ປະທານ ສນຊ ເຄື່ອນໄຫວວຽກງານຢູ່ຫຼວງນ້ຳທາ


...

01.08.2019 8:53     

   ທ່ານ ໄຊສົມພອນ ພົມ ວິຫານ ກໍາມະການກົມການ ເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຫຼວງນຳ້ທາ ໂດຍການຕ້ອນຮັບຂອງ ທ່ານ ເພັດຖາວອນ ພິລາວັນ ເລຂາພັກແຂວງ ເຈົ້າແຂວງໆຫຼວງນຳ້ທາ ເມື່ອບໍ່ດົນຜ່ານມາ ທີ່ສະໂມສອນແຂວງຫຼວງນຳ້ ທາ. ໃນໄລຍະການເຄື່ອນໄຫວທ່ານປະທານ ສນຊ ໄດ້ພົບປະ ແລະ ເຮັດວຽກກັັບຄະນະນຳຂັ້ນແຂວງ, ແນວລາວສ້າງຊາດ ແລະ ອົງການຈັດຕັ້ງມະຫາຊົນແຂວງ. ໃນການເຄື່ອນໄຫວເຮັດວຽກໃນຄັ້ງນີ້ ທ່ານປະທານ ສນຊ ໄດ້ເຂົ້າຮ່ວມ ແລະ ໂອ້ລົມຕໍ່ກອງປະຊຸມຄົບຄະນະກໍາມະການແນວລາວສ້າງຊາດແຂວງ ຫຼວງນຳ້ທາ ຄັ້ງທີ 9 ສະໄໝທີ VI. ມີ ທ່ານ ນາງ ລັດສະ ໜີ ມິ່ງບຸບຜາ ກໍາມະການພັກແຂວງ ປະທານແນວລາວສ້າງຊາດແຂວງ, ມີບັນດາທ່ານຮອງປະທານແນວລາວສ້າງຊາດແຂວງ, ບັນດາຕາງໜ້າພະແນກການອ້ອມຂ້າງ, ອົງການຈັດຕັ້ງມະ ຫາຊົນ ແລະ ພະນັກງານແນວລາວສ້າງຊາດແຂວງເຂົ້າຮ່ວມ. ທ່ານປະທານ ສນຊ ໄດ້ຮັບຟັງບົດສະຫຼຸບວຽກງານຮອບດ້ານປະຈໍາປີ 2018 ແລະ ທິດທາງແຜນການ ປີ 2019; ບົດສະຫຼຸບວຽກງານສ້າງຄອບຄົວ ແລະ ບ້ານສາມັກຄີປອງດອງແນວລາວສ້າງຊາດ ຈາກທ່ານ ບຸນລິວັນ ຮອງປະທານແນວລາວສ້າງຊາດແຂວງ ແລະ ວຽກອື່ນໆທີ່ກ່ຽວຂ້ອງ. ພ້ອມດຽວກັນນັ້ນ ທ່ານ ໄຊສົມພອນ ພົມວິຫານ ໄດ້ເປັນກຽດໂອ້ລົມ ຊຶ່ງກ່ອນອື່ນທ່ານ ໄດ້ຍ້ອງຍໍຊົມເຊີຍຕໍ່ຜົນສໍາເລັດ ແລະ ຕີລາຄາສູງຕໍ່ຜົນງານການເຄື່ອນໄຫວລວມຂອງແນວລາວສ້າງຊາດແຂວງທີ່ຍາດມາໄດ້ໃນໄລຍະທີ່ຜ່ານມາ ແລະ ທ່ານ ໄດ້ເນັ້ນບາງບັນຫາຄື: ໃຫ້ແນວລາວສ້າງຊາດແຂວງ ຫຼວງນຳ້ທາ ຈົ່ງເພີ່ມທະວີກ້ອນກຳລັງມະຫາສາມັກຄີທຸກຊົນເຜົ່າ, ຊັ້ນຄົນ, ສາສະຫນາ, ເພດ, ໄວໃຫ້ໜັກແໜ້ນ ຄຽງຄູ່ກັນນັ້ນຕ້ອງຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບສຸກຂອງສັງ ຄົມ; ເອົາໃຈໃສ່ບຸກທະລຸທາງດ້ານຈິນຕະນາການ, ປັບປຸງແບບແຜນວິທີເຮັດວຽກຂອງຕົນ, ບຸກທະລຸກຢ່າງແຂງແຮງທາງດ້ານການພັດທະນາຊັບ ພະຍາກອນມະນຸດ ໂດຍສະ ເພາະແມ່ນການບໍາລຸງສ້າງ ແລະ ຍົກລະດັບຄວາມຮູ້ ຄວາມສາມາດຂອງພະນັກງານວິຊາການ; ເອົາໃຈໃສ່ຊຸກຍູ້ປະຊາຊົນໃນການສ້າງຄອບຄົວ ແລະ ບ້ານສາມັກຄີປອງດອງຕິດພັນກັບການແກ້ໄຂຄວາມທຸກຍາກຂອງປະຊາຊົນ ໂດຍການສ້າງກອງທຶນພັດທະນາຂັ້ນບ້ານໃຫ້ເກີດດອກອອກຜົນ; ພ້ອມດຽວກັນນັ້ນ ຕ້ອງສົມທົບກັບພະແນກພາຍໃນແຂວງ, ພາກ ສ່ວນທີ່ກ່ຽວຂ້ອງເອົາໃຈໃສ່ຈັດ ຕັ້ງປະຕິບັດໃນການແກ້ໄຂປະກົດການຫຍໍ້ທໍ້ໃນສັງຄົມ ບໍ່ວ່າຈະເປັນການສະກັດກັ້ນການຄ້າຂາຍເຖື່ອນ, ການຄ້າຢາເສບຕິດ, ບັນຫາການຄ້າມະນຸດ, ບັນຫາຕາມເຂດຊາຍແດນ ແລະ ບັນຫາອື່ນໆໃຫ້ໝົດໄປ, ຄຽງຄູ່ກັນນັ້ນ ຕ້ອງມີສະຕິລະວັງຕົວຕໍ່ການເຄື່ອນໄຫວຂອງກຸ່ມຄົນທີ່ບໍ່ຫວັງດີສວຍໃຊ້ວຽກງານຊົນເຜົ່າ, ສາສະໜາເພື່ອແບ່ງແຍກຄວາມສາມັກຄີ ເວົ້າລວມ ເວົ້າສະເພາະຄະນະກໍາມະການແນວລາວສ້າງຊາດແຕ່ລະຂັ້ນ, ພະນັກງານຫຼັກແຫຼ່ງ, ຜູ້ຊົງຄຸນວຸດທິ, ພະນັກງານປະຕິວັດ, ທະຫານ, ຕໍາຫຼວດ ຈົ່ງເຊີດຊູຄວາມຮັບຜິດຊອບໃນໜ້າທີ່ການເມືອງຂອງຕົນ, ເຕົ້າໂຮມຄວາມສາມັກຄີເປັນປຶກແຜ່ນ ແລະ ຕັ້ງໜ້າປຸກລະດົມຂົນ ຂວາຍປະຊາຊົນບັນດາເຜົ່າ ໃນການເຂົ້າຮ່ວມຂະບວນການຕ່າງໆທີ່ສຳຄັນຂອງຊາດ ແລະ ປະກອບສ່ວນຢ່າງຕັ້ງໜ້າຈັດຕັ້ງແຜນພັດທະນາເສດຖະກິດ-ສັງຄົມ ຂອງແຂວງໃຫ້ບັນລຸຕາມຄາດໝາຍ ກໍຄືວຽກງານແນວລາວສ້າງຊາດໃຫ້ມີການປ່ຽນແປງ ໃໝ່ທີ່ຕັ້ງໜ້າ ແລະ ນັບມື້ດີຂຶ້ນເທື່ອລະກ້າວ. ພ້ອມດຽວກັນນັ້ນ, ທ່ານ ປະທານ ສນຊ ຍັງໄດ້ໂອ້ລົມ ພະນັກງານຫຼັກແຫລ່ງ, ຜູູ້ຊົງຄຸນວຸດທິເມືອງຫຼວງນຳ້ທາ, ໂອ້ລົມປະຊາຊົນຢູ່ບ້ານ ນຳ້ທຸງ ແລະ ຢ້ຽມຢາມດ່ານສາກົນບໍ່ເຕັນ ຕື່ມອີກ. (ຂ່າວ-ພາບ: ສນຊ)