວຍເຫຼືອ​ດັ່ງກ່າວ​ນີ້, ແມ່ນ​ຈາກ​ກະຊວງ​ ເພື່ອ​ການ​ຮ່ວມ​ມື​ທາງ​ດ້ານ​ເສດຖະກິດ ແລະ ການ​ພັດທະນາ​ຂອງ​ປະ ເທດ​ເຢຍ​ລະ​ມັນ. ໂຄງການ​ຊ່ວຍເຫຼືອ​ຂອງ​ອົງການ​ກາແດງ​ເຢຍ​ລະ​ມັນ ຈຸດປະສົງ​ແມ່ນ​ສຸມ​ໃສ່​ວຽກ​ງານ​ເລືອດ​ຂອງ​ລາວ ເປົ້າ ​ໝາຍ​ກໍ​ຄື​ໃຫ້​ມີ​ເລືອດ​ພຽງພໍ​ທັງ​ປະລິມານ ແລະ ຄຸນ​ນະ​ພາບ​ຕາມ​ມາດຕະຖານ​ແຫ່ງ​ຊາດ ແລະ ທິດ​ຊີ້​ນໍາ​ຂອງ​ອົງການອ​ະ ນາ​ໄມ​ໂລກ ຊຶ່ງ​ການ​ມອບພາຫະ ນະ​ລົດ​ຕູ້​ຄັ້ງ​ນີ້​ເປັນ​ການ​ປະກອບ ສ່ວນ​ອັນ​ໃຫຍ່​ຫຼວງ​ຕໍ່​ຈໍາ​ນວນ​ການ​ເຈາະ​ເກັບ​ເລືອດ. ລົດ​ດັ່ງ ກ່າວ​ແມ່ນ​ຈະຖືກ​ນໍາ​ໃຊ້​ ເພື່ອ​ອອກ​ໜ່ວຍ​ຮັບ​ບໍລິຈາກເລືອດ, ສົ່ງ​ ພະນັກງານ, ອຸປະກອນ ແລະ ຖົງ​ ເລືອດ​ບໍລິຈາກ, ຈະເຮັດ​ໃຫ້ການ​ ຂົນສົ່ງໄດ້​ຮັບ​ການ​ປັບປຸງ​ໃຫ້​ດີ​ຂຶ້ນ ເຮັດ​ໃຫ້​ເລືອດ​ມີ​ຄວາມ​ປອດ ໄພ ແລະ ການ​ເກັບ​ຮັກສາອຸນ ຫະພູມ​ໄດ້, ຈາກ​ແຂວງຫາ ເມືອງ ແລະ ແຂວງ​ຫາ​ສູນ​ກາງ​ມີ​ປະສິດທິພາບ​ຂຶ້ນ​ກວ່າ ​ເກົ່າ.
(ຂ່າວ​-​ພາບ: ຍຸ​ພິນ​ທອງ)