ລັດຖະມົນຕີກະຊວງ ຖວທ ຕ້ອນຮັບຜູ້ແທນ ສປ ຈີນ


...

06.06.2019 10:53     

   ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ( ຖວທ ) ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ເຄີ້ ຈື້ ຫົວ ປະທານສູນແລກປ່ຽນການຮ່ວມມືມິດຕະພາບສາກົນ ສປຈີນ ພ້ອມຄະນະທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ເມື່ອວັນທີ 4 ມິຖຸນານີ້, ທີ່ກະຊວງ ຖວທ.
ໃນໂອກາດນີ້, ທ່ານ ບໍ່ແສງຄຳ ວົງດາລາ ກໍໄດ້ກ່າວ ສະແດງຄວາມຕ້ອນຮັບຕີລາ ຄາສູງ ແລະ ຍ້ອງຍໍຊົມເຊີຍຕໍ່ທ່ານ ເຄີ້ ຈື້ ຫົວ ພ້ອມຄະນະທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປລາວຄັ້ງນີ້, ເພື່ອເປັນການປະກອບສ່ວນເສີມສ້າງສາຍພົວພັນຮ່ວມມືລະຫວ່າງ ສປປລາວ ແລະ ສປຈີນ ທີ່ມີມາແລ້ວນັ້ນໃຫ້ນັບມື້ເຕີບໃຫຍ່ຂະຫຍາຍຕົວຍິ່ງໆຂຶ້ນ ແລະ ອວຍພອນໃຫ້ທ່ານພ້ອມດ້ວຍຄະນະຈົ່ງປະສົບຜົນສໍາເລັດໃນການມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປລາວໃນຄັ້ງນີ້.
ທ່ານ ເຄີ້ ຈື້ ຫົວ ກໍໄດ້ກ່າວສະແດງຄວາມຂອບໃຈຕໍ່ທ່ານລັດຖະມົນຕີທີ່ໃຫ້ການຕ້ອນຮັບຢ່າງອົບອຸ່ນ ພ້ອມທັງແຈ້ງຈຸດປະສົງໃນການມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປລາວໃນຄັ້ງນີ້ໃຫ້ທ່ານຮັບຊາບຕື່ມອີກ.
(ຂ່າວ-ພາບ: ພູວັນ)