ສູນ​ກາງ​ແນວ​ລາວ​ສ້າງ​ຊາດ ແລະ ສະ­ພາ​ສັງ­ຄົມ​ຂອງ​ສະ­ຫະ­ພັນຣັດ​ເຊຍ ເພີ່ມ​ທະ­ວີ​ການ​ຮ່ວມ​ມື

07.11.2019 9:14     

   ພິ​ທີເຊັນ​ບົດ​ບັນທຶກ​ຊ່ວຍ​ຈໍາ​ວ່າ​ດ້ວຍ​ການ​ພົວພັນ ແລະ ການ​ຮ່ວມ​ມື​ລະຫວ່າງສູນ​ກາງ​ແນວ​ລາວ​ສ້າງ​ຊາດ (ສນຊ) ແລະ ສະພາ​ສັງຄົມ​ຂອງ​ສະຫະ ພັນ​ຣັດເຊຍ ໄດ້​ຈັດຂຶ້ນ​ ໃນ​ວັນ​ທີ 5 ພະຈິກ​ຜ່ານ​ມາ ທີ່​ ສນຊ. ຮ່ວມ​ລົງນາມ​ຄັ້ງ​ນີ້ ຝ່າຍ​ລາວ ແມ່ນ​ທ່ານ ສົມ​ອົກ ກິ່ງສະດາ ຮອງປະທານ ສນຊ ແລະ ຝ່າຍ ຣັດ​ເຊຍ​ແມ່ນທ່ານນາງ ເອເລນາ ຊູຕຼໍ​ມີນາ ປະທານສະພາທາງ ສັງຄົມຂອງສະຫະພັນຣັດເຊຍ ໂດຍເປັນ​ກຽດເຂົ້າຮ່ວມຂອງ ທ່ານ ໄຊ​ສົມ​ພອນ ພົມວິຫານ ກໍາມະການກົມການເມືອງ​ສູນ​ກາງ​ພັກ ປະທານ ສນ​ຊ, ທ່ານ ​ ສົມ​ດີ ບຸນ​ຄຸ້ມ ຮອງ​ຄະນະພົວ ພັນ​ຕ່າງປະເທດ​ສູນ​ກາງພັກ ພ້ອມ​ດ້ວຍ​ພາກສ່ວນ​ທີ່​ກ່ຽວ ຂ້ອງຂອງ​ທັງ​ສອງ​ຝ່າຍເຂົ້າ​ ຮ່ວມ.

   ການ​ຮ່ວມ​ມື​ໃນ​ຄັ້ງ​ນີ້ ​ເພື່ອ​ເປັນ​ການ​ພົວພັນ ແລະ ຮ່ວມ​ມືກັນ​ ທາງ​ດ້ານ​ປະຫວັດສາດ, ວັດທະ​ ນະ​ທຳ ແລະ ວິທະຍາສາດ, ສິດ ທິ​ມະນຸດ, ຄວາມ​ກ້າວໜ້າ​ທາງ​ສັງຄົມ, ສິດ​ເສລີພາບ​ຂັ້ນ​ພື້ນ ຖານ ແລະ ອິດ​ສະຫຼະ​ພາບ ​ເພື່ອ​ຄວາມ​ສະດວກ​ໃຫ້​ແກ່​ການພັດ ທະນາ​ທາງ​ດ້ານ​ສັງຄົມ, ການ​ກຸສົນ​ສາທາລະນະ ແລະ ອົງ ການ​ຈັດ​ຕັ້ງ​ອື່ນໆ ເພື່ອ​ເປັນ​ການ​ຂະຫຍາຍ​ສາຍ​ພົວພັນມິດ ຕະພາບ​ອັນ​ເປັນ​ມູນເຊື້ອ​ໃນ​ຂົງເຂດ​ພັດທະນາ​ການ​ຮ່ວມມື ລະຫວ່າງ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ແລະ ສະຫະພັນຣັດເຊຍ, ເປັນ ຕົ້ນ​ແມ່ນສູນ​ກາງ​ແນວ​ລາວ​ ສ້າງ​ຊາດ ແລະ ສະພາທາງສັງ ຄົມ​ຣັດເຊຍ ຈຶ່ງ​ໄດ້​ຕົກລົງ​ເຮັດ​ບົດ​ບັນທຶກ​ຊ່ວຍ​ຈໍາ​ດັ່ງກ່າວ ເພື່ອ​ແລກ​ປ່ຽນ​ຄໍາ​ຄິດ​ຄໍາ​ເຫັນ ແລະ ອອກແຮງ​ປະສານ​ສົມທົບ​ກ່ຽວ​ກັບ​ບັນຫາ​ທີ່​ທັງ​ສອງ​ຝ່າຍ​ມີ​ຄວາມ​ສົນໃຈ​ຮ່ວມ​ກັນ, ສືບຕໍ່​ຮັດ​ແໜ້ນ​ສາຍ​ພົວພັນ​ລະຫວ່າງ ສປປ​ ລາວ ແລະ ສະຫະພັນ ​ຣັດເຊຍ ພ້ອມ​ກັນ​ນັ້ນກໍຈະດໍາ​ ເນີນ​ການ​ປຶກສາ​ຫາລືແລກ ປ່ຽນ​ການ​ຢ້ຽມຢາມ​ຂອງ​ຄະນະ​ຜູ້​ແທນທັງ​ສອງ​ຝ່າຍ​ຈະ​ເຜີຍແຜ່​ຂໍ້​ມູນ​ຂ່າວສານ​ໄດ້​ຢ່າງ​ກວ້າງ ຂວາງ​ທີ່​ພົວພັນ​ກັບ​ຊີວິດ​ດ້ານ​ວັດ​ທະ​ນະ​ທໍາ, ເສດຖະກິດ- ສັງ ຄົມ​ ຢູ່ ສປປ ລາວ ແລະ ສະຫະ ພັນ​ຣັດ​ເຊຍ ເພື່ອ​ຮັບປະກັນ​ໃຫ້​ມີ​ການ​ປະສານ​ສົມທົບ ​ ຊຶ່ງ​ກັນ ແລະ ກັນ, ທັງ​ສອງ​ຝ່າຍ​ຈະ​ສ້າງຕັ້ງ​ຄະ​ນະ​ກໍາ​ມະ​ການ​ຮັບຜິດຊອບ​ດ້ານ​ເຕັກນິກ​ທີ່​ກ່ຽວຂ້ອງ ​ເພື່ອ​ການ​ປະສານ​ງານ​ເຮັດ​ວຽກ​ຮ່ວມ​ກັນ.
(ຂ່າວ​-​ພາບ: ສນຊ)