ສາທິດການປຸງແຕ່ງອາຫານຂອງຊາວຈ່ຽງໜານ ສປ ຈີນ


...

05.11.2018 16:56     

   ສະຖານເອກອັກຄະລັດ ຖະທູດ ສປ ຈີນ ປະຈຳ ສປປ ລາວ ຮ່ວມກັບສູນວັດທະນະ ທຳຈີນ ປະຈຳ ສປປ ລາວ ແລະ ແຂວງເຈີ້ຈ່ຽງ ສປ ຈີນ ໄດ້ຈັດ ງານບຸນປະເພນີໄຫວ້ພະຈັນ ຂອງຊາວຈີນ ໃນວັນທີ 12 ກັນ ຍາທີ່ຜ່ານມາ ທີ່ນະຄອນຫຼວງ ວຽງຈັນ ໂດຍມີທ່ານ ນາງ ສູນ ທອນ ໄຊຍະຈັກ ຫົວໜ້າຄະ ນະພົວພັນຕ່າງປະເທດສູນກາງ ພັກ, ທ່ານ ຫວັງ ເຫວິນ ທ່ຽນ ເອກອັກຄະລັດຖະທູດ ແຫ່ງ ສປ ຈີນ ປະຈຳ ສປປ ລາວ, ມີພາກສ່ວນກ່ຽວຂ້ອງ ແລະ ແຂກຖືກເຊີນເຂົ້າຮ່ວມ. ງານບຸນໄຫວ້ພະຈັນຂອງ ຊາວຈີນຄັ້ງນີ້ ໄດ້ຈັດໃຫ້ມີກິດ ຈະກຳສາທິດການປຸງແຕ່ງອາ ຫານທີ່ມີຫົວຂໍ້ວ່າ: "ຈີນເທິງ ປາຍລີ້ນ-ກອງປະຊຸມການເຮັດ ອາຫານ ເຂດຈ່ຽງໜານຂອງ ຈີນ" ໄດ້ມີຜູ້ປຸງແຕ່ງອາຫານ ທີ່ມີສີມືດີ 5 ທ່ານ ມາຈາກແຂວງຈ່ຽງໜານ ມາສາທິດການປຸງແຕ່ງອາຫານທີ່ເປັນເອກະລັກຂອງຊາວຈ່ຽງໜານ ໃຫ້ຜູ້ເຂົ້າ ຮ່ວມງານໄດ້ຮັບປະທານກັນຢ່າງ ແຊບຊ້ອຍ. ພ້ອມນີ້ ຍັງໄດ້ຮັບ ຊົມການສະແດງການປັ້ນຕຸກ ກະຕາທີ່ເຮັດດ້ວຍແປ້ງ, ເຂົ້າ ໜົມໝາກງາໄສ້ໂຄ່ງໃຫຍ່ທີ່ປາ ນີດຈາກພໍ່ຄົວທັງ 5 ທ່ານ ອັນໄດ້ສ້າງບັນຍາກາດຄຶກຄື້ນ ແລະ ສ້າງຄວາມສົນໃຈໃຫ້ແກ່ຜູ້ເຂົ້າຮ່ວມງານຄັ້ງນີ້ ໄດ້ເປັນຢ່າງດີ. ທ່ານ ຫວັງ ເຫວິນ ທ່ຽນ ໄດ້ໃຫ້ຮູ້ວ່າ: ການຈັດກິດຈະ ກຳສາທິດການປຸງແຕ່ງອາຫານ ຈີນໃນຄັ້ງນີ້ ແມ່ນເປັນການ ເຜີຍແຜ່ວັດທະນະທຳດ້ານອາ ຫານຂອງຊາວຈ່ຽງໜານໃຫ້ ມວນຊົນທົ່ວໂລກຮັບຮູ້ ແລະ ເຂົ້າໃຈກ່ຽວກັບການປຸງແຕ່ງ ອາຫານ. ນອກຈາກນີ້ ກໍເປັນ ການແລກປ່ຽນວັດທະນະທຳ ການກິນອາຫານກັບບັນດາປະ ເທດອາຊຽນກັບປະເທດຄູ່ຮ່ວມ ເຈລະຈາຂອງອາຊຽນໄດ້ຮັບຮູ້ ແລະ ໃຫ້ຮັບຮູ້ລົດຊາດຂອງອາຫານຈີນເຂດຈ່ຽງໜານມີລົດຊາດຄືແນວໃດ, ຫວັງຢ່າງຍິ່ງວ່າກິດຈະກຳດັ່ງກ່າວຈະເຮັດໃຫ້ການພົວພັນຮ່ວມມືລະ ຫວ່າງ ສປ ຈີນ ກັບບັນດາປະ ເທດສະມາຊິກອາຊຽນຈະໄດ້ ຮັບການຂະຫຍາຍຕົວ ແລະ ແຕກດອກອອກຜົນ ແລະ ພັດ ທະນາໃຫ້ເປັນທີ່ຮູ້ຈັກໃນບັນ ດາປະເທດອາຊຽນ. (ຂ່າວ: ສຸກສາຄອນ, ພາບ: ທອງດຳ)