ເອກ​ອັກ​ຄະ​ລັດ​ຖະ​ທູດ​ລາວ​ຍື່ນ​ສານ​ຕາ​ຕັ້ງຕໍ່​ປະ­ທາ­ນາ­ທິ­ບໍ­ດີ ແຫ່ງ ສ.ກຣົວ​ຊີ

09.10.2019 9:13     

    ທ່ານ ສີ​ທົງ ຈິດ​ໂຍທິນ ໄດ້​ຍື່ນ​ສານ​ຕາ​ຕັ້ງ​ຕໍ່ ​ທ່ານນາງ ໂກ​ລິນ​ດາກ​ຣາ​ບາ​-​ກິ​ຕາ​ໂຣ​ວິກ (KolindarGrabar-Kitarovic) ປະທານາທິບໍດີແຫ່ງ​ ສາທາລະນະ​ລັດ​ ກຣົວ​ຊີ ໃນ ວັນ ​ທີ 3 ຕຸລາຜ່ານ​ມາທີ່ທຳນຽບ ປະ ທານາທິບໍດີ, ນະຄອນຫຼວງ​ຊາ​ເກ​ຣັບ ເພື່ອ​ດຳລົງຕຳແໜ່ງເປັນ​ ເອກ​ອັກ​ຄະ​ລັດຖະ​ທູດ​ວິສາມັນ ​ຜູ້​ມີ​ອຳນາດເຕັມແຫ່ງ​ສາທາ ລະນະ​ລັດ ​ປະຊາທິປະໄຕ​ ປະ ຊາຊົນລາວ ​ ປະຈຳ​ສາທາລະ ນະ​ລັດ​ ກຣົວ​ຊີ, ໂດຍມີ​ສໍາ​ນັກ​ ງານ​ສະຖານທູດ​ຕັ້ງ​ຢູ່​ນະຄອນ ຫຼວງ​ວຽນ ປະເທດ​ໂອຕຣິດ.

    ໃນ​ໂອກາດ​ດັ່ງກ່າວ, ທ່ານ ສີ​ທົງ ຈິດ​ໂຍທິນ ໄດ້ນຳເອົາ​ ຄວາມ​ຢື້​ຢາມ​ຖາມ​ຂ່າວ​ອັນອົບ ​ອຸ່ນ​ ພ້ອມ​ດ້ວຍ​ພອນ​ໄຊອັນປະ ເສີດ ແລະ ຄວາມຮັກແພງຖານ ​ເພື່ອນ​ມິດ​ຈາກ​ທ່ານ ບຸນ​ຍັງ ວໍລະ​ຈິດ ປະທານ​ປະເທດ​ແຫ່ງ​ ສປປ​ ລາວ ​ສົ່ງ​ເຖິງ​​ທ່ານ​ນາງ KolindarGrabar-Kitarovic ແລະ ຜ່ານ​​ທ່ານ​ໄປ​ຍັງ​ລັດຖະບານ ແລະ ປະຊາຊົນ​ກຣົວ​ຊີ​ ທຸກ​ຖ້ວນ​ໜ້າ ພ້ອມ​ກັນ​ນີ້, ທ່ານ​ເອກອັກ​ ຄະ​ລັດ​ຖະ​ທູດ​ໄດ້​ສະແດງ​ຄວາມ​ຂອບໃຈ​ເປັນ​ຢ່າງ​ຍິ່ງ ແລະ ຖື​ເປັນ​ກຽດ​ຢ່າງ​ສູງ​ທີ່ທ່ານ​ປະທານາທິບໍດີ​ໄດ້​ໃຫ້​ກຽດ​ຮັບ​ສານ​ຕາ​ຕັ້ງ​ດັ່ງ ກ່າວ ແລະ ໄດ້​ໃຫ້​ຄໍາ​ໝັ້ນ​ສັນ ຍາ​ວ່າ​ໃນ​ໄລຍະ​ເວລາ​ການ​ປະ ຕິບັດ​ໜ້າທີ່​ການ​ທູດ​ຢູ່ກຣົວຊີ ທ່ານ​ຈະ​ພະຍາຍາມ​ເຮັດ​ສຸດ​ ຄວາມ​ສາມາດ​ຂອງ​ຕົນ​ ເພື່ອ​ຊຸກຍູ້​ສົ່ງເສີມ​ສາຍ​ພົວພັນ​ມິດ ຕະພາບ ແລະ ການ​ຮ່ວມ​ມື ສອງຝ່າຍ​ໃຫ້​ມີ​ບາດກ້າວ​ໃໝ່​ຂະຫຍາຍຕົວ​ຂຶ້ນ​ຕື່ມ.

    ໃນ​ໂອກາດ​ນີ້, ທ່ານ​ນາງ Kolindar Grabar-Kitarovic ກໍ​ໄດ້​ສະແດງ​ຄວາມ​ຍິນດີ​ ແລະ ​ຊົມເຊີຍ​ຕໍ່​ທ່ານ​ ສີ​ທົງ ​ຈິດ​ໂຍທິນ ​ໃນ​ການ​ມາ​ດໍາ ລົງ​ ຕໍາ​ແໜ່​ງ​ເປັນ​ເອກ​ອັກ​ຄະ​ລັດ​ຖະ​ທູດ​ ສປປ​ ລາວ​ ຄົນໃໝ່​ປະ​ຈຳ​ ສ.ກຣົວ​ຊີ ໄດ້​ສົ່ງ​ຄຳ​ຢື້​ຢາມ​ຖາມ​ຂ່າວ​ອັນ​ອົບ​ອຸ່ນ ແລະ ອວຍພອນ​ໄຊ​ອັນ​ປະເສີດ​ມາ​ຍັງ​ທ່ານ ບຸນ​ຍັງ ວໍລະ​ຈິດ ປະທານ​ປະ ເທດ, ລັດຖະບານ ແລະ ປະ ຊາຊົນ​ລາວ​ທຸກ​ຖ້ວນ​ໜ້າ ແລະ ອວຍພອນ​ໃຫ້​ທ່ານ​ເອກ​ອັກ​ ຄະ​ລັດ​ຖະ​ທູດ​ຄົນໃໝ່​ ປະຕິ ບັດ​ໜ້າທີ່​ການ​ທູດ​ດ້ວຍ​ຜົນສຳ ເລັດ​ ເພື່ອ​ສົ່ງເສີມ​ການ​ພົວພັນ​ຮ່ວມ​ມື​ຂອງ​ສອງປະເທດ​ໃຫ້​ຂະຫຍາຍຕົວ​ໃນ​ຕໍ່​ໜ້າ.