ລາວ-ຈີນ ສືບຕໍ່ແລກປ່ຽນບົດຮຽນນຳກັນ

28.11.2019 9:27     

   ທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະ ມົນຕີ ປະທານຄະນະກວດກາສູນກາງພັກ-ອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ຕ້ອນຮັບການເຂົ້າຢ້ຽມຂາໍ່ນັບຂອງທ່ານ ຈຽງ ຈ່າຍຕົງ ເອກອັກຄະລັດຖະທູດ ແຫ່ງ ສປຈີນ ປະຈໍາ ສປປ ລາວ, ໃນວັນທີ 26 ພະຈິກ ທີ່ອົງການກວດກາລັດຖະບານ. ໃນໂອກາດດັ່ງກ່າວ, ທ່ານ ບຸນທອງ ຈິດມະນີ ໄດ້ສະແດງຄວາມຕ້ອນຮັບອັນອົບອຸ່ນຕໍ່ທ່ານທູດຈີນທີ່ໄດ້ເຂົ້າມາຢ້ຽມຂາໍ່ນັບ ຊຶ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມືລະຫວ່າງ ສອງພັກ, ສອງລັດ ແລະ ປະຊາຊົນທັງສອງປະ ເທດ ລາວ-ຈີນ ທັງເປັນການປະ ກອບສ່ວນເຂົ້າໃນການພັດທະ ນາວຽກງານຕ່າງໆ ໂດຍສະ ເພາະກໍແມ່ນວຽກງານຄົມມະ ນາຄົມຂອງສອງປະເທດໃຫ້ມີບາດກ້າວຂະຫຍາຍຕົວຍິ່ງໆ ຂຶ້ນ. ຈາກນັ້ນ, ທ່ານທູດຈີນກໍໄດ້ສະແດງຄວາມຂອບໃຈຕໍ່ທ່ານ ບຸນທອງ ຈິດມະນີ ທີ່ໄດ້ໃຫ້ການຕ້ອນຮັບໃນຄັ້ງນີ້ ພ້ອມທັງໄດ້ແຈ້ງຈຸດປະສົງຂອງການເຂົ້າຢ້ຽມຂາໍ່ນັບ ເພື່ອສືບຕໍ່ເສີມຂະຫຍາຍການສ້າງປະຊາຄົມ ລາວ-ຈີນ ໃນຖານະຄູ່ຮ່ວມຊາ ຕາກໍາດຽວກັນ, ປຶກສາຫາລື ແລກປ່ຽນທັດສະນະກ່ຽວກັບການສົ່ງເສີມການສ້າງທາງລົດໄຟ ລາວ-ຈີນ ແລະ ການຮ່ວມມືລະຫວ່າງ ລາວ-ຈີນ.(ຂ່າວ: ແສງຈັນ-ພາບ: ພູວຽງຄຳ)