ການນຳກະຊວງ ຖ ວ ທ ຕ້ອນຮັບຊ່ຽວຊານອົງການອຸຍແນັສໂກ


...

05.11.2018 15:52     

   ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ທ່ານ ຄຣິສໂຕເຟີ ຄລາວ ໂຈເຊບ ຊ່ຽວຊານ ICOMOS ຈາກອົງການອຸຍແນັດສະ ໂກ ເຂົ້າຢ້ຽມຂໍ່ານັບ ເມື່ອວັນທີ 30 ຕຸລານີ້ ທີ່ກະຊວງດັ່ງກ່າວ ໃນໂອກາດທີ່ທ່ານເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງ ວັນທີ 2030 ຕຸລານີ້ ໂດຍສະເພາະ ມາປະຕິບັດ ໜ້າທີ່ດຳເນີນການປະເມີນຜົນຕໍ່ແຫຼ່ງ ມໍລະດົກໄຫຫີນ ແຂວງຊຽງຂວາງ ໃນການຮັບຮອງເຂົ້າເປັນມໍລະດົກໂລກ. ໃນໂອກາດດັ່ງກ່າວ ທ່ານ ຮອງລັດຖະມົນຕີ ກະຊວງ ຖວທ ໄດ້ກ່າວສະແດງ ຄວາມຍິນດີຕ້ອນ ຮັບຊົມເຊີຍຕໍ່ ທ່ານ ຄຣິສ ໂຕເຟີ ຄລາວ ໂຈເຊບ ທີ່ເດີນ ທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ໂດຍສະເພາະມາປະຕິບັດໜ້າທີ່ດຳເນີນການປະເມີນຜົນຕໍ່ແຫຼ່ງມໍລະດົກໄຫຫີນ ແຂວງ ຊຽງຂວາງໃນການຮັບຮອງເຂົ້າເປັນມໍລະດົກໂລກ ຊຶ່ງເປັນມິດໝາຍສຳຄັນ ໃນການປະ ກອບ ສ່ວນເສີມສ້າງການພົວ ພັນຮ່ວມມື ແລະ ຊ່ວຍເຫຼືອລະ ຫວ່າງລາວອົງການອຸຍແນັສໂກທີ່ມີມາແລ້ວນັ້ນ ໃຫ້ນັບມື້ ເພີ່ມພູນຄູນສ້າງຍິ່ງໆຂຶ້ນ. ທ່ານ ຄຣິສໂຕເຟີ ຄລາວ ໂຈເຊບ ໄດ້ສະແດງຄວາມຂອບ ໃຈຕໍ່ທ່ານຮອງລັດຖະມົນຕີ ກະຊວງ ຖວທ ທີ່ໄດ້ໃຫ້ ການຕ້ອນຮັບຢ່າງອົບອຸ່ນ ໃນນັ້ນ ຍັງໄດ້ແຈ້ງຈຸດປະສົງໃນການມາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ໃຫ້ ທ່ານຮອງລັດຖະມົນຕີກະຊວງ ຖວທ ໄດ້ຮັບຊາບຕື່ມອີກ. (ຂ່າວ: ສຳນານ ພົມພັກດີ )