ຄະນະຜູ້ແທນລາວ ເຂົ້າຮ່ວມກອງປະຊຸມສຸດຍອດ ອາຊຽນຊາຍ

27.11.2019 9:50     

   ຄະນະຜູ້ແທນແຫ່ງ ສປປ ລາວ ນຳໂດຍທ່ານ ນາງ ວຽງທອງ ສີພັນດອນ ປະທານອົງ ການກວດສອບແຫ່ງລັດ ໃນນາມປະທານຂອງສະຫະພັນສະຖາບັນກວດສອບສູງສຸດບັນດາປະເທດອາຊີຕາເວັນອອກສ່ຽງໃຕ້ (ອາຊຽນຊາຍ) ໄດ້ເດີນທາງເຂົ້າຮ່ວມກອງປະຊຸມສຸດຍອດ ຂອງສະຫະພັນສະຖາບັນກວດສອບສູງສຸດ ບັນດາປະເທດອາຊີຕາເວັນອອກສ່ຽງໃຕ້ ຄັ້ງທີ 5 (The 5th ASEANSAI Summit) ຈັດຂຶ້ນເມື່ອບໍ່ດົນມານີ້ ທີ່ນະຄອນ ຫຼວງກົວລາລຳເປີ ປະເທດ ມາເລເຊຍ. ກອງປະຊຸມຄັ້ງນີ້ ໄດ້ຮັບ ຟັງການລາຍງານຜົນການຈັດ ຕັ້ງປະຕິບັດວຽກງານປະຈຳສົກປີ 2017-2019 ຂອງບັນ ດາຄະນະກຳມະການອາຊຽນ ຊາຍ ແລະ ກອງເລຂາອາຊຽນ ຊາຍ. ກອງປະຊຸມໄດ້ຕີລາຄາ ວ່າຕະຫຼອດໄລຍະຜ່ານມາ, ບັນດາປະເທດສະມາຊິກໄດ້ ເອົາໃຈໃສ່ປະກອບສ່ວນເຂົ້າ ໃນການຈັດຕັ້ງປະຕິບັດວຽກງານຂອງສະຫະພັນສະຖາບັນກວດສອບສູງສຸດ ບັນດາປະ ເທດອາຊີຕາເວັນອອກສ່ຽງໃຕ້ ໂດຍສະເພາະແມ່ນການປຶກສາຫາລື ແລະ ທົບທວນຄືນກ່ຽວກັບບັນດາໜ້າວຽກທີ່ຈັດຕັ້ງປະ ຕິບັດ ໃນໄລຍະຜ່ານມາ ພ້ອມ ທັງກຳນົດທິດທາງການເຄື່ອນ ໄຫວວຽກງານ ໃນຕໍ່ໜ້າໂດຍ ການກຳນົດແຜນຍຸດທະສາດ, ແຜນການຝຶກອົບຮົມແລກປ່ຽນຄວາມຮູ້ຊຶ່ງກັນ ແລະ ກັນ, ປັບ ປຸງບັນດານິຕິກຳ ແລະ ລະບຽບການຕ່າງໆ ເພື່ອຮັບປະກັນຄວາມສອດຄ່ອງໃນການຈັດຕັ້ງປະຕິບັດວຽກງານຕົວຈິງຕາມສະພາບແວດລ້ອມໃນປັດຈຸບັນ ແລະ ຮັບປະກັນຄວາມເປັນເອ ກະພາບ ເຮັດໃຫ້ສະຫະພັນສະຖາບັນກວດສອບສູງສຸດຂອງບັນດາປະເທດອາຊີຕາເວັນອອກສ່ຽງໃຕ້ສືບຕໍ່ ນັບມື້ນັບເຂັ້ມແຂງຂຶ້ນຢ່າງມີສະຖຽນລະພາບ. ຕະຫຼອດໄລຍະເວລາການ ເປັນປະທານຂອງສະຫະພັນສະຖາບັນກວດສອບສູງສຸດບັນດາປະເທດອາຊີຕາເວັນອອກສ່ຽງໃຕ້ ໄລຍະສົກປີ 2017-2019 ຂອງອົງການກວດສອບແຫ່ງລັດ ສປປ ລາວ ໄດ້ສິ້ນສຸດລົງດ້ວຍຜົນສຳເລັດອັນຈົບງາມ ຊຶ່ງຕະຫຼອດໄລຍະເວລາການເປັນປະທານໄດ້ຮັບບົດຮຽນອັນຍິ່ງໃຫຍ່ຮອບດ້ານ, ໄດ້ຮັບ ຄວາມຍ້ອງຍໍຊົມເຊີຍຈາກປະ ເທດສະມາຊິກ ແລະ ບັນດາຄູ່ຮ່ວມພັດທະນາ ຊຶ່ງເຮັດໃຫ້ຖານະຂອງ ສປປ ລາວ ໂດຍສະເພາະແມ່ນອົງການກວດສອບແຫ່ງລັດພົ້ນເດັ່ນຂຶ້ນໃນເວທີພາກພື້ນ ແລະ ສາກົນ. (ຂ່າວ-ພາບ: ອົງການກວດສອບແຫ່ງລັດ)