ມອບ-ຮັບ ຄອມພິວເຕີ ແລະ ອຸປະກອນໄອທີ


...

03.06.2019 9:41     

   ອົງການໄອຍະການປະ ຊາຊົນສູງສຸດ (ອອປສ) ໄດ້ຈັດພິທີ ມອບ-ຮັບ ເຄື່ອງຊ່ວຍເຫຼືອຄອມພີວເຕີ, ໂທລະທັດ ແລະ ອຸປະກອນໄອທີ ຂຶ້ນໃນວັນທີ 31 ພຶດສະພາຜ່ານມາ ໂດຍການເຂົ້າຮ່ວມຂອງ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ. ທ່ານ ຈິນເຮີ້ ປະທານບໍລິສັດ ເຄບີ ສ.ເກົາຫຼີ, ທ່ານ ຊີຄຽງອີ ອຳນວຍການບໍລິສັດເຄບີໂຄລາວເຊົ່າສິນເຊື່ອ, ທ່ານ ຢອງໂຣລີ ຊ່ຽວຊານເຮັດວຽກຮ່ວມກັບຫ້ອງການອົງການໄອຍະການປະຊາຊົນສູງສຸດ ພ້ອມດ້ວຍພະນັກງານກ່ຽວ ຂ້ອງເຂົ້າຮ່ວມ ເຄື່ອງທີ່ນຳມາມອບໃນ ຄັ້ງນີ້ປະກອບມີ: ຄອມພິວເຕີ ຕັ້ງໂຕະ ຈຳນວນ 20 ໜ່ວຍ, ໂທລະທັດ 60 ນີ້ວ 1ໜວ່ຍ ແລະ ອຸປະກອນໄອທີ ເຊື່ອມ ຕໍ່ອິນເຕີເນັດ ຈຳນວນໜຶ່ງ ລວມມູນຄ່າທັງໝົດ 9 ພັນໂດລາ. ທ່ານ ຄຳສານ ສຸວົງກ່າວ ວ່າ: ການຊວ່ຍເຫຼືອໃນຄັ້ງນີ້ແມ່ນໜຶ່ງໃນການຈັດຕັ້ງປະ ຕິບັດໂຄງການໃນການພັດທະ ນາວຽກງານໄອທີ ຢູ່ ອອປສ ໃຫ້ ມີຄວາມເຂັ້ມແຂງ ແລະ ທັນສະ ໄໝເທື່ອລະກ້າວ ຊຶ່ງເປັນການຍົກລະດັບຄວາມຮູ້ຄວາມສາ ມາດຖັນແຖວພະນັກງານໃຫ້ສູງຂຶ້ນ , ພ້ອມນັ້ນທ່ານ ຍັງຮຽກ ຮ້ອງໃຫ້ພະນັກງານທຸກຄົນຈົ່ງພ້ອມກັນປົກປັກຮັກສາ ແລະ ນຳໃຊ້ເຄື່ອງດັ່ງກ່າວໃຫ້ເກີດຜົນປະໂຫຍດສູງສຸດ. (ຂ່າວ-ພາບ: ຕຸໄລເພັດ ພິມເມືອງ)