ຄະນະຜູ້ແທນລາວເຂົ້າຮ່ວມກອງປະຊຸມລັດຖະມົນຕີວັດທະນະທຳ ແລະ ສິລະປະອາຊຽນ ຄັ້ງທີ 8


...

05.11.2018 15:40     

   ຄະນະຜູ້ແທນລາວ ນຳ ໂດຍ ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ ພ້ອມ ດ້ວຍເຈົ້າໜ້າທີ່ອາວຸໂສຮັບ ຜິດຊອບວຽກງານວັດທະນະ ທຳ ແລະ ສິລະປະອາຊຽນລາວ ແລະ ວິຊາການທີ່ກ່ຽວຂ້ອງໄດ້ເຂົ້າຮ່ວມກອງປະຊຸມລັດ ຖະມົນຕີຮັບຜິດຊອບວຽກງານ ວັດທະນະທຳ ແລະ ສິລະປະ ອາຊຽນ ຄັ້ງທີ 8 ແລະ ບັນດາ ກອງປະຊຸມປິ່ນອ້ອມ. ກອງ ປະຊຸມຄັ້ງນີ້ໄດ້ຈັດຂຶ້ນໃນວັນ ທີ 24 ຕຸລາ 2018 ທີ່ ໂຮງແຮມ ຮີອາດ ຣີເຈນຊີ (Hyatt Regency), ເມືອງຢອກຢາກາຕາ, ປະເທດອິນໂດເນເຊຍ ພາຍ ໃຕ້ຫົວຂໍ້: ຢຶດຖືເອົາວັດທະນະ ທຳປ້ອງກັນເຫດ ເພື່ອເຮັດໃຫ້ ເອກະລັກອາຊຽນມີຄວາມ ອຸດົມຮັ່ງມີ "Embracing the Culture of Prevention to Enrich the ASEAN Identity" ໂດຍມີບັນດາທ່ານລັດ ຖະມົນຕີ, ຮອງລັດຖະມົນຕີ, ເຈົ້າໜ້າທີ່ອາວຸໂສ ແລະ ບັນ ດາຜູ້ແທນ ຈາກພາກສ່ວນ ວັດທະນະທຳ ແລະ ສິລະປະ ຈາກບັນດາປະເທດສະມາ ຊິກອາຊຽນ ແລະ ທ່ານເລຂາ ທິການໃຫຍ່ອາຊຽນ ເຂົ້າຮ່ວມ ກອງປະຊຸມ. ກອງປະຊຸມດັ່ງກ່າວໄດ້ ດຳເນີນພາຍໃຕ້ການເປັນປະທານ ຂອງ ທ່ານ ມູຮາດຈິ ເອັຟເຟັນດີ (Muhadjir Effendy), ລັດຖະມົນຕີກະຊວງສຶກສາທິ ການ ແລະ ວັດທະນະທຳ,ອິນ ໂດເນເຊຍ. ກອງປະຊຸມ ໄດ້ ປຶກສາຫາລືບັນຫາຕ່າງໆ ຢ່າງ ກວ້າງຂວາງ ແລະ ສ້າງສັນໃນ ນັ້ນໄດ້ພິຈາລະນາຮັບຮອງ ເອກະສານສຳຄັນເຊັ່ນ: ຖະ ແຫຼງການຢອກຢາກາຕາ ວ່າ ດ້ວຍການຢຶດຖືເອົາວັດທະນະທຳປ້ອງກັນເຫດ ເພື່ອເຮັດໃຫ້ ເອກະລັກອາຊຽນມີຄວາມອຸດົມ ຮັ່ງມີ. ຖະແຫຼງການນີ້ຈະໄດ້ ນໍາສະເໜີໃຫ້ຜູ້ນໍາອາຊຽນຮັບ ຊາບ ທີ່ກອງປະຊຸມສຸດຍອດ ອາຊຽນ ຄັ້ງທີ 33 ຊຶ່ງຈະຈັດ ຂຶ້ນໃນເດືອນພະຈິກ 2018 ທີ່ ປະເທດສິງກະໂປ. ທ່ານ ສະຫວັນຄອນ ຣາຊ ມຸນຕຣີ ໄດ້ສະເໜີ ຕໍ່ກອງປະຊຸມ ຄັ້ງນີ້ວ່າ: ສປປ ລາວ ເຫັນໄດ້ຄວາມສຳຄັນຂອງວຽກງານວັດທະນະທຳ ແລະ ສິລະປະ ໂດຍສົ່ງເສີມໃຫ້ເຄົາລົບ, ຮັບ ຮູ້ ແລະ ເຂົ້າໃຈວັດທະນະທຳ ຊິຶ່ງກັນ ແລະ ກັນ ເພື່ອມິດ ຕະພາບ ແລະ ການຮ່ວມມື ນຳມາໃຫ້ສັງຄົມມີຄວາມປອງ ດອງ, ມີການພັດທະນາຍືນຍົງ ແລະ ຈະເລີນຮຸ່ງເຮືອງ. ພ້ອມນັ້ນທ່ານຍັງເນັ້ນຕື່ມ ອີກວ່າ: ລາວເຮົາຍາມໃດກໍ ຊອກຫາທຸກວິທີທາງເພື່ອຮັກສາ ແລະ ພັດທະນາວັດທະນະທຳ ແລະ ຮີດຄອງປະເພນີທີ່ຫຼາກຫຼາຍຂອງປະຊາຊົນບັນດາ ເຜົ່າ ເພື່ອປະກອບສ່ວນເພີ່ມທະວີ ໃນການພັດທະນາວັດທະນະ ທຳ ແລະ ທ່ອງທ່ຽວ ແລະ ສ້າງກາລະໂອກາດໃຫ້ປະຊາຊົນມີວຽກເຮັດງານທຳ ເພື່ອໃຫ້ບັນລຸເປົ້າໝາຍຫຼຸດພົ້ນອອກຈາກ ຄວາມທຸກຍາກ. ພ້ອມດຽວກັນ ນັ້ນ, ທ່ານ ຍັງໄດ້ກ່າວຊຸກຍູ້ໃຫ້ມີ ການຮ່ວມມືດ້ານປະກອບການ ຜະລິດຕະພັນວັດທະນະທຳຂະ ໜາດນ້ອຍ ແລະ ຂະໜາດກາງ (SMCEs). ໃນໄລຍະທີ່ຜ່ານມາ, ພວກ ເຮົາ ກໍໄດ້ຮັບຜົນສຳເລັດຫຼາຍ ຢ່າງໃນການປົກປັກຮັກ ສາ ແລະ ສົ່ງເສີມວັດທະນະທໍາອັນດີ ງາມ ແລະ ວັດທະນະທຳອັນມີ ຄຸນຄ່າ. ປະຕິບັດຕາມນະໂຍ ບາຍ ຂອງ ລັດຖະບານ ວ່າດ້ວຍ ວັດທະນະທໍາແຫ່ງຊາດ, ປະ ຊາຊົນລາວ ແລະ ທຸກພາກສ່ວນ ທີ່ກ່ຽວຂ້ອງ ໄດ້ມີຄວາມພະຍາ ຍາມສູງໃນການເສີມຂະຫຍາຍ ແລະ ພັດທະນາວັດທະນະ ທໍາລາວໃຫ້ອຸດົມຮັ່ງມີຍິ່ງຂຶ້ນ. ໃນລະດັບທ້ອງຖິ່ນ, ພວກ ເຮົາໄດ້ເອົາໃຈໃສ່ຊຸກຍູ້ໃຫ້ປະ ຊາຊົນເປັນເຈົ້າການໃນການສ້າງຄອບຄົວວັດທະນະທໍາ ແລະ ບ້ານວັດທະນະທໍາຕາມ ມາດຕະຖານທີ່ກຳນົດໄວ້. ສ່ວນວ່າໃນລະດັບພາກພື້ນ ແລະ ສາກົນ ພວກເຮົາກໍໄດ້ ຈັດຕັ້ງປະຕິບັດຫຼາຍໂຄງການ ແລະ ກິດຈະກຳພາຍໃນອາຊຽນ ແລະ ຮ່ວມກັບປະເທດຄູ່ຮ່ວມ ເຈລະຈາອາຊຽນ. ມານະໂອກາດນີ້, ທ່ານ ຮອງລັດຖະມົນຕີກໍໄດ້ແຈ້ງ ຕໍ່ກອງປະຊຸມຕື່ມອີກວ່າ: ໃນ ວັນທີ 7 ທັນວາ 2017 ອົງການ ສະຫະປະຊາຊາດ ເພື່ອການ ສຶກສາ, ວິທະຍາສາດ ແລະ ວັດທະນະທໍາ (UNESCO) ໄດ້ບັນທຶກສຽງແຄນຂອງ ປະຊາຊົນລາວ ເຂົ້າໃນບັນຊີມໍລະດົກນາມມະທຳທາງວັດທະນະທໍາ, ຊຶ່ງເປັນມໍລະດົກໂລກ ທຳອິດຂອງລາວກ່ຽວກັບ ວັດທະນະທຳນາມມະທຳ. ດັ່ງທີ່ບັນດາທ່ານຊາບດີແລ້ວ ວ່າ ສປປ ລາວ ມີ 2 ສະຖານ ທີ່ມໍລະດົກໂລກຄື: ເມືອງ ຫຼວງພະບາງ ແລະ ວັດພູຈຳ ປາສັກ. ຄຽງຄູ່ກັນນັ້ນ, ລາວ ກຳລັງເຮັດວຽກກັບຜູ້ຊ່ຽວ ຊານ ແລະ ອົງການປົກຄອງ ທ້ອງຖິ່ນຢ່າງໃກ້ຊິດຕິດແທດ ໃນການສະເໜີຊື່ທົ່ງໄຫຫີນ ຊຽງຂວາງ, ປ່າສະຫງວນທາງ ທຳມະຊາດ ຫີນໜາມໜໍ່ ແຂວງ ຄຳມ່ວນ ແລະ ລຳວົງລາວ ເຂົ້າ ເປັນມໍລະດົກໂລກຕື່ມອີກ. ໃນວັນດຽວກັນ, ກອງ ປະຊຸມລັດຖະມົນຕີຮັບຜິດຊອບວຽກງານວັດທະນະທຳ ແລະ ສິລະປະອາຊຽນກັບ ບັນດາປະເທດຄູ່ຮ່ວມເຈລະ ຈາອາຊຽນ ບວກສາມ ກໍໄດ້ຮັບ ຮອງເອົາບັນດາແຜນວຽກໃນຂອບການຮ່ວມມືອາຊຽນບວກສາມເຊັ່ນ: ແຜນວຽກໃນຂອບ ການຮ່ວມມືວັດທະນະທຳ ແລະ ສິລະປະອາຊຽນ-ຈີນ 2019-2021, ແຜນວຽກໃນຂອບການ ຮ່ວມມືວັດທະນະທຳ ແລະ ສິ ລະປະອາຊຽນ-ຍີ່ປຸ່ນ 2019-2021, ແຜນວຽກໃນຂອບການ ຮ່ວມມືວັດທະນະທໍາ ແລະ ສິລະປະອາຊຽນ-ສເກົາຫຼີ 2019-2021 ແລະ ແຜນ ວຽກໃນຂອບການຮ່ວມມືວັດ ທະນະທໍາ ແລະ ສິລະປະ ອາຊຽນບວກສາມ 2019-2021. ໃນຫຼາຍປີຜ່ານມາ, ການຮ່ວມມືອາຊຽນບວກສາມ ໃນດ້ານວັດທະນະທໍາ ແລະ ສິລະປະ ໄດ້ມີການຂະຫຍາຍ ຕົວໃນຫຼາຍດ້ານ ໂດຍໄດ້ ຮ່ວມກັນຈັດຕັ້ງປະຕິບັດບັນດາ ໂຄງການ ແລະ ກິດຈະກຳ ທີ່ໄດ້ຮັບການສະໜັບສະໜູນ ດ້ານທຶນຮອນ ແລະ ວິຊາການ ຈາກ ສປ ຈີນ, ຍີ່ປຸ່ນ ແລະ ສ.ເກົາຫຼີ.