ງານບຸນອອກພັນສາປະວໍລະນາ ແລະ ຊ່ວງເຮືອປະເພນີປະຈຳປີ 2018


...

05.11.2018 15:53     

   ງານບຸນອອກພັນສາປະວໍ-ລະ-ນາ ແລະ ຊ່ວງເຮືອປະ-ເພ-ນີ ປະ-ຈຳປີ 2018 ທີ່ທ່າວັດຈັນ ເມືອງ ຈັນ-ທະບູລີ ນະ-ຄອນ-ຫຼວງວຽງຈັນ ໄດ້ຈັດຂຶ້ນ ໃນວັນທີ 25 ຕຸ-ລານີ້ ໂດຍໃຫ້ກຽດເຂົ້າຮ່ວມມອບຂັນລາງ-ວັນຂອງ ທ່ານ ສີຫຸນ ສິດ-ທິລືໄຊ ຮອງເຈົ້າຄອງນະ-ຄອນ-ຫຼວງວຽງຈັນ, ມີທ່ານນາງ ບົວລອນ ວົງດາ-ລາແສນ ເຈົ້າ ເມືອງຈັນ-ທະບູລີ ປະ-ທານຈັດງານບຸນ, ມີບັນ-ດາຜູ້-ນຳພັກ-ລັດ, ແຂກຖືກເຊີນ, ມວນຊົນ ແລະ ນັກທ່ອງທ່ຽວເຂົ້າຮ່ວມຢ່າງຫຼວງ-ຫຼາຍ. ສໍາລັບການແຂ່ງ-ຂັນຊ່ວງເຮືອປະຈໍາປີ 2018 ມີເຮືອເຂົ້າຮ່ວມແຂ່ງ-ຂັນທັງໝົດ 22 ລໍາ ແລະ ຈັດໃຫ້ມີການຊ່ວງເຮືອຢູ່ 2 ບ່ອນຄື: ບໍ-ລິ-ເວນທ່າວັດຈັນ ແມ່ນຊ່ວງເຮືອ 12 ສີ-ພາຍ ແລະ ຕໍ່ໜ້າໂຮງແຮມແລນມາກ ເມືອງສີສັດຕະນາກແມ່ນ ຊ່ວງເຮືອ 55 ສີ-ພາຍ. ຜົນການ ແຂ່ງ-ຂັນປາ-ກົດວ່າປະ-ເພດເຮືອປະ-ເພ-ນີຊາຍຊະ-ນະເລີດໄດ້ -ແກ່ເຮືອຣີສອດປາກນໍ້າຄານ ໄດ້ຮັບຂັນນໍ້າໜັກ 1 ກິ-ໂລ 1 ໜ່ວຍເງິນສົດ 20 ລ້ານກີບ ພ້ອມດ້ວຍຂັນໝູນ-ວຽນ, ອັນດັບ 2 ແມ່ນເຮືອທະ-ນາ-ຄານຮ່ວມພັດ-ທະ-ນາ ໄດ້ຮັບຂັນ 1 ໜ່ວຍພ້ອມເງິນສົດ 15 ລ້ານກີບ ແລະ ອັນດັບ 3 ແມ່ນເຮືອພອນສະ-ຫວັນໄດ້ຮັບຂັນ 1 ໜ່ວຍພ້ອມເງິນສົດ 10 ລ້ານກີບ, ເຮືອປະ-ເພ-ນີຍິງຊະ -ນະເລີດໄດ້ເເກ່ເຮືອບໍ-ລິ-ສັດແສງເພັດກໍ່-ສ້າງ ໄດ້ຮັບຂັນນໍ້າໜັກ 1 ກິ-ໂລໜຶ່່ງໜ່ວຍພ້ອມເງິນສົດ 20 ລ້ານກີບ, ທີ 2 ໄດ້-ແກ່ເຮືອບ້ານທ່າພະ ໄດ້ຮັບຂັນ 1 ໜ່ວຍພ້ອມເງິນສົດ 15 ລ້ານກີບ , ອັນດັບ 3 ໄດ້-ແກ່ເຮືອບໍ-ລິ-ສັດພັນ-ທະວົງ ໄດ້ຮັບຂັນໜຶ່ງໜ່ວຍພ້ອມເງິນສົດ10 ລ້ານກີບ, ປະ-ເພດເຮືອສູດອັນດັບໜຶ່ງໄດ້ ແກ່ເຮືອກຸ່ມບໍ-ລິ-ສັດຊ້າງເພັດຫຼວງພະບາງ ໄດ້ຮັບຂັນນໍ້າໜັກ 1 ກິ-ໂລໜຶ່ງໜ່ວຍພ້ອມເງິນສົດ 15 ລ້ານກີບ, ສ່ວນເຮືອ 12 ສີ-ພາຍອັນດັບ 1 ໄດ້-ແກ່ເຮືອເທບພິ-ສິດໄຊ ໄດ້ຮັບຂັນ 1 ໜ່ວຍພ້ອມເງິນສົດ 10 ລ້ານກີບ. ທ່ານ ນາງ ບົວລອນ ວົງດາລາແສນ ກ່າວວ່າ: ງານບຸນອອກພັນສາ ປະວໍ-ລະ-ນາ ແລະ ຊ່ວງເຮືອປະ-ເພ-ນີ ທ່າວັດຈັນ ເມືອງຈັນທະບູລີ ນະ-ຄອນຫຼວງວຽງຈັນປີນີ້ ຊຶ່ງຄະ-ນະພັກ, ຄະນະນຳເມືອງຈັນ-ທະບູລີ ເປັນເຈົ້າ ການ-ຈັດ-ຕັ້ງງານບຸນດັ່ງກ່າວ ຂຶ້ນ ແລະ ອົງການປົກ-ຄອງນະຄອນຫຼວງວຽງຈັນ ໄດ້ເຮັດໃຫ້ງານບຸນດັ່ງກ່າວໄດ້ຮັບຜົນ ສຳ-ເລັດ ແລະ ລຸລ່ວງໄປດ້ວຍດີ, ທີ່ສຳ-ຄັນແມ່ນໄດ້ເປັນເຈົ້າ ການ ເຮັດວຽກງານປ້ອງກັນຄວາມສະ-ຫງົບ ໂດຍໄດ້ມີການ-ຈັດ -ຕັ້ງວາງແຜນຢ່າງລະ-ອຽດບໍ່ວ່າ-ການຈັດສັນຈຸດຄົນເຂົ້າ- ອອກ, ເຂດກຳນົດບ່ອນຈອດລົດ, ສະຖານທີ່ຈັດຕະຫຼາດນັດຂາຍສິນ-ຄ້າ, ສະຖານບັນເທີງ, ບ່ອນຫຼິ້ນ,ຮ້ານອາ-ຫານ ແລະ ອື່ນໆ ໄດ້ເປັນຢ່າງດີ, ຜ່ານການ ຄົບ-ງັນ ມາແຕ່ວັນທີ 22-25 ຕຸ-ລາ ໄດ້ເຮັດໃຫ້ງານບຸນປີນີ້ສຳ-ເລັດລຸລ່ວງໄປດ້ວຍດີທີ່ສຳ- ຄັນແມ່ນບໍ່ມີບັນ-ຫາສິ່ງຫຍໍ້-ທໍ້ທີ່ ບໍ່ດີເກີດຂຶ້ນ, ສະ-ນັ້ນຊຸມປີຕໍ່ໜ້າເຊື່ອແນວ່າຈະສືບ-ຕໍ່ນຳເອົາບົດ- ຮຽນທີ່ດີນຳ-ໄປຈັດຕັ້ງປະຕິ-ບັດ ແລະ ແກ້ໄຂບັນ-ຫາທີ່ຍັງເປັນຂໍ້ຄົງຄ້າງນຳມາແກ້ໄຂແນ-ໃສ່ ເພື່ອເຮັດໃຫ້ວຽກງານໃນຊຸມປີຕໍ່-ໜ້າໃຫ້ໄດ້ຮັບຜົນ-ສຳ-ເລັດຂຶ້ນເປັນກ້າວໆ (ຂ່າວ-ພາບ: ສຳນານ ພົມພັກ-ດີ)