ກະຊວງ ຍທຂ ປາຖະກະຖາວັນເກີດ ປະທານ ສຸພານຸວົງ


...

25.07.2019 8:55     

   ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດຕັ້ງ ປາຖະກະຖາລະນຶກວັນເກີດ ປະທານ ສຸພານຸວົງ ຄົບຮອບ 110 ປີ (13 ກໍລະກົດ 1909-13 ກໍລະກົດ 2019), ໃນວັນທີ 24 ກໍລະກົດນີ້ ທີ່ກະຊວງດັ່ງກ່າວ ໂດຍການໃຫ້ກຽດປາຖະກະຖາຂອງທ່ານ ພັນດວງຈິດ ວົງສາ ອະດີດກຳມະການສູນກາງພັກ ອະດີດປະທານສູນກາງແນວລາວສ້າງຊາດ, ທ່ານ ລັດຕະນະ ຄູນນີວົງ ຮອງເລຂາຄະນະພັກ ຮອງລັດຖະມົນຕີກະຊວງ ຍທຂ ພ້ອມດ້ວຍພະນັກງານການນຳ ແລະ ວິຊາການເຂົ້າຮ່ວມ. ໃນການປາຖະກະຖາວັນ ສຳຄັນຄັ້ງນີ້ ທ່ານ ພັນດວງຈິດ ວົງສາ ໄດ້ຫວນຄືນຊີວິດ ແລະ ການເຄື່ອນໄຫວປະຕິວັດ ແລະ ໄດ້ຍົກໃຫ້ເຫັນປະຫວັດຜົນ ງານການເຄື່ອນໄຫວຄຸນງາມ ຄວາມດີມູນເຊື້ອອັນດີງາມຂອງ ປະທານ ສຸພານຸວົງ ໃນໄລຍະຕໍ່ສູ້ປົດປ່ອຍຊາດ ຕ້ານກັບຜູ້ຮຸກ ຮານ ແລະ ໃນພາລະກິດປົກ ປັກຮັກສາປະເທດຊາດ. ທ່ານໄດ້ຍົກ ໃຫ້ເຫັນວ່າປະທານ ສຸພານຸວົງ ແມ່ນປັນຍາຊົນຜູ້ຍິ່ງໃຫຍ່ເປັນເຊື້ອເຈົ້າທີ່ມີນໍ້າໃຈຮັກຊາດອັນດູດດື່ມໄດ້ເອົາຊີວິດຂອງຕົນຕິດພັນກັບການຕໍ່ສູ້ປະຕິວັດຂອງປະຊາຊົນ, ປະທານ ສຸພານຸວົງ ໄດ້ເລີ່ມຈາກນັກຮັກຊາດທີ່ແທ້ຈິງກາຍເປັນນັກຮົບປະ ຕິວັດທີ່ກ້າແກ່ນເປັນໜຶ່ງ ໃນບັນ ດາຜູ້ນຳທີ່ດີເດັ່ນ ແລະ ແສນເຄົາລົບຮັກຂອງປະຊາຊົນລາວບັນດາເຜົ່າເປັນປະທານປະ ເທດຜູ້ທຳອິດຂອງ ສປປ ລາວ. ປະທານ ສຸພານຸວົງ ໄດ້ ອຸທິດຕົນຢ່າງບໍ່ຮູ້ອິດຮູ້ເມື່ອຍ ເພື່ອຜົນສຳເລັດຂອງພາ ລະກິດປົກປັກຮັກສາ ແລະ ພັດທະນາປະເທດຊາດ ຢຶດໝັ້ນຕໍ່ແນວ ທາງຂອງພັກ ເປັນຜູ້ນຳທີ່ດຸໝັ່ນດຳລົງຊີວິດແບບລຽບງ່າຍ ປະຢັດ ບໍລິສຸດ ຜ່ອງໃສ ຕັ້ງໜ້າປະຕິບັດໜ້າທີ່ເຮັດທຸກສິ່ງທຸກຢ່າງ ເພື່ອຜົນປະໂຫຍດຂອງປະຊາຊົນຕະຫຼອດຊີວິດຂອງປະທານ ສຸພານຸວົງ ບໍ່ວ່າຈະຢູ່ໃນຕຳແໜ່ງໃດ, ຄວາມຮັບຜິດ ຊອບອັນໃດ ເພິ່ນກໍໄດ້ອຸທິດ ໝົດຈິດໝົດໃຈ, ໝົດຄວາມສາມາດ ແລະ ຫົວຄິດປະດິດສ້າງຂອງຕົນໃຫ້ແກ່ພາລະກິດປົກປັກຮັກສາ ແລະ ສ້າງສາປະ ເທດຊາດ ເພື່ອເອກະລາດ, ອະ ທິປະໄຕຂອງຊາດ ແລະ ຄວາມສົມບູນພູນສຸກຂອງປະຊາຊົນເຮົາ. ໃນການປາຖະກະຖາ ຄັ້ງນີ້ແມ່ນ ເພື່ອໃຫ້ສະມາຊິກພັກ- ພະນັກງານ ໃນທົ່ວກະຊວງ ຍທຂ ໄດ້ຮັບຮູ້ ແລະ ເຂົ້າໃຈສືບ ຕໍ່ເພີ່ມພູນຄູນສ້າງ ແລະ ຮໍ່າຮຽນເອົາແບບຢ່າງຄຸນງາມຄວາມດີຂອງປະທານ ສຸພານຸວົງ ຮຽນເອົາທັດສະນະຫຼັກໝັ້ນການເມືອງໜັກແໜ້ນ, ເຊື່ອໝັ້ນຕໍ່ການນຳພາຂອງພັກກໍຄືແນວທາງປ່ຽນແປງໃໝ່, ເອົາໃຈໃສ່ຝຶກ ຝົນຕົນເອງໃຫ້ກາຍເປັນພະນັກ ງານຮຸ່ນສືບທອດທີ່ຈົງຮັກພັກດີຕໍ່ພັກ ແລະ ຕໍ່ປະເທດຊາດອອກ ແຮງສຶກສາຮໍ່າຮຽນທິດສະດີມາກ-ເລນິນ, ວິຊາຊີບ ໃນຂະ ແໜງການຕ່າງໆ ເພື່ອໃຫ້ຕົນເອງ ມີຄວາມຮູ້ຄວາມສາມາດສູງປະ ກອບສ່ວນເຂົ້າໃນການສ້າງສາພັດທະນາປະເທດ ພ້ອມກັນນັ້ນ ກໍຕ້ອງສ້າງຕົນເອງໃຫ້ເປັນຄົນກ້າຫານ, ກ້າຄິດ, ກ້າສະແດງອອກ ເພື່ອປະກອບຄຳຄິດຄຳ ເຫັນທີ່ເປັນປະໂຫຍດ ໃນການ ຈັດຕັ້ງປະຕິບັດແນວທາງແຜນນະໂຍບາຍ, ນະໂຍບາຍຂອງພັກ ແລະ ກົດໝາຍຂອງລັດ. (ຂ່າວ: ຍຸພິນທອງ)