ສ.ເກົາ­ຫຼີ ຊ່ວຍ​ທຶນ​ກໍ່­ສ້າງ​ໂຮງ­ຮຽນ ຢູ່​ຊຽງ​ຂວາງ 100.000 ໂດ​ລາ

06.11.2019 9:03     

   ທ່ານ ອິມ​ມູ​ຮົງ ປະທານ​ສະມາຄົມ​ອາ​ຣຶມ​ດາ​ອູນ ຊາ​ຣາມ​ດຶ​ລ ພັນທະ​ມິດ​ເພື່ອ​ປອງ​ດອງ​ຊາດ ສ.ເກົາຫຼີ ພ້ອມ​ດ້ວຍ​ຄະນະໄດ້​ຢ້ຽມຢາມ ແລະ ເຮັດ​ວຽກ​ຢູ່​ແຂວງ​ຊຽງ​ຂວາງ ໃນ​ລະ​ຫວ່າງ​ວັນ​ທີ 30-31 ຕຸລາ​ຜ່ານ​ມາ​ ໂອກາດ​ນີ້​ກໍໄດ້​ຈັດ​ພິທີ​ມອບ​-​ຮັບ​ອາຄານ​ຮຽນ​ໂຮງ ຮຽນ​ປະຖົມ​ສົມບູນບຸນຖິ່ນ​-​ໂດ​ເຢືອງ​ຈູ ທີ່​ບ້ານ​ພຽງ​ດ້າງ ເມືອງ​ຄຳ ແຂວງ​ຊຽງ​ຂວາງ ຜູ້ ຕາງໜ້າ​ບໍລິສັດ SNC ຊຶ່ງເປັນບໍລິສັດ​ຮັບ​ເໝົາ​ກໍ່ສ້າງ​ອາຄານ​ຮຽນ​ໄດ້​ລາຍ​ງານ​ວ່າ: ການ​ກໍ່ສ້າງ​ອາຄານ​ຮຽນ​ດັ່ງກ່າວ​ ມູນ​ຄ່າ​ທັງ​ໝົດ 100.000 ໂດ​ລາ, ປະກອບ​ມີ​ອາຄານ​ຮຽນ 6 ຫ້ອງ (ຂະໜາດ 9x48 ແມັດ, ຫ້ອງ​ຮຽນ 7x8 ແມັດ) ຫ້ອງ​ນ້ຳ 4 ຫ້ອງ ປະກອບ​ດ້ວຍ​ເຟີນີເຈີ, ຂັ້ນໄດ​ຄອນ​ກີດ​ລົງ​ສູ່​ເດີ່ນ​ບານ, ປະຕູໂຂງ​ໂຮງຮຽນ ແລະ ເສົາທຸງ​ດ້ວຍ​ເຫຼັກ​ສະ​ແຕ່ນ​ເຫຼດ ໄດ້​ເລີ່ມ​ຕົ້ນ​ລົງມື​ກໍ່ສ້າງ​ມາ​ແຕ່​ວັນ​ທີ 28 ມີນາ 2019 ມາເຖິງ​ ປັດ ຈຸບັນ​ສຳເລັດ​ແລ້ວ 100% ໃຫ້​ທຶນ​ຊ່ວຍເຫຼືອ ​ໃນການ​ກໍ່ສ້າງ​ອາຄານ​ຮຽນ​ຫຼັງ​ນີ້​ແມ່ນ ​ທ່ານ​ນາງ ໂດ​ເຢືອງ​ຈູ ສະມາຊິກສະມາຄົມ​ອາ​ຣຶມ​ດາ​ອູນ ຊາ​ຣາມ​ດຶ​ລ ພັນທະ​ມິດ​ເພື່ອ​ປອງ​ດອງ​ຊາດ ສ.ເກົາຫຼີ ຊຶ່ງ​ທ່ານ​ໄດ້​ກ່າວ​ມອບອາຄານ​ຮຽນ​ດັ່ງກ່າວ​ໃຫ້​ພາກສ່ວນກ່ຽວ ຂ້ອງ​ນຳ​ໃຊ້ ແລະ ປົກ​ປັກ​ຮັກ ສານຳ​ໃຊ້​ໃຫ້​ຍາວ​ນານໃຫ້​ເກີດ​ຜົນປະໂຫຍດສູງ​ ຕໍ່​ຊຸມ​ຊົນ​ເຂດ​ນີ້ ພ້ອມ​ນີ້​ ທ່ານ​ຍັງ​ໄດ້​ມອບ​ອຸ ປະກອນ​ການ​ຮຽນ, ເຄື່ອງນຸ່ງ​ນັກຮຽນໃຫ້​ໂຮງຮຽນ​ດັ່ງກ່າວ​ຈຳນວນ​ໜຶ່ງຕໍ່​ການ​ຊ່ວຍເຫຼືອ​ຄັ້ງ​ນີ້ ທ່ານ ວຽງ​ໄຊ ສີວິໄລ ເຈົ້າ ເມືອງໆ​ຄຳ ກໍໄດ້​ກ່າວສະແດງ​ ຄວາມ​ຂອບໃຈຢ່າງ​ສູງ​ມາ​ຍັງ ຜູ້​ໃຫ້​ທຶນ, ສະມາຄົມ ແລະ ສະພາປະຊາຊົນ​ແຂວງ​ທີ່ໄດ້ ຊອກຫາ​ແຫຼ່ງ​ທຶນ, ໃຫ້ການ​ຊ່ວຍເຫຼືອຊີ້​ທິດເຍືອງທາງ ສູ້​ຊົນ​ ເພື່ອ​ໃຫ້​ບັນລຸ​ຕົວຊີ້ວັດ ສະ ຫັດສະ​ວັດ ​ໃນ​ການ​ພັດທະນາ ເຮັດໃຫ້ການ​ພັດທະນາ​ຊັບພະ ຍາກອນ​ມະນຸດ​ດີ​ຂຶ້ນ​ເລື້ອຍໆ​ ໃນ​ທ້ອງຖິ່ນ​ເມືອງ​ຄຳ. ຄະນະ​ຜູ້​ແທນ ສ.ເກົາຫຼີ ຍັງ​ໄດ້​ເຂົ້າ​ພົບ​ປະ​ທ່ານ ບຸນ​ຕົ້ນ ຈັນທະ​ພອນ ເຈົ້າແຂວງໆ​ຊຽງ​ຂວາງ ພ້ອມ​ດ້ວຍ​ຄະນະ ແລະ ໄດ້ລາຍ​ ງານ​ຈຸດປະສົງ​ຂອງ​ການ​ມາ ຢ້ຽມຢາມ ແລະ ເຮັດ​ວຽກ​ຢູ່ ແຂວງຊຽງຂວາງ ຊຶ່ງ​ທາງ​ສະ ມາຄົມ​ຈະ​ໃຫ້ການ​ຊ່ວຍເຫຼືອ​ກໍ່ສ້າງ​ໂຮງໝໍ​ບຸນ​ຖິ່ນ (ກຸ່ມບຸນ ​ຖິ່ນ ເມືອງ​ຄຳ​ ແຂວງ​ຊຽງ​ຂວາງ), ລົດດັບ​ເພີງ ​ຈຳນວນ 15 ຄັນ ແລະ ລົດ​ສົ່ງ​ຄົນ​ເຈັບ ຈຳນວນ​ໜຶ່ງ ຈາກນັ້ນທ່ານ​ເຈົ້າແຂວງ ​ກໍໄດ້​ກ່າວ​ສະແດງ​ຄວາມ​ຮູ້​ບຸນ ຄຸນຕໍ່​ສະມາຄົມກໍຄື​ຜູ້​ໃຫ້​ທຶນ ທີ່​ສະໜອງ​ຄວາມ​ຝັນ ແລະ ຄວາມ​ປາຖະໜາ​ຂອງ​ລູກຫຼານ​ ນັກຮຽນ, ຊ່ວຍ​ພັດທະນາແຂວງ ​ຊຽງ​ຂວາງ ພ້ອມໆ​ກັບ​ພັດທະນາ​ຊັບພະຍາກອນ​ມະນຸດໃຫ້​​ດີຂຶ້ນ​ເລື້ອຍໆ.
(ຂ່າວ: ບຸນ​ມີ ແສງ​ທຸມ​ມີ)